إيه الفرق بين الجين 2009 و 2010 ؟!

**tamer_aj** · 12-07-2009 04:46 PM

السلام عليكم و رحمة الله و بركاته,

يا جماعة أنا أعرف إيه هايكون الفرق بين الجين 2009 و 2010 ؟!!

حيث أني حاجز الجين 2 من أكتر من شهر علي أساس إني كنت المفروض أستلم في أول الشهر ده, و لكن للآسف قالي أ/ محسن صالح إن الدفعة هاتتأخر ممكن لأخر الشهر ده , و قالي كمان إن الـ 2010 هاتنزل علي أخر 8 أو أول 9 , ده المفروض.....!!!
وخيرني ما بين إني أستلم الـ 2009 إن شاء الله لما تيجي, أو إني أستني الـ 2010 إن شاء برده لما تيجي ....!! و بنفس السعر ,

و بصراحة أنا محتار, أستني ولا أستني ...؟!!!!!!

فا ممكن يا جماعة حد يدلني إيه هي الفروق اللي هاتبقي بين المودلين؟, وهل تستاهل الإنتظاااااااااااااااار.... .؟!! الله أعلم لأمتي....

و جزاكم الله كل خير.

م. تامر حافظ

**m.3abdel3al** · 13-07-2009 08:18 PM

مافيش اي فرق خالص

**aaaaaee** · 13-07-2009 10:57 PM

السلام عليكم
وانا نفس النظام كنت حاجز الواجا 2009 وبرده قالى الاستاذ / محسن ان واجا 2010 هتنزل اخر 8 او اول 10 ايام من 9
وانا قلتله ماشى احجز 2010 اهى برده موديل احدث حتا لو مافيهاش تغير
وعلى فكره انا برده مش صابر زيك
بس ما دام داه الافضل فالازم نصبر
وبالتوفيق وربنا يبركلى ويباركلك ان شاء الله

**Ayman_52** · 14-07-2009 12:12 AM

المشاركة الأصلية كتبت بواسطة mohamed_3abdel3al

مافيش اي فرق خالص

انت جبت معلوماتك منين يامحمد ؟؟؟؟

انا لما كلمت مستر.حبيب قالى انو مافيش معلومات مؤكده لغايه لما يرجع من ماليزيا

**tamer_aj** · 14-07-2009 09:48 AM

يا جماعة أنا خايف بعد ما نستني و ينزل الشكل الجديد زي ماقالي أ/ محسن, أنه هيكون فيه تغيير في شكل الكشافات من الأمام ومن الخلف, أخاف يحصل معايا تاني زي أما حصلي مع الصني, لما أستنيت الشكل الجديد طلع زي.......تيييت, و خلاني غيرت رأيي خالص في العربية , فعشان كدة أنا هاتوكل علي الله و أجيب 2009, عشان دي اللي أنا شوفتها و عجبتني....., بس همتك مهانا يا أيمن باشا, تظبطلنا أ/ محسن ,أصلوا شكلوا بيخلع عشان مافيش عدد كفاية و الدفعة الأخيرة قليلة.
م. تامر حافظ

**m.3abdel3al** · 14-07-2009 12:58 PM

المشاركة الأصلية كتبت بواسطة ayman_52

انت جبت معلوماتك منين يامحمد ؟؟؟؟

انا لما كلمت مستر.حبيب قالى انو مافيش معلومات مؤكده لغايه لما يرجع من ماليزيا

يا موووون كل المواقع الي بتتكلم عن الجين 2 بتقول ان مافيش اختلافات جوهرية في الجين 2 موديل 2010 ودا السبب الرئيسي انها هتنزل بدري السنه دي كمان شهر ولا حاجة وفي سبب تاني ان بروتون ما شاركتش في معارض كتير السنة دي و طبعا دي كلها تحليلات من ناس مختصة في الكلام دا و دليل على كده ان بروتون نزلت بالبيرسونا و الجين الجديدة والواجا السنة الي فاتت قبل ما تنزل ب شهرين ولا حاجة و طبعا دي كلها اجتهادات من ناس وانا شايف انهم قريبين جدا من الصح