افيدوني في الاسكورت يا جدعاااان ضرووووري

**Do7a** · 12-07-2009 05:47 PM

بسم الله الرحمن الرحيم
ازيكم يا شباب المنتدى الجامد اتمنى يا رب تكونوا كلكم بخير
انا ان شاء الله ناوي اشتري سيارة فورد اسكورت موديل 98 1300 سي سي
انا كنت عاوز استفسر عن العربيبه دي من حيث قطع غيرها هل هي رخيصه ولا غاليه ولما احب اجي ابيعها سهله اني ابيعها ولا لا وسعرها حاليا كم والحاله العامه للعربيه متوسطه على فكره العربيه لونها اسود والعربيه عاديه جدا من غير جنوط ولا اوبشن زياده يعني على ابوها
في مراكز صيانه ليها وهل ممكن اي ميكانيكي يشتغل فيها ولا فيها مشاكل في صيانتها ولا زم التوكيل و الحوارات دي وقطع غيارها متوفره في المحافظات ولا لا؟ وهي عموما كعربيه كويسه ولا لا وليها مشاكل وعيوب ولا تمام ومشاكلها صعبه ولا لا
واسف لو طولت عليكم يا شباب بس يا ريت الرد يكون اسرع لان المفروض انزل اشتريها بكره ان شاءالله
مع السلامه

**goofy301** · 13-07-2009 12:15 AM

اولا اهلا بيك فى قسم الفورد...
ثانيا الاسكورت سيارة جميلة بس محتاج انك دايما تصونها ومتسبهاش بدون رعاية وهى على فكرة عربية عادية يعنى مش بتاعت رفاهية فهى تؤدى الغرض يعنى من آلاخر بتوديك وتجيبك !! بس مش معنى كده انها اى كلام لأ ده موتورها شديد وحمال آسية وبتسافر كتير زى الفل بس اللى انا اقصده مافيهاش بقى الكماليات على قدها يعنى تقدر تقول اهم حاجة الباور أو زجاج كهرباء أو حتى مرايات كهرباء لكن مفيش منها اتوماتيك والتكييف على قده خصوصاً بالذات الـ 1300 لأنه بيأثر على الموتور وسحب العربية وبيسخنها وكل ده ومابيسقعش زى اليابانى ولا الكورى وده عن تجربه هى معايا يقالها سنة بس 1600 وشحنت التكييف اكتر من مره ومافيش فايدة ...
اما بالنسبة لقطع غيارها فهى متوفرة والحمد لله فى التوفيقية وشارع دمشق وشمبليون ومدينة نصر كمان ده غير طبعا الاستير اد فى الحرفيين ووكالة البلح اما فى المحافظات مقدرش افيدك...
ده غير ان أى ميكانيكى ممكن يشتغل فيها مفيش مشاكل بس يكون بيفهم يعنى ميكونش شغال فى السيات وال27 وال28 ويشتغل فى الفورد..!!! ولذلك انا بفضل انه يكون ميكانيكى متخصص فى الفورد
اما بالنسبة للسعر اعتقد انها لوكاملة وحالتها كويسة وكل حاجة شغالة متعديش 33000جم متهيألى ده سعر السوق دلوقتى...فى النهاية هى عربية كويسة جدا صاج قوى ثابتة على الطريق موتور قوى مافيهاش عيوب جوهرية لكن عيبها الوحيد (من وجهة نظرى ) ان التكييف ضعيف..!!
يارب اكون قدرت افيدك فى اى حاجة من اللى انت عايز تعرفها ...ولو عايز اى سؤال انا تحت امرك..

**aYaBooY** · 13-07-2009 09:54 AM

بشكر الاخ جوفي على الرد الوافي
احب ازود الاسكورت ال1300 اصلا من تصنيع روسيا البيضاء و كان معظم العربيات ال1300 نازلة لضباط الجيش و تم تركيب تكييف محلي ليها في التوكيل
يعني التكييف مش الفبريكة بتاعها زي موديلات تانية ال1300 حاجتها رخيصة جدا و متوفرة في القاهرة مقارنتا بانواع تانية من الفورد
العربية الفورد عموما سحبها اقل من الياباني بس ثباتها بيعوض موضوع السحب يعني لو داخل على ملف جامد اي عربية لازم تفرمل شوية فيه الفورد مش محتاج
اي ميكانيكي ممكن يشتغل في ال1300 بس طبعا متخصص فورد بيكون افضل اعادة البيع في الفورد كله مش كويسة
موضوع السعر مش هاقدر افيدك علشان انا مش متابع السوق خالص دلوقتي

**egytamer** · 13-07-2009 01:55 PM

السلام عليكم اخواني
دي اول مرة اكتب في المنتدي الي بعتبرة احسن موقع عن السيارات بالعربي علي النت
وكمان مش هئضر اوصفلكو اد اية عرفت معلومات كتر مفيدة منة
انا كنت ناوي اجيب فورد اسكورت وياريت تكون 1600والله لو زيتك مش كربراتير علشان التكيف ميخنقش العربية وعلشان ناوي اسافر بيها كتير ان شاء الله
دي اول عربية ليا والناس بتخوفني من الفورد علشان قطع الغيار وان 1600 لازم تتصلح في التوكيل علشان الانجكشن وسعر الكشف بس 100 جنية من غير اي حاجة كشف بس.
وياريت لو تتكرمو وتعرفونا بالاوبشن بتاعها زي التكيف والباور و الازاز الكهرباء والمريات واي شي تاني وهل فيها اي بي اس او اير باجز ولا لا
انا عارف اني طولت وطلبت حجات كتير اوي بس معلش الصراحة الواحد خايف ونفسو يجيب عربية كويسة ومستخسر يدفع الفلوس دي في اكسل ولا سويفت
وشكرا ليكم مقدما.

**aYaBooY** · 13-07-2009 03:22 PM

اولا الزيتيك او اي فورد مش محتاجة تروح التوكيل و لو المشكلة عويصة اوي عندك واحد في الضاهر عندة برنامج للفورد و انا كنت كاتب موضوع عنه
طول ما التصليح عبارة عن فك و تركيب بتكون محتاج ميكانيكي متخصص فورد عادي مش محتاجة جهاز لكن لو الموتور اتبرجل هاتحتاج زيارة للداهر بس
موضوع قطع الغيار اه غالية بس معمرة يعني لو غيرت حاجة في الفورد هاتعيش 3 اضعاف نفس الحاجة في الاكسل
فيه موديلات اسكورت فيها مرايات كهرباء بس قليل مفيش اير باجز عضم العربية افضل من السويفت و الاكسل 100 مرة
خلاصة الكلام لو القارنة بين اسكورت و اكسل او سويفت و انت سفرك كتير يبقي توكل على الله و هات اسكورت

**egytamer** · 13-07-2009 03:51 PM

مشكور اخي aYaBooY علي الافادة وسرعة الرد
وانا اصبحت اميل للسكورت 1600 بشد بعد اخبارك الحلوة
بس هي دي بس الاوبشن الي فيها (باور تكيف سنتر ازاز كهرباء )
وقطع الغيار في رئيك في حدود الاكسل و الاسكودا ام الهوندا اي مدي تعتقد
وهل العربية مش منخفضة فهتاكل مطبات كتير وتبوظ العفشة بسرعة وتسخن كل شوية؟

**aYaBooY** · 13-07-2009 04:05 PM

الاسكورت نسبيا واطية و مينفعش تتعلى يعني لازم تاخد بالك من المطباط
قطع الغيار بتاعت الزينيك ممكن تكون اغلي من الهوندا هيا في حدود الاوبل و الفولكس
الزيتك تكييف باور سنتر و زجاج بس معرفش امامي بس ولا الاربعة

**egytamer** · 14-07-2009 09:49 AM

قطع الغيار بتاعت الزينيك ممكن تكون اغلي من الهوندا هيا في حدود الاوبل و الفولكس
لية الاسعار دي مع ان الواضح من كلامك انها مش مميزة سواء كاوبشن قليل جدا او كاسعار قطع غيار غالية نسبيا وتكيف مش قوي يعني ممكن تخش مع الاسكودا وهتبقي نفس الاوبشن تقريبا ونفس نظام التكيف واسعار قطع غيارها رخيصة ومعمرة.
انا خفت من موضوع ان قطع غيارعا زي الاوبل والفولكس يعني غالية جدا بلذات الفولكس اسعارها ناااار الاوبل معقولة واغلي من الهوندا الي اسعارها مولعة اساسا.

**aYaBooY** · 14-07-2009 10:47 AM

شوف الفورد عربية بشوات يعني انت لما تقف هاتتلب في مبلغ محترم بس موضوع انك تقف اصلا ده قليل
موضوع السحب الضعيب بتاع الفورد المفروض ( مفيش تجربة شخصية ) متحسش بيه مع الزيتيك علشان عدد الاحصنة اكتر و برده موضوع الصوت الاخشن من عربيات تانية برده المفروض متحسش بيه مع الزيتيك علشان كاتينة كاوتش مش جنزير
بس قطع الغيار انت مش راكب عربية من جمهورية التشيك اصدي اسكودا انت راكب عربية الماني يعني كل مسمار فيها محسوب و عموما قطع الغيار بتاعت الفورد ان كانت غالية عمرها الافتراضي عالي جدا و عموما هاتلاقيها عربية قليلة الشكوي
انا ماشي بطنابير فرامل بايزة بقالي 5 شهور و على فكرة لو انت عاوز رفاهية بجد تكون منقطعة النظير بسعر قليل جدا بالنسبة لفئتها و قطع غيار سعرها عادي بالنسبة لفئتها برده ممكن تفكر في المونديو اكبر و افضل و احلي من الاسكورت بكتير و متوسط سعرها 45 الف و فيه منها اتوماتيك 2000 سي سي كاملة و كماليتها مش هايكفيني شهر اتغزل فيها و في حلاوتها و ثباتها

**goofy301** · 14-07-2009 11:16 AM

المشاركة الأصلية كتبت بواسطة aYaBooY

المونديو اكبر و افضل و احلي من الاسكورت بكتير و متوسط سعرها 45 الف و فيه منها اتوماتيك 2000 سي سي كاملة و كماليتها مش هايكفيني شهر اتغزل فيها و في حلاوتها و ثباتها

طبعاً المونديو عربية هايلة ومن كلام ناس كتير راكباها وياريت لو تكون 2000سى سى جيا .....اوعه هاتحس انك راكب طيارة من كتر الفخامة والجمال ولعلمك فرق الفلوس مش كتير زى ما الغالى aYaBooY قالك هلى فى نفس الحدود وعمرها ماهتعدى 50000جم لو عايز رأيى الشخصى اقرص على نفسك شوية واصبر لحد ماربنا يكرمك وتجيب مونديو صدقنى فرق كبير ...

الموضوع: افيدوني في الاسكورت يا جدعاااان ضرووووري

LinkBack

أدوات الموضوع

عرض

افيدوني في الاسكورت يا جدعاااان ضرووووري - انشر الموضوع فى :

-

-

-

-

المواضيع المتشابهه

واااخيراا جبت ااالريس يااا جدعاااان

هستلم الكوبية بكرة يا جدعاااان

عاوز سوزوكي سويفت ضرووووري

اية يا جدعاااان ؟

اية يا جدعاااان

الكلمات الدلالية لهذا الموضوع

المفضلات

المفضلات

ضوابط المشاركة