السلام عليكم و رحمه الله
اولا اهلا بيك يا باشا عضو جديد لينا
ثانيا كان من المفروض انك تكشف على العربيه دى الاول فى التوكيل
و اهم حاجه الكشف على الموتور بتعها بالكمبيوتر
و عايز اقولك ان اكتر حاجه فى العربيه دى موقرفه هى الموتور بتعها لانه معقد جدا
انا مش بتعامل مع حد فى القاهره عشان كده مقدرش افيدك بس الاعضاء اكيد هما اللى هيفدوك
بس لازم حد فاهمها اوى لانها معقده عن باقى الاوبلات التانيه
و ممكن تكون الدربكه من حساس
انا معايا العربيه دى موديل 2000 و مشاء الله عليها زى الفل
و احب اذكرك بان العربيه دى المانى ( يعنى قصاد التعقيد فى افكار جهنميه)
اقتباس:
مؤشر الحراره على طول معدى ال 80 سالت ناس وعرفت ان ده العادى بس لما بتسخن المراوح بتشتغل بسيط اوى
يكاد صوتها مينكش باين والماتور حررتوا بتطلع اوى وممكن تستخن جامد فى دقيقه
بالنسبه لموضوع الحراره
العربيه دى مش على ساعه حراره زى الفيكترا b لا لا دى ليها كنترول مخصوص للحراره
و ده طبيعى السخونيه بسرعه و الوصول ل90 او 92 وده لان الموتور فيه زى صمامات بتاعت التبريد بتقفل عشان تسخن الموتور بسرعه عشان جودة الاداء وتقليل استهلاك البنزين و عدم تكوين الغزات التى تعمل على تأكل اجزاء الموتور
الطبيعى للعربيه دى هو 92 و تنزل ل90
اقتباس:
ده غير ان كل يومين ثلاثه بزود ميه خضرا
بص على الاجناب الفيبر بتاعت الردياتير و خصوصا اللى فيه توصيلات للموتور و باقى الوصلات
اقتباس:
وبزود ميه مفيش اى اثر لميه جوه او بره العربيه
انت قصدك ان كل اما تسخن تديها ميه و بتزوده عادى كده
لو بتزود الميه كل اما تسخن يبقى انت كده بتفتح القربه و الموتور سخن و ده اكبر غلط كده انت بتدخل هوة فى دوره التبريد
و ده ممكن يسخنلك العربيه و توصل 130 الحراره
اقتباس:
الببوابه بسمع صوت طخبيت عالى اوى قولت تاكيهات
المعلومات اللى عندى بتقول ان العربيه دى بتظبط التاكيهات اوتوماتيك لوحدها
يمكن قصدك على صوت تكتكه جاى من تحت غرفه الاحتراق (لو كان اللى فى بالى) ميهمكش منها دى سوسته عايزه تتغير
بس خالى المكانيكى يتأكدلك منها عشان انا مش عارف برده الصوت اللى انت قصدك عليه
اقتباس:
ودتها لواحد مفهمش حاجة
لازم الميكانيكى المتخصص لان لو وحد لعب فيها و الله العربيه ما بتظبط بالساهل ابدا
اقتباس:
هيا العريبه فيها فلتر بانزين فين
تحت العربيه عند العجله اللى ورا على اليمين لو انت واقف ورا العربيه
اقتباس:
ورشاشات المساحات ليه مش بتشتغل؟
اسباب كتير منها
هل انت لما بتشغلها بتسمع صوت الموتور ؟
لو مش بتسمعه يمكن الفيشه بتعته مفصوله
لو سمعته يبقى عايز مايه فى الخزان او القربه بتاعت المساحات