أريد الاستشارة

**ahmed** · 13-07-2009 12:21 AM

السلام عليكم
ياجماعه انا جربت اجيب اختراع اوصله على الكاسيت بتاعى عشان يتطلعلى صوت حلو

الأول ما رديتش اشترى mp3 أو i pod عشان كلهم بيحتاجوا شحن أو فى منهم اللى بيشتغل بالحجارة و بعد فترة البطارية نفسها بتبوز

فقلت بما انى انا كده كده عندى فلاشة جيبت fm modulator المهم شغلتها على الراديو طلعت صوت مش بطال شغلتها على الكاسيت عن طريق شريط الكاسيت الكونفيرت من خلال جاك audio اللى فيها
اشتغلت شوية وباظت بعد كده

المهم جيبت واحده تانية من نوع كويس من سبينس من قطاع الالكترونيات ب 90 جنيه وشغلتها لاقيت وصلة ال audio فيها عطل رحت بدلتها 'طلعلى نفس العطل رحت تانى ما رديوش يبدلوهالى وقالى هى مش مصممة عشان تشتغل على شريط الكاسيت بالطريقة اللى انت عاملها مع انى انا مش عامل حاجه غلط وكانت شغالة فى القديمة قالى مش هاقدر اعملك حاجه المهم اخدها ورضيت بيها
تانى يوم باظت خالص لا بتجيب صوت على الراديو ولا على اى حاجه والله يا جماعه ما كملت يومين
دلوقتى انا مش عارف اجيب ايه اشغله ولو فى نوع كويس قولولى عليه
ولو حد يعرف مكان ممكن اصلح فيه ال fm دى يقولى عليه
مع العلم ان الكاسيت بتاعى هو اللى موجود فى الافيو اللى نازل معاها ومش فى الامكان انى اغيره

**Yarisawy** · 13-07-2009 09:18 AM

هو ال fm نوعه ايه ؟ لو نوعه بروميت فده ليه ضمان وتوكيله فى مدينه نصر

**ahmed** · 13-07-2009 05:02 PM

ايوة هو نوعه بروميت وانا غيرته مرة لما كنت لسه جايبه من سبينس من قسم الالكترونيات هناك وطلع فى نفس العيب والراجل اللى هناك قالى لا ده مش عيب مع انى انا حاسس انه بيشتغلنى
ولما سألت الراجل اللى هناك على مكان الضمان بتاعه قالى فى عباس العقاد وقالى ان هو صاحب التوكيل بتاعه يعنى معنى كده ان برده مش هايعملى حاجه نصب فى نصب يعنى فسلمت امرى لله

**Yarisawy** · 15-07-2009 10:22 AM

معلش ممكن توضح ايه المشكلة بالضبط يعنى ازاى عايز توصلها على شريط كاسيت ؟؟؟ ثانيا اتأكد من التردد اللى عليها هو هو نفس على الراديو ... انا عندى نفس النوع من حوالى سنه وشغال معايا على فلاشه ودلوقتى بوصله على الايفون مفيش مشاكل غير ساعات بس بيبقى فيه زنه فى الصوت