انا مستغرب لية القرش هادى كدة ومش بيهاجمة ولا بيجرى
عرض للطباعة
انا مستغرب لية القرش هادى كدة ومش بيهاجمة ولا بيجرى
بجد صعبة وطريقة بشعة
ممكن تكون دى طريقة صيده واحنا منعرفش عشان سمكة القرش المفروض انها متوحشه فلازم يكون فيه حزر ويتأكد انها مش هتعمل فيه حاجه بعد اما يحطها على المركب بس انا كان عندى سؤال هما ليه بيصطادوها وهى بتتاكل؟
أمال لو شفتوا بعيد عنكوا .. عرقبة البقر الفريزيان والهولشتاين في المدبح والمجزر وفي الطريق إليهما .. تقولوا إيه ؟؟؟؟
يا ريت ترسى على كدة وبس ..
البقر الفريزيان بيوزن حوالي طن ، والهولشتاين أكتر من كدة
أغلب (لامؤاخذة ) الزرايب موجودة في المدبح القديم بجوار السيدة زينب
البقر ده بييجي مع بعضه في عربية وينزل الزريبة مباشرة
لكن لما بيطلع على المدبح بيطلع في عربيات مع بقر وعجول أصغر بكتير
الخلاصة
من ساعة ما البقرة بتطلع بيتلم حواليها بتاع ستة سبعة كل واحد ماسك كزلك يضربها في عنيها وسمانتها ويقطع في جلدها
لحد ما تجيب دم من كل حته .. حاجة كدة بتوصلها لحالة الثور قبل ضربة السيف في مصارعة الثيران حين يثخن بالجراح .
طيب لييه !! لأن البقرة دي لو فلتت منهم هتموت أي حد في وشها وهتكسر أي حاجة هتدخل فيها وحصلت بالفعل تجارب سابقة لهذا الأمر ..
لكن مشاهدة هذا الأمر يخللي قلبك يتقطع ، وخصوصاً لما بيضربوها في عنيها ..
المفروض إن البقر ده يتنقل لمزارع كبيرة ويتنقل بطريقة علمية للمجزر أو على الأقل ياخد مخدر مثبط لا يؤثر على قدرته على الحركة ولا يؤثر في حالته الصحية عند الكشف قبل الذبح ..
وربنا يلطف بينا جميعاً ويرحمنا ويرحم هذه المخلوقات
تقبل خالص مودتي
الصياد بيضرب السمكة ضربة تدوخها على الجزء المدبب في مقدمة الجسم (بوز السمكة) , زي بالضبط لو الواحد يحاول يتفادى هجوم كلب عليه , أسلم طريقة يشوط الكلب شوطة قوية في مناخير الكلب تفقده وعيه مدة كافية للإبتعاد عنه أو السيطرة عليه طبقا للموقف .
هذا و الله أعلى و أعلم .
الموضوع ابسط من كده يا جماعة
الحكاية و ما فيها ان فيه عرف عند الغواصين و الصيادين ان سمكة القرش لو هجمت على حد فلازم يضربها بقوة فى العين أو الخياشيم (لأنها مناطق حساسة عند سمكة القرش و غنية بالأعصاب) أو الأنف (لأنه كان يعتقد انه منطقة حساسة) علشان تتلخبط و تدوخ و تبعد عنه
و بالتالى الصياد ده بيضرب الأنف (و شوفوا الفيلم كويس علشان تتأكدوا) لأنه مقتنع انه كده بيضعف السمكة
و لكن ثبت علميا ان الأنف ليست منطقة حساسة أبدا و ان ده معتقد خاطئ ، و العلماء اثبتوا الحكاية دى بحقيقة واضحة و سهلة جدا :
* تم ملاحظة العديد من الجروح و الأصابات على أنوف اسماك القرش عند هجومها على عجول البحر (كلاب البحر) و برغم تلك الأصابات (التى احيانا ما تكون غائرة و كبيرة) لم تتوقف اسماك القرش عن الهجوم و استمرت حتى التهمت فريستها
و بالتالى ثبت خطأ هذا الأعتقاد ، و لكن العديد ما زالوا مقتنعين به
آدى الحكاية كلها
هو الفيديو شكله عنيف
و الحقيقة انا مش مستسيغ الطريقة ..ما يضربو طلقه واحدة و خلاص
اما عرقبة البقر فهي فعلا وحشية جدا
دول بيقطعوا اوتار المفاصل علشان ماتقدرش تقف
الله يسامحنا كلنا بقى