كيف يصطاد اخوانا العرب سمك القرش؟

**pro_samir** · 13-07-2009 10:49 AM

انا مستغرب لية القرش هادى كدة ومش بيهاجمة ولا بيجرى

**zeka127** · 13-07-2009 12:01 PM

ممكن تكون دى طريقة صيده واحنا منعرفش عشان سمكة القرش المفروض انها متوحشه فلازم يكون فيه حزر ويتأكد انها مش هتعمل فيه حاجه بعد اما يحطها على المركب بس انا كان عندى سؤال هما ليه بيصطادوها وهى بتتاكل؟

**د.أحمد سمير** · 13-07-2009 12:06 PM

أمال لو شفتوا بعيد عنكوا .. عرقبة البقر الفريزيان والهولشتاين في المدبح والمجزر وفي الطريق إليهما .. تقولوا إيه ؟؟؟؟

**mshamy** · 13-07-2009 12:13 PM

المشاركة الأصلية كتبت بواسطة zeka127

ممكن تكون دى طريقة صيده واحنا منعرفش عشان سمكة القرش المفروض انها متوحشه فلازم يكون فيه حزر ويتأكد انها مش هتعمل فيه حاجه بعد اما يحطها على المركب بس انا كان عندى سؤال هما ليه بيصطادوها وهى بتتاكل؟

فعلا في الخليج بيكلوها
انا شفتهم بيبعوا لحم سمك قرش في احد السوبرماركتس الشهيره بالسعودية

بس اللحم لونه احمر داكن.....و الجلد كان خشن جدا عامل زي الصنفرة الحدادي

بالنسبة لي كان "مقرف"

**mshamy** · 13-07-2009 12:16 PM

المشاركة الأصلية كتبت بواسطة د.أحمد سمير

أمال لو شفتوا بعيد عنكوا .. عرقبة البقر الفريزيان والهولشتاين في المدبح والمجزر وفي الطريق إليهما .. تقولوا إيه ؟؟؟؟

معلش يا د.أحمد
انا مش فاهم مصطلح "عرقبة" بالظبط

هل حضرتك تقصد ضربها في ارجلها لإسقاطها؟ ولا حاجة تانية؟
وجزاك الله خيرا

**د.أحمد سمير** · 13-07-2009 12:37 PM

المشاركة الأصلية كتبت بواسطة mshamy

معلش يا د.أحمد
انا مش فاهم مصطلح "عرقبة" بالظبط

هل حضرتك تقصد ضربها في ارجلها لإسقاطها؟ ولا حاجة تانية؟
وجزاك الله خيرا

يا ريت ترسى على كدة وبس ..
البقر الفريزيان بيوزن حوالي طن ، والهولشتاين أكتر من كدة
أغلب (لامؤاخذة ) الزرايب موجودة في المدبح القديم بجوار السيدة زينب
البقر ده بييجي مع بعضه في عربية وينزل الزريبة مباشرة
لكن لما بيطلع على المدبح بيطلع في عربيات مع بقر وعجول أصغر بكتير

الخلاصة
من ساعة ما البقرة بتطلع بيتلم حواليها بتاع ستة سبعة كل واحد ماسك كزلك يضربها في عنيها وسمانتها ويقطع في جلدها
لحد ما تجيب دم من كل حته .. حاجة كدة بتوصلها لحالة الثور قبل ضربة السيف في مصارعة الثيران حين يثخن بالجراح .

طيب لييه !! لأن البقرة دي لو فلتت منهم هتموت أي حد في وشها وهتكسر أي حاجة هتدخل فيها وحصلت بالفعل تجارب سابقة لهذا الأمر ..
لكن مشاهدة هذا الأمر يخللي قلبك يتقطع ، وخصوصاً لما بيضربوها في عنيها ..

المفروض إن البقر ده يتنقل لمزارع كبيرة ويتنقل بطريقة علمية للمجزر أو على الأقل ياخد مخدر مثبط لا يؤثر على قدرته على الحركة ولا يؤثر في حالته الصحية عند الكشف قبل الذبح ..

وربنا يلطف بينا جميعاً ويرحمنا ويرحم هذه المخلوقات

تقبل خالص مودتي

13-07-2009 12:54 PM

الصياد بيضرب السمكة ضربة تدوخها على الجزء المدبب في مقدمة الجسم (بوز السمكة) , زي بالضبط لو الواحد يحاول يتفادى هجوم كلب عليه , أسلم طريقة يشوط الكلب شوطة قوية في مناخير الكلب تفقده وعيه مدة كافية للإبتعاد عنه أو السيطرة عليه طبقا للموقف .
هذا و الله أعلى و أعلم .

**Dr.SherifMansy** · 13-07-2009 04:12 PM

الموضوع ابسط من كده يا جماعة

الحكاية و ما فيها ان فيه عرف عند الغواصين و الصيادين ان سمكة القرش لو هجمت على حد فلازم يضربها بقوة فى العين أو الخياشيم (لأنها مناطق حساسة عند سمكة القرش و غنية بالأعصاب) أو الأنف (لأنه كان يعتقد انه منطقة حساسة) علشان تتلخبط و تدوخ و تبعد عنه

و بالتالى الصياد ده بيضرب الأنف (و شوفوا الفيلم كويس علشان تتأكدوا) لأنه مقتنع انه كده بيضعف السمكة

و لكن ثبت علميا ان الأنف ليست منطقة حساسة أبدا و ان ده معتقد خاطئ ، و العلماء اثبتوا الحكاية دى بحقيقة واضحة و سهلة جدا :

* تم ملاحظة العديد من الجروح و الأصابات على أنوف اسماك القرش عند هجومها على عجول البحر (كلاب البحر) و برغم تلك الأصابات (التى احيانا ما تكون غائرة و كبيرة) لم تتوقف اسماك القرش عن الهجوم و استمرت حتى التهمت فريستها

و بالتالى ثبت خطأ هذا الأعتقاد ، و لكن العديد ما زالوا مقتنعين به

آدى الحكاية كلها

-

-

الموضوع: كيف يصطاد اخوانا العرب سمك القرش؟

LinkBack

أدوات الموضوع

عرض

-

-

-

-

-

-

المواضيع المتشابهه

K3عند القرش

الحديد ولع يا اخوانا

( saga ) روحت امبارح عز العرب فرع مدينة نصر عشان الساجا , و زعلان من سياسة عز العرب

العرب العاربة والمستعربة (العرب ليسو عرق بشري إنما قومية لغوية)

العرب المنفصلين ؟؟ و اللغة العربية و قضايا العرب و الثقافة

الكلمات الدلالية لهذا الموضوع

المفضلات

المفضلات

ضوابط المشاركة