التكييـف طير البرج اللي فاضل فنفوخـي

**M.Osama** · 13-07-2009 03:01 AM

انا عندي مشكله عجيبه جدا جدا جدا مع التكييف..

لما بفضل ماشي علي طريق سريع بسرعه عاليه.. حوالي 110 او 100 لفتره كبيره حوالي مثلا ربع ساعه.. ألاقي الهوا بتاع التكييف قل خالص.. وتحس انه مفيش هوا طالع منه الا بسيط جدا.. وعشان محدش يقولي الفريون.. الهوا بيطلع ساقع بس ضعيف جدااااااااااا... يعني لو عملت التكييف علي 4 كانه علي 1 في الحالات العاديه

فكيت المنطقه اللي قدام البربيز دي... وطلعت الفلتر ونضفته وفكيت المروحه ونضفتها ونضفت فيشتها بالـ WD40 .. وبرضه نفس المشكله موجوده

وانهرده بقي حصل حاجه أغرب... بعد اما فضل ماشي فتره علي 100 كدا.. والتكييف فصل كالعاده.. عليته علي 3 عشان يجيب شوية هوا.. سمعت صوت غريب جدا، صوت ميه بتبقلل بتعمل بق بق بق كدا زي متكون ميه بتغلي.. اطفي المروحه الصوت يروح.. اخليه علي 2 الصوت يروح... اجيب 3 اسمع البقلله واحس ان في ميه حتطلع من فتحات التكييف.

للعلم التكييف جوا البلد هواه كويس جدا وساقع تلج يعني الكباس سليم... ياتري دا ايه بقااااااااااا

**rabbat5** · 13-07-2009 04:29 AM

غالبا مروحة التكييف فيها مشكلة .

**M.Osama** · 13-07-2009 09:54 AM

المشاركة الأصلية كتبت بواسطة rabbat5

غالبا مروحة التكييف فيها مشكلة .

مهي نفس المروحه دي جوا البلد بتكون زي الفل وبتطلع هوا جبااااار ... ايه اللي بيخليها تفصل

وبعدين ايه صوت البقلله داااااااااا

**anamikanike** · 13-07-2009 10:08 AM

جرب اقفل مفتاح الريسيكل يعنى خلى الهوا يدخل من بره لجوه العربيه وانت ماشى دايما على الطرق الطوالى او بسرعه عاليه وقولى نفع ولا لا

**محمد المصرى** · 13-07-2009 10:13 AM

غالبا يا باشا المشكلة بتاعتك ان الترمسوستات بتاع التكييف مش بيفصل
وبيتكون ثلج ويسد الهواء
وعشان تتأكد من الكلام ده عندما يقل هواء التكييف افصل زرار التكييف
وهتلاقى الهواء بيزيد تانى

**M.Osama** · 13-07-2009 01:12 PM

المشاركة الأصلية كتبت بواسطة anamikanike

جرب اقفل مفتاح الريسيكل يعنى خلى الهوا يدخل من بره لجوه العربيه وانت ماشى دايما على الطرق الطوالى او بسرعه عاليه وقولى نفع ولا لا

جربتها ومحستش بفرق بل بالعكس الهوا بيقل اكتر ويكاد ينعدم

المشاركة الأصلية كتبت بواسطة MOHAMED ELMASRY

غالبا يا باشا المشكلة بتاعتك ان الترمسوستات بتاع التكييف مش بيفصل
وبيتكون ثلج ويسد الهواء
وعشان تتأكد من الكلام ده عندما يقل هواء التكييف افصل زرار التكييف
وهتلاقى الهواء بيزيد تانى

تصدق فكره ...

عامة حجربها بس برده مستني اراء وحلول من باقي العصابه

**فادى محمد** · 13-07-2009 02:26 PM

احساسي بيقول يا اسامه باشا ان المشكله في المروحه اللي بتشيل الهوا الساقع للكابينه هتقوللي انها شغاله جوه البلد كويس هقوللك حاجه بسيطه دليلها صوت الميه اللي اتكلمت عنه . لو جربت شغلت المكيف فقط من غير الريسيكل او المروحه واستنيت شويه هتلاقي رزاز ميه خارج من فتحات المكيف نتيجه التكثيف العالي . اذن المشكله في المروحه والله اعلم .

**MohamedGafar** · 13-07-2009 07:01 PM

لأ ياأصدقائي....ده بلف الكومبريسور وتمنه 120 جنيه, ده بيخللي الكومبريسور ما يفصلش بالتالي بيتكون تلج فبيسد التهوية وساعات كمان تلاقي زي بخار طالع من فتحات التكييف... عربيتي اللى معايا دي بقالها معايا 4 سنين وغيرته مرتين!!!! آخرهم الصيفية دي وما أقولكوش القديم كان طالع شكله إيه!!!!

تحياتي.

**فادى محمد** · 13-07-2009 09:00 PM

اعتقد كده اننا قربنا نوصل للسبب بعد كلام محمد جعفر المنطقي

الموضوع: التكييـف طير البرج اللي فاضل فنفوخـي

LinkBack

أدوات الموضوع

عرض

-

-

-

-

-

المواضيع المتشابهه

ده اللي فاضل من التيل بتاعي..

ابويا هيطير البرج اللى فاضل من دماغى

سر البرج الغامض فى الزمالك

طلب استشارة من عصابة الاوبل - العربية هتطير البرج الي فاضل

ادخل شوف مميزات وعيوب البرج بتاعك...

الكلمات الدلالية لهذا الموضوع

المفضلات

المفضلات

ضوابط المشاركة