خدت بتارى و قتلت التكيف خلااااااااااص

**the_chater** · 13-07-2009 04:33 AM

خلاااااص يا اوبلاوية
خدت تاركم من تكييف الاوبل الفيكترا و قتلتة
التكيف الواطى بعد ما طلع عينى و صرفت علية كتير اوى و غيرت كل حاجة فية .. بصراحة قعد سنة شغال تمام ولا فى تسريب ولا اى حاجة و كلة تمام . من فترة كدة كل لما اشغلة الاقى العربية بتسخن لحد 98 -100 و ده كتير على حد علمى لفيت على الصنايعية بتوعى . التبريد تمام مفيش تسريب فى المية و المراوح تمام شغالة فى معادها على السرعتين المكنة تمام و وش السلندر تمام المهم واحد قلى هتلاقى الكمبريسور تقيل ف بيحمل على المكنة زيادة ف بتسخن والعيب عندك من الكمبريسور .قولت ده اكيد مش فاهم حاجة .
اسبوع بالضبط و لقيت صوت تخبيط طالع من الكمبريسور كل لما اشغلة و ادوس بنزين الصوت يزيد و طبعا انا عصبى روحت زهقان و دايس بنزين جامد اوى (rpm 6) و سمعت صوت طرقعة و ريحة دخنة خفيفة و الكمبريسور فصل تماما و مات خلاص
السؤال هل فعلا كانت مشكلة السخونة فى الكمبريسور مع العلم ان حرارة العربية فى الطبيعى 92-90 و طبعا هجيب كمبريسور و سمعت ان بتاع الدايو بيركب و مش عارف ايه رايكم ...

عربيتى : 1600 مانيوال موديل 1997
اهم حاجة انا خدت تارى و قتلتة

**M.Osama** · 13-07-2009 09:52 AM

ههههههههههههههههههههههههه هههههههههههههههههههههههه

ما احلي الانتقام

**shark12345** · 13-07-2009 11:23 AM

والله يا باشا انت وراحنك عندك استيراد ممكن يعمل 1000 عند اي حد بتاع تكيفات وفيه صيني جديد ب 1000 وفيه gm ب 2200 الكلام ده من 3 شهور تقريبا

**Beeso** · 13-07-2009 11:46 AM

لو عوز رأي أنا لسة شري عربتي جديد بس الرجل إلي اشترتها منه مغيرلها كمبرسور Sandan من عند الكابتن (مشهور أوي فالحرفيين ) وكمان ادلو ضمان عليه ودة كان جديد بعلبة بس أنا مش عرف هو دفع كم بظبط بس هو ماشالله مساع العربية حلو أوي هو يمكن بس الحاجة إلي ممكن تكن عيب فيه إن لزم يركبلو thermostat برى ودة هما عارفين بيركبه فين (عادةً ورى درج التابلوه ومش بين خالص لزم تفك الدرج عشان تظبطه ) فنتا مش حتعرف تتحكم فال-thermostat من الكونسل بس صدقني مش حتحتج تعمل كدة أصلاً

**tamertamer** · 13-07-2009 02:00 PM

روح للكبتن قلى فى الحرفين وهو هيقلك تعمل اة نصيحة مجربة واحلى حاجة فى الراجل دة انا اعرفة معرفة كويسة اوى انة بيدى ضمان على اى حاجة عندة

**superkenwood** · 13-07-2009 02:55 PM

أنا لسه مغير الكومبريسور .. جبت واحد جديد نوعه (ديلفي) وده الأصلي بتاع العربية .. بس الأصلي اللي نازل معاها صناعة كوري .. بس أنا جبته فرنساوي .. الكلام ده كان من 3 شهورب ـ 2450