عايز اسأل عن سعر دهان العربية هوندا سيفيك موديل 1993 بالكامل ما عدا السقف تعمل كام؟
حد عنده خلفية ممكن يفدنى ?
عرض للطباعة
عايز اسأل عن سعر دهان العربية هوندا سيفيك موديل 1993 بالكامل ما عدا السقف تعمل كام؟
حد عنده خلفية ممكن يفدنى ?
هل العربية على الصاج ولا عليها دهانها ؟؟
عامة أكيد انت هترش ميتاليك يعني اعمل حسابك في حدود 1200-1500 خامات واللذي منه
و برضه ماركة الدهان بتفرق
و هل العربية فيها شغل فى الصاج هيحتاج معجون كتير ولا لأ
عموما إشتخدم معجون نضيف مرن من الجداد و إوعى تستخدم المعجون الوردى إللى السمكرية الرخاص بيستخدموه، حيشأء و يبوظ الدنيا
إصرف زيادة شوية فى الدهان حيفضل شكل العربية جميل على طول
و ربنا يباركلك فيها
بص يا باشا الموضوع ده فيه كلام كتير اوى بس انا هحاول اديلك اهم النقاط
اول و اهم حاجة السمكرى .... السمكرى بتاعك لازم يبقى نضيف اوى عشان البوية تبان
و السمكرة حسب الشغل اللى فى العربية ... بس متوسطها من 100 الى 400 بس ده لو الشغل فيها كتير شوية و ده بيشمل كمان فك و تركيب المقابض و ما الى ذلك
نيجى بعد كده للخامات ... فيه عندك نوعين مهمين .... ال Kapci اللى بيسموه برضه omega
النوع التانى هو السكينز و ده بيقولو انه المانى او هولندى
الكابسى هو النوع الاكثر انتشارا و اللى معظم الصنايعية بتستخدمه و سعر الكيلو حوالى 85 جنيه
اما السكينز فهو الانضف و الاغلى و متوسط الكيلو من 250 الى 400 حسب المكان
اما باقى الخامات من معجون و فللر و خلافه فهى تقريبا واحدة و اجماليهم لشغل العربية كله المفروض ما يعديش 150 جنيه
لو هتدهن ميتاليك يبقى هتضيف كمان 100 جنيه ايجار فرن
و الباقى كله بقى مصنعية يا حلو :w6266d
و عالعموم العملية كلها لو هتقاول الصنايعى عليها هتبقى من 1000 لحد 3000 :3mla:
وده حسب جشع الصنايعى و حسب الخامات
بس خللى بالك لو هتقاوله لازم تتفق على نوع البوية و هيرش ايه بالضبط و ياسلام لو عملك عينة صغيرة على اى حتة صاج صغيرة
و ربنا يوفقك
متشكر جدا
انا كده عرفت قد ايه الفلوس الى ممكن اديهاله
غالبا 1200
المهم و انا رايح النهارده الصبح للبوهيجى علشان يعمل سحق للبطانة و يلقط
حصل موضوع بايخ جدا
كان فى مطب فى الشارع و هديب شوية
ببص فى المرايه لقيت الى ورايا بيبص فى ارضية العربية ( ممكن كان بيبص فى الموبيل)
و قام هابد فيا
الخسائر - الكصدام اتطبق
الشنطة دخلت جوه شوية
سبحان الله - اليوم ضاع فى استرجاع ما فات
انا لله و انا اليه راجعون