انت اكيد في اوروبا......... مش في مصر!!!!

**EslaM_NagY** · 13-07-2009 12:28 PM

المشاركة الأصلية كتبت بواسطة terrible_darsh

نفس اللى حصل معانا بالظبط , كل واحد له راى فى الموضوع غير التانى .

ربع ساعة بنلف حوالين نفسنا و فى الاخر وصلنا بالصدفة .

يا بختك انا قعدت الف اكتر من ساعة
اصل على حظى اليوم دا كان زحمة جدااااااااااااااااااااااا ااااااااااااا والله ولا صلاح سالم الساعة 2 الظهر.

المشاركة الأصلية كتبت بواسطة mohammedsamirabdeen

الله يسلمك يا باشا واشكرك على ذوقك
وفعلا نقطة المشي وراء لوح الارشاد دي مشكلة والعساكر اللي هناك اهي واقفة والسلام يمكن نسيوا يشيلوا اللوح من ايام ما قبل صالة 3 تشتغل .....
وومننساش ومننكرش الطريق الجديد اللي هو من مطلع طريق السويس برده طريق عالمي ومحترم وجامد جدا ورغم ان عليه تحذيرات سرعة لكن برده حلبات السبق الله ينور

فعلا نسيوا يشيلو االلوحات الارشادية

يا رب يشلهم قطر.

**أبو صلاح** · 13-07-2009 12:36 PM

طبعا حاجة عظيمة جدا
ونتمنى الابقاء على نفس المستوى دون الاهمال

**EslaM_NagY** · 13-07-2009 12:46 PM

المشاركة الأصلية كتبت بواسطة أبو صلاح

طبعا حاجة عظيمة جدا
ونتمنى الابقاء على نفس المستوى دون الاهمال

فى المشمش

**M.Mekawy** · 13-07-2009 02:07 PM

المبنى ده تجربتى معاه مش لذيذة
كان اول يوم يفتح لجميع رحلات مصر للطيران , كان يوم ماتش مصر و البرازيل و كان نفش معاد الماتش و كان المفروض اوصل ابويا المطار , البهوات كانوا مشغلين بوبة واحدة كل شعب مصر يخش منها عشان يوصل لاماكن الوزن , و فى 3 بوبات كمان موجودين بس قافلينهم !!
فين و فين لما طلعوا روح اللى جابونا فتحوا البوابتين التانيين , بس بعد ما كانت الزحمة خفت اصلا , دا غير ان ابويا قعد جوة ساعة الا ربع فى الوزن اللى هوة فى الطبيعى مبيخدش اكتر من 10 دقايق
اما الباركينج فهوة عار على جبين (الشئ ) و ليس المعمارى اللى صممه , اى عيل فى سنة تانية عمارة كان هيعمل باركينج انضف من دة , حاجة تقرف
مش عارف ليه فى جميع صالات المطار محسيسنى ان الباركينج ده هنتريش باجنحة محلق لا يمكن عمله , انا بكره اليوم اللى بروح فيه المطار بجميع صالاته

**Ahmed Nouh** · 13-07-2009 10:11 PM

الوصول للصاله سهل جدا جدا حسب اليافطات

الوصول لمكان الانتظار زباله لأن اليافطه بتاعت مكان الانتظار اللى المفروض تقولك ادخل من هنا مكتوب عليها خروج وخدت مخالف ركن ممنوع بسببها بس دلوقتى قفلو المكان ده وبقى الدخول اجبارى فبقت سهله شويه

الصاله فعلا جميله جدا من جوا بس كانت محتاجه تتنظم اكتر خصوصا انك وانت داخل تركب طيارتك مفيش يافطات تقولك منين يودى فين جربتها فى الطيران الداخلى بتعيش جوا شويه على ما توصل لبوابتك اذا لم تستعين بفرد من مصر للطيران

**M.Osman** · 14-07-2009 12:08 AM

بجد حاجة غريبة جداً...

انا لسة مشوفتش الصالة اللي حضرتك بتتكلم عليها ... بس فاكر اخر مرة لما كنت بوصل الوالد لصالة الركاب (مش فاكر رقم كام) لاحظت حاجة غريبة جداً... و هي ان مفيش اي حاجة ممكن تتخلص فيها من القمامة ... يعني لا فيه سلة مهملات ولا اي كلام من دا ...
مش دي حاجة غريبة برضه ؟
مفيش إهتمام بالتفاصيل..

**theking2690** · 14-07-2009 12:16 AM

يا جماعه هو انتوا قصدكوا على المطار بتاع طيارات مصر الطيران و لا المطار التانى

**Mzeid** · 14-07-2009 12:42 AM

يا رب فعلا كل حاجة في مصر تبقى على المستوى دة ..
و مع إحترامي الكامل لكم جميعا ..
بس المفروض أن إحنا منفرحش اوي كدة زي برضه مستشفى سرطان الاطفال الناس فرحانة جدا بالمستوى بتاعها ..
أنا بقى من رأيي أن إحنا مش لازم نفرح إن إحنا لقينا حاجة بالمستوى المتقدم دة لأن المفروض كل حاجة تكون على نفس المستوى دة و كل خدمة ..