انت اكيد في اوروبا......... مش في مصر!!!!
السلام عليكم ورحمة الله وبركاته
امبارح الوالدة كانت جاية من اداء العمرة وكنت رايح اجيبها من المطار وكانت جاية على المطار الجديد خالص صالة 3 المهم المشكلة تقعد تلف حوالين نفسك لغاية ما توصل الباركينج وطبعا كان مليان جدا وركنت بعيد المهم دخلت المطار بصراحة وهم المبنى تحفة حاجة عالمية الدور الارضي للوصول والعلوي للسفر والارضيات رخام من النوع الثمين والاضاءة مبهرة والصالة مكيفة والتكييف جامد جدا وكراسي الانتظار من الجلد وعريضة وشاشات عرض كثيرة والعملية منظمة بشكل جيد جدا وبصراحة انا حسيت اني في دولة اوروبية من الفخامة والاناقة ونتمنى ان كل حاجة في مصر سواء مباني او مصالح حكومية او طرق وخلافه تبقى على المستوى العالي والمتطور ده ويتفضل العقلية والنفسية والكينونة بتاعت شعبنا اللي بيتعامل مع الحاجات دي واحنا المفروض منكونش اقل من الدول المتقدمة دي ولا حتى اقل من دول عربية اخرى وضعها العام اقل منا ولكن شكرا للقائميين على هذا الصرح العظيم والذي يجب ان نراه في كل مدننا الجميلة ومبانينا ومزيدا من التقدم