الفرق بين ياريس مانيوال هاف اوبشن و فول اوبشن ....يستاهل ؟؟؟
يا جماعة ....فرق السعر بين ياريس هاف اوبشن مانيوال 87 الف جنيه و الفول اوبشن مانيوال 94 الف جنيه
يعنى حوالى 7 الاف جنيه .....هل فرق الكماليات ده يستاهل الزيادة دى ؟؟؟؟؟
يعنى الفرق بينهم اللى هوا زجاج كهربا و سنتر بالريموت و تعديل كرسى السائق و تشفير المفتاح .....يستاهلوا 7 الاف جنيه ؟؟؟؟؟؟؟ و لا ايه رايكم ؟؟؟؟
اعتقد انه الفرق المهم بالنسبة ليا اللى هو الزجاج الكهربا .....
يعنى هيا الهاف اوبشن .....4 زجاج عادى و لا اتنين بس ؟؟؟؟؟
المهم هل يعنى الفرق ده يستاهل 7 الاف جنيه و لو هاتشترى تقسيط يعملوا 10 الاف جنيه ؟؟؟؟:brn:
و الناس اللى معاها الهاف اوبشن مانيوال رأيها ايه ؟؟؟؟
يعنى عايشين تمام و لا ندمانيين ؟؟؟؟
و بعدين السنتر و الزجاج دول مش يركبوا فى التوكيل برضه ؟؟؟؟؟؟؟
و لو حد يعرف يقولنا سعرهم كام لو سمحتوا ؟؟؟؟؟:colsmil:
يبقى المانيوال هاف اوبشن يكسب
شكراا لكل الناس اللى شاركت فى الموضوع ده
و بصراحة هيا عجيبة من اعاجيب السيارات و التوكيلات فى مصر
انه يقعد يحاسبك على كل حاجة لوحدها ......انا حاسس انه فى يوم واحد مثلا زى غبور
ممكن يعمل افتكاسة و ينزلك عربية يقولك دى نازلة من غير كاوتش و لا ابواب و لا ماتور و لا صالون و لا شنطة
و يقولك تمشيا مع محاربة الغلاء......و غبور يطم الاسعار
و اعتقد الموضوع ده محتاج مراجعة من تويوتا ايجبت لانه برة كل العربيات بتنزل فيها كل الحاجات دى حاجة اساسية
ممكن حاجة زى مثبت السرعة او حساس الركن او الكاميرا اللى فى المرايات او حاجات زى دى هيا اللى تبقى كماليات ......انما الازاز و السنتر يبقوا كماليات دى تبقى اشتغاله جامدة اوى :fun_36_3_4[1]:
انا من الناس اللى بيحبوا العربية دى جدا ......و هيا فى بالى مع السيريون 1300 و لسه بفاضل بينهم ....الصراحة دايهاتسو كل عربياتها نازلة كاملة من اقل فئة اللى هيا سيريون وان ....بتنزل كاملة ..من كله
معرفشى ليه تويوتا مصر مش كده .
طبعا بعد رأى الناس كلها اللى شاركت .......الهاف مانيوال هيا اللى تكسب
و الواحد يوفر السبع الاف اللى بالفوايد يعملوا 10 الاف احسن:3mla:
بس معلش لسه عندى سؤال ........هيا الهاف اوبشن مانيوال ...نازلة 4 ازاز منافلة ......يعنى حتى الاتنين اللى قدام مش كهربا :mahf(5):
طب و لو الزجاج الكهربا ركبته بعدين ؟؟؟؟؟؟؟؟؟؟
طب و لو الزجاج الكهربا ركبته بعدين فى التوكيل و دفعت 3 الاف جنيه
توتو على كبوتو ........هايبقى شكله ازاى ؟؟؟؟؟؟؟
يعنى هايشيل المنافلة ؟؟؟؟؟؟
يعنى زراير الزجاج الكهربا هاتبقى مكانها فين ؟؟؟؟؟؟؟؟؟
عند السواق بس و لا فى التابلوه زى الرينو لوجان ؟؟؟؟؟؟؟؟:whtauwant:
يعنى هايبقى شكلها ازاى يا جماعة ؟؟؟؟؟؟
و بعدين معلش كان فى سؤال رفيع :O_stupid[1]:
انا مرة سوقت ياريس 2008 فول اوبشن مانيوال بتاعة واحد صاحبى
واستغربت جدا لما لاقبيت الدبرياش واطى جدا لدرجة انى كونت لازم
ادوس على الاخر و الزق الدواسة فى ارضية العربية
عشان اخد الغيار .؟؟؟؟؟؟؟؟؟و لما سألته قاللى انه الميكانيكى هوا اللى موطى الار بى ام
عشان فى حاجة فى العربية
ياترى كل الياريس عادة الدبرياش بتاعها واطى كده و لا ايه رأيكم ؟؟؟؟؟؟
انا عن نفسى بحب الدبرياش بالذات يبقى على الشعرة عشان بيسعف فى حاجات كتيرة
ايه رأيكم يا ياريساوية ؟؟؟؟؟؟؟؟؟:B4_007:
ايه يا جماعة محدش رد ليه ؟؟؟؟؟؟؟؟
ايه يا اخوانا محدش رد عليا ليه
هوا انتوا زهتوا منى قوام كده
انا كونت بسأل من امبارح فى المشاركة اللى قبل دى عن
1- شكل الازاز الكهربا بتاع الياريس اللى بيتركب فى التوكيل 3000 لحلوح بيبقى
شكله زى الاصلى اللى جاى مع العربية و لا ايه ؟
2- كونت مرة سوقت ياريس 2008 و كان الدبرياش بتاعها واطى على الاخر و كونت بسأل هل دى سمة فى الياريس
بصفة عامة و لا العربية دى كان فيها مشكلة ؟؟؟؟؟؟؟؟؟؟
و جزاكم الله خيرا على كل حال .
يا باشا لو قريت التوبيك من الاول ؟؟؟؟؟؟
يا باشا لو قريت التوبيك من الاول
هاتعرف انى لسه ماشترتش
انا بسأل هل فرق السعر بين الهاف و الفول اوبشن ياريس مانيوال .....اللى هوا 7 الاف جنيه يستاهل ؟؟؟
و 3 الاف جنيه .....دول تمن تركيب الازاز الكهربا فى التوكيل للى عنده هاف اوبشن ..... يعنى 3 الاف جنيه
دول تمن الازاز بس من غير سنتر اللى يعمل زى ما حد قال 500 جنيه تقريبا على ما اذكر :36_1_1[1]:
