ميزات نظام الفرامل السكينة (ديسكات) عن الحلة (الطبلة) هى:
1- عدم الحاجة لعمل رجلاش للفرامل نتيجة استهلاك التيل لان الفرامل الديسكات بتعدل نفسها بنفسها و بالتالى عمرك ما حتحس ان دواسة الفرامل واطية
2- الديسكات بتفقد الحرارة بسهولة عن الطبلة و بالتالى النظام دة بيحافظ على كفائتة الفرملية بشكل اكبر عند الاستخدام القوى
3- غالبا ما تكون فرامل اليد اكثر كفائة فى نظام الديسكات و ذلك لانفصال ميكانزم فرامل اليد عن فرامل الرجل بالتالى مبيحصلش تاكل لتيل فرامل اليد بشكل كبير زى فرامل الطبلة و بتفضل محافظة على كفائتها مدة طويلة و متحتاجش رجلاش كل شوية
بالنسبة للتعديل فا دة يعتمد على نوع عربيتك... فى الاساس لازم تشوف لو فيه موديلات من عربيتك نزلت بدسكات ورا او على الاقل عربيات فيها نفس عفشتك الخلفية نزلت بديسكات ولا لا
لو فيه يبقى حتشترى المكونات دى (جنب كامل) بكابلات فرامل اليد و ممكن تحتاج بلوف تعديل الضغط اللى راكبة فى ماستر الفرامل العمومى لو البلوف مختلفة بين العربية اللى بديسكات و العربية اللى بطبلة (لو عندك ABS يبقى النقطة دى متهمكش)
و دى لينكات لموضوعين تعديلات من طبلة لديسكات فى النوبيرا و اللانوس:
http://www.nilemotors.net/Nile/showthread.php?t=68793
http://www.nilemotors.net/Nile/showthread.php?t=54812
MMamdouh
المفضلات