هل المعلومة دي صح (خاص بالتكييف المنزلي)

**zanativich** · 13-07-2009 03:27 PM

عن تجربة الاسبليت عشرة على عشرة
و كله كهربة وحدة
لن ببساطة قدرة وحدة
كل الموضوع إن واحد ممكن يشتغل ٫٥ ساعة على ما يفصل و التاني ٫٧٥
فيجر كهربة أكتر

**A_H_M_A_D** · 13-07-2009 09:39 PM

حد يا جماعه سمع عن تكييف سامسونج قبل كده ؟
لأن في واحد معروض عليه بسعر كويس , بس بصراحه أنا ماسمعتش عن النوع ده قبل كده !!

**جمال** · 14-07-2009 12:28 AM

الميزة الاساسية فى الاسبليت هى الهدوء و عدم التكسير فى الحائط
الميزة الاساسية فى الشباك هى امكانية تجديد هواء الغرفة عن طريق الجهاز بانه يسحب هواء من الخارج و يبرده , ودى غير موجودة و لا ممكنة فى الاسبليت

**Terrible_DaRsH** · 14-07-2009 01:15 AM

التكييف الشباك علشان يفصل لازم تكون الغرفة مقفولة كويس بس عيبه فعلا ان صوته مزعج شوية و ده بيكون راجع للزجاج او باب الغرفة .

انما الاسبليت مفيش صوت و كمان بيتحط فى اى مكان انت عايزه و كفائته اعلى من الشباك بكتيرررر .

بس للاسف لما بقعد فى الصالة الاسبليت بيجيب لى برد و لما اكون فى الغرفة الشباك بيكسر عظمى :) لانى مبقدرش استحمل البرد كتير .

بس فى الاخر الشباك ده للغرف المغلقة و الاسبليت للصالات و الاماكن الواسعة .

**tata12001** · 14-07-2009 01:31 AM

نصيحة لوجه الله ، لو حتجيب شباك يبئة sharp وابعد عن Unionair شباك لأن صوتو مزعج وال-sharp مشاء الله عليه صوت يكاد يكون مش مسموع مع إن شباك

**النوبي** · 14-07-2009 04:20 AM

طيب ياجماعه انا ركبت اسبليت 1.5 حصان في غرفه النوم بس لما بيكون شغال مفيش مشكله وبيبرد كويس لاكن لما بيفصل يطلع ريحه مش حلوه ولما سألت قالولي دي البلازما كلاستر علشان تنقي الهواء والصراحه انا مش مقتنع لان الريحه مش حلوه
رحت اشتريت معطر اللي بيتعلق وعلقته علي فتحه التكييف بس طبعا لما بيخلص بترجع الريحه تاني مش عارف اعمل ايه حد يعرف الحل؟

**Terrible_DaRsH** · 14-07-2009 10:03 AM

انا الاتنين Carrier ..

**asbeats** · 14-07-2009 11:26 AM

المشاركة الأصلية كتبت بواسطة a_h_m_a_d

يا ريت يا خوانا كل واحد يقولنا رأيه في التكييف اللي عنده في البيت

عندنا اتنين واحد اسمه أمريكول والتاني هيونداي,الاتنين سبليت وكفاءتهم في التبريد معقولة بس مش جبارة يعني.

بس انا في حاجة بعملها:
مش بخلي درجة الحرارة اقل من 24 ويمكن اعلى كمان,هاقولكوا ليه... لأن درجة حرارة الغرفة لو كانت مثلا 26 في بدون تكييف هتحس ان الجو حار جدا.لكن 26 بالتكييف بتبقى باردة.وانا لما بظبط التكييف على درجة حرارة معقولة هيبرد الغرفة في وقت قليل وبعد كده هيفصل وده مفيد من ناحية:
1-يقلل من استهلاك الكهرباء.
2-صحي اكتر...لو حد خرج من الغرفة للجو العادي مش هيبقى الفرق كبير.
3-هيطول في عمر الكمبريسور بتاع التكييف لأن الناس اللي بتظبط التكييف على 16 والأرقام الوهمية دي التكييف عمره ما هيفصل-الا لو كان مشغله بارد في الشتاء بقى :) -