الموضوع: هل المعلومة دي صح (خاص بالتكييف المنزلي)

انا عندى تكييف شارب شباك 2وربع حصان من 3 سنين عمل مشكلة معايا من شهرين بس مكنش فى اى تبرييد الراجل بتاع الصيانه فك التكييف كله وحطه فى البانيو وفتح الخارطوم عليه والتكيف اخد دش محترم وبقى شغال ذى الفل

بس اول مرة اشوف حد ينظف تكييف بالطريقة دى , الراجل قال لازم كل فترة الكمبوريسور يتنظف كل فترة !!!!!!!!

المشاركة الأصلية كتبت بواسطة karim_monir

اصل شركتي عاملة حاجة مشابهة تبع صندوق العاملين بتاعنا بس بنسبة فوائد بسيطة
فقولت تكون شغال معايا في نفس الشركة

معلش يا كريم باشا عندى سؤال ملوش علاقه بالموضوع

انت عامل صورتك كده ازاااى ؟؟؟

المشاركة الأصلية كتبت بواسطة النوبي

طيب ياجماعه انا ركبت اسبليت 1.5 حصان في غرفه النوم بس لما بيكون شغال مفيش مشكله وبيبرد كويس لاكن لما بيفصل يطلع ريحه مش حلوه ولما سألت قالولي دي البلازما كلاستر علشان تنقي الهواء والصراحه انا مش مقتنع لان الريحه مش حلوه
رحت اشتريت معطر اللي بيتعلق وعلقته علي فتحه التكييف بس طبعا لما بيخلص بترجع الريحه تاني مش عارف اعمل ايه حد يعرف الحل؟

كلام مش مظبوط طبعاً

فك الفلتر وإغسله جيداً بالماء وأتركه حتى يجف
ثم ركبه
ولو التكييف عندك ساخن بارد
شغله ساخن 10 دقائق
ثم إطفئه لدقائق معدودة
ثم شغله بارد

- مهندس بمصنع تكييف سابقاً -

المشاركة الأصلية كتبت بواسطة karim_monir

طب يا جماعة تكييف شارب اسبليت بلازما 3 حصان كويس ولا لاء
حد جربه وهل في منه مشاكل
ويكفي مساحة قد ايه
وايه اطول مسافة للخرطوم
لان انا غالبا المسافة هاتعدي ال 3 متر
وليه تكييف زي ال lg اغلى
وهل lg احسن ولا سامسونج ولا اخليني في شارب

أنا برضه ناوي أجيب شارب إسبيلت 3 حصان
وبشتري من واحد جاري شغال في التكييفات وعنده شركة بيع وتركيب

أنا عندي شارب شباك 2.25 حصان وممتاز ولله الحمد

بالنسبة للمواسير الخاصة بالتكييف الإسبيليت كلما زاد طولها كلما زدنا من حجم التكييف لتعويض الفاقد
حاول أن لا تزيد المسافة حتى لا تتضطر لتركيب تكييف أكبر

وعموماً الحصان بيكيف حوالي 8 متر مربع
لكن لو دور فوقه السطح مباشرة بدون عزل يبقى الحصان يكيف حوالي 5 متر مربع بالكتير
وطبعا بتفرق من غرفة الشمس ضارباها طول النهار لغرفة في الظل أغلب النهار

بخصوص lg هو جديد وأنا معرفش عنه أي حاجة
لكن وقت الشراء بسأل جاري وهو بيشور عليا في الأفضل لأنه شغال في كل الأنواع تقريباً

المشاركة الأصلية كتبت بواسطة جمال

انا قلت ان التكييف الشباك فيه امكانية تجديد هواء الغرفة
يعنى العادى انه يسحب هواء من داخل الغرفة و يبرده و يزيل منه الرطوبة, وفيه امكانية انك تشغل ventillation وده بيفتح فتحة مع الهواء خارج الغرفة ويسحب هواء من الخارج ويبرده و يزيل منه الرطوبة لفترة انت تحددها لتجديد هواء الغرفة , بحكم انه متوصل على خارج الغرفة , وان هذه الامكانية غير موجودة و غير ممكنة فى التكييف الاسبليت بحكم انه غير متصل بخارخ الغرفة

كلام حضرتك سليم مع تعليق بسيط

حضرتك تقصد فتحة التهوية الصغيرة التي بأحد جوانب التكييف الشباك التي لو فتحتها فإنها تقوم بإدخال نسبة بسيطة من الهواء الظازج من الخارج

لكن بالنسبة للتكييف الإسبليت فليس فيه هذه الخاصية
ولكن ملحوقة
إزاي ؟؟
نقوم بفتح جزء بسيط من الشباك لفترة بسيطة مثلا خمس دقائق لتجديد الهواء ثم نغلقه مرة أخرى

بمعنى إن العملية محصلة بعضها والإسبليت يمتاز بالهدوء وجودة توزيع الهواء والبعد عن التكسير في الجدار والشكل جمالي أكثر