Corrola High Line or Cerato High Line or A5 2009

**M.Osman** · 13-07-2009 09:45 PM

المشاركة الأصلية كتبت بواسطة kareemhisham

صعب شوية نقول ان السيراتو احسن من الكورولا ,,
يعنى لو معاك فلوس الكورولا تبقى احسن من السيراتو انما لو مش معاك يبقى السيراتو كويسة

هي صعبة يمكن عشان "ماركة" تويوتا...
لكن بصراحة انا مش شايف حاجة "غير عادية" في الكورولا ...
اللي انا شايفه ان تويوتا بتعتمد على الـ"ماركة" بتاعتها في التسويق و سعرها مبالغ فيه بدون اي مبرر ... مع انها مش ياباني .. يعني المفروض تكون في شريحة جمركية مشابهة للكوري و الماليزي...

يمكن انا مش بحب التويوتا ... و دا مجرد رأي
لأني زي ما قولت لحضرتك انا مش شايف في العربية حاجة غير الماركة ..
تحياتي

**kareemhisham** · 13-07-2009 09:54 PM

المشاركة الأصلية كتبت بواسطة successcre8or

هي صعبة يمكن عشان "ماركة" تويوتا...
لكن بصراحة انا مش شايف حاجة "غير عادية" في الكورولا ...
اللي انا شايفه ان تويوتا بتعتمد على الـ"ماركة" بتاعتها في التسويق و سعرها مبالغ فيه بدون اي مبرر ... مع انها مش ياباني .. يعني المفروض تكون في شريحة جمركية مشابهة للكوري و الماليزي...

يمكن انا مش بحب التويوتا ... و دا مجرد رأي
لأني زي ما قولت لحضرتك انا مش شايف في العربية حاجة غير الماركة ..
تحياتي

ما هو الفرق فى السعر دة بيبقى فى التفاصيل ,,
يعنى خامات افخم ,,موتور اقوى ,, و معمرة اكتر

**M.ABDEEN** · 14-07-2009 10:28 AM

الكورولا فعلا سعرها مبالغ فيه وخاصة انها مش تجميع ياباني ولكن علشان عليها علامة تويوتا مش اكتر وكمان الفتيس mmt الشكاوي تكررت منه ....
الاوكتافيا طبعا محترمة ومتينة وثقيلة وصاجها جامد بس القعدة فيها وبالذات وراء تحس عايزة حجم معين لكن اجمالا جميلة طبعا ...
النيوسيراتو حبيبة قلبي شكلا وامكانيات وعوامل امان وكماليات وتوكيل محترم جدا ...
1- اوكتافيا
2-سيراتو
3-كورولا

**magedtito** · 14-07-2009 03:51 PM

يا جماعة انا قعدت من غير عربية لمدة شهرين بعد ما بعت الكورسا عشان التهريج بتاع فتيس mmt بتاع تويوتا و بعد تجربة العربية في التوكيل و استلفت السيارة يومين من واحد صاحبي قمت اشتريت كورولا mmt و انا مغمض اللي يقول العربية فيها عيب اكيد ولا ساقها ولا فهمها العربية بصراحة قنبلة في السحب بتاعها و نفس العربية بنفس المواصفات سوقتها في كوريا.
عيوب الاوكتافيا موتورها ضعيف مقارنة بحجمها فلو مش فارق معاك السعر و السحب تكون افضل اختيار
عيو ب السيراتو للناس اللي بتتكلم علي التقفيل الجنوب افريقي للكورولا جميع الخامات الداخلية خاصة التبلوه زبالة بمعني الكلمة الي جانب ان الهاي لين بتاعها ب 125 الف كوري ب 125 الف
عيوب الكورولا شكل العربية الخلفي و الفتيس حتاخد فترة اسبوع عشان تفهمه بعد كده شد بيها مع اي عربية حتي السيفيك
و متنساش انك لو حتشتري الفتيس العادي يبقي هتدفع 160 الف في عربية بنفس الفتيس و الهورس باور و الموتور بتاع الشكل القديم

**tutankhamoun** · 14-07-2009 04:14 PM

النيو سيراتو و أنا مغمض ........
هاتديني قوة الموتور في الكورولا ......
هاتديني الشكل المميز بتاع الأسكودا و لو أن السيراتو شكلها أحلى و لكن الأسكودا شكلها افخم .
هاتديني نفس الكماليات .............. و بسعر أقل بكتير ............

يبقى السيراتو تكسب ........... التويوتا أسم ممتاز و سعر عالي قوي ..... و نفس العيب في الأسكودا .

مش لازم لما تكون ميزانيتي تسمح بعربية غالية أني أروح أشتري الغالي و خلاص ..........
السيراتو و الإلنترا بيقدموا المعادلة الصعبة :

جودة و قوة مواتير ......... و السيراتو بتزيد عليهم شكل مميز و جميل و كماليات كتيرة .....
يبقى ليه أدفع 35 ألف لحلوح زيادة و أنا هاخذ نفس المنتج ...... بسعر أقل ؟؟؟؟؟

و أنا شايف أن في التميز الشكلي :
رقم واحد سيراتو
رقم أثنين اسكودا
رقم ثلاثة كورولا

فنيا ............... الثلاثة ممتازين
سعريا ............ السيراتو أفضلهم سعرا .

للناس اللي بتفكر بأسلوب عملي أكتر بعيدا عن الأسماء التجارية الرنانة .......

كيا سيراتو هي المعادلة لتلك الفئة من السيارات اللي ممكن نقول عليها بداية السيارات الفخمة في السوق المصري . و في السوق المصري بس .

**tutankhamoun** · 14-07-2009 04:18 PM

ب 125 الف كوري ب 125 الف

نفس الجملة دي كانت بتتقال على الياباني في بداية الثمانينات على الياباني .....
هو فيه حد برضه يسيب البيجو و الفيات و يروح يتجنن في عقله و يجيب العربيات الورق الياباني و كانت الناس بتعتبر اللي يشتري ياباني أنه بيرمي فلوسه في الأرض ................... و تقريبا محتاج عنبر في العباسية على الجنان اللي أصابه و خلاه يشتري عربية ياباني و يسيب البيجو و الفيات !!!!!!!!!!!!!!!! و شوفت التاريخ بيعيد نفسه مع الكوري اللي أبت نفسه و بيفوز بالجوائز في أمريكا الصهيونية و كمان بيفوز أمام مين ...... أمام الياباني ......
زي الإلنترا ..............

و لو حضرتك شايف أن السيراتو متسواش 125 ألف ........ و الكورولا هي اللي تسوى 150 ألف أو 155 ألف ؟؟؟؟؟؟؟؟؟

و لو بنفس المنطق ....... أدفع 155 ألف في عربية ياباني و أسيب الأوروبي و التاريخ و العراقة ؟؟؟؟؟؟؟؟؟؟؟؟؟

**M.ABDEEN** · 14-07-2009 06:01 PM

المشاركة الأصلية كتبت بواسطة tutankhamoun

نفس الجملة دي كانت بتتقال على الياباني في بداية الثمانينات على الياباني .....
هو فيه حد برضه يسيب البيجو و الفيات و يروح يتجنن في عقله و يجيب العربيات الورق الياباني و كانت الناس بتعتبر اللي يشتري ياباني أنه بيرمي فلوسه في الأرض ................... و تقريبا محتاج عنبر في العباسية على الجنان اللي أصابه و خلاه يشتري عربية ياباني و يسيب البيجو و الفيات !!!!!!!!!!!!!!!! و شوفت التاريخ بيعيد نفسه مع الكوري اللي أبت نفسه و بيفوز بالجوائز في أمريكا الصهيونية و كمان بيفوز أمام مين ...... أمام الياباني ......
زي الإلنترا ..............

و لو حضرتك شايف أن السيراتو متسواش 125 ألف ........ و الكورولا هي اللي تسوى 150 ألف أو 155 ألف ؟؟؟؟؟؟؟؟؟

و لو بنفس المنطق ....... أدفع 155 ألف في عربية ياباني و أسيب الأوروبي و التاريخ و العراقة ؟؟؟؟؟؟؟؟؟؟؟؟؟

الله ينور يا باشا كلام حضرتك منطقي هي الناس مستكترة ومستغربة ان ازاي عربية كوري توصل ل 125 الف لحلوح وعاجبة الناس وبيتلهفوا عليها وموضوع الكورولا اللي بالشيء الفلاني عندك حق وحتى الياريس برده نفس الكلام لازم التفكير في السعر بتاعهم انا فاكر زمان في التسعينات الفيكترا كانت ب 120 الف والماني ولما جمعوا منها في مصر كان ب 80 الف وغيره من الماركات طب الكورولا الجنوب افريقي ب 155 الف يعني بقى لو جاية من بلادها ايه ممكن نلاقي سعرها سعر الباسات مثلا ؟؟؟؟؟؟؟؟؟؟؟

**magedtito** · 16-07-2009 11:21 AM

يا جماعة انا مقولتش ادفع 155 الف في الكورولا بس ادفع 132 الف في اول الاوتوماتيك يعني ادفع 7 الاف زيادة واركب ياباني بدل الكوري و مع احترامي مينفعش نقول ان موتور التويوتا زي موتور السيراتو خالص ده فرق السما من الارض
وانا موافق اني لو حدفع 155 الف اركب جيتا خليجي او اوكتافيا او اوبل فيكترا

**tutankhamoun** · 16-07-2009 11:35 AM

المشاركة الأصلية كتبت بواسطة magedtito

و مع احترامي مينفعش نقول ان موتور التويوتا زي موتور السيراتو خالص ده فرق السما من الارض

أيه هو الفرق يا فندم ؟؟؟

**asa2005eg** · 16-07-2009 11:46 AM

ana sam3t en el internal materials fe tablo el Cerato msh ad keda , w el tablo ye3tobr customer interface omal el materials fe mator 7atkon 3amla ezai , ya tara Cerato el highline bardo el materials wa7esha mn gowa , So2al tani b2a 3an toyota 7ad ye3arf eh a7san ageb toyoyta mn tawkel wala ageba mowasfat 5alegy

Shokran gedan ya gam3a 3la a2rkom , ana fe3lan me7tar awiii