اول يونيو اللى فات رحت لجراج اركن فيه
قابلت السايس قاللى ان النظام
70 جنيه ايجار و عشرة جنبه نظافة وان كل العربيات بتدفع 80 ايجار وعشرة نظافة بس هوة هيقل لصاحب الجراج يمشيها 70 واتفقنا خلاو دفعت المطلوب
وكمان وانا طالع بديله جنيه قما يلمع العربية واديته فى نص الشهر خمسة جنيه من عندى
بعد كدة
اول شهر يوليو قاللى ان صاحب الجراج رفع السعر عليا خلاه 80 وعشرة نضافة
وقلت له ان ما ينفعش بعد ما نتفق - صاحب الجراج يغير كلامه
امبارح دخلت اركن كان فيه هناك مشكلة بين واحد صاحب عربية تانية وواحد خبط عربيته ولقيت صاحب الجراج واتعرفت عليه وطالع صاحب الجراج راجل محترم
فكلمته ان هوة - صاحل الجرارج - غلى عليا بعد الاتفاق وما ينفعش كدة لقيت الواد السايس اتشال واتهبد وبيزعق وادخل فى الكلام وبيقول ان انا متفق معاه على 60 اجار وعشرين نظافة
المهم زعقت له وقلت له ما تعليش صوتك وكدة
النهاردة الصبح وانا خارج
شافنى ومجاش لمع العربية وانا معبرتوش ولمعتها بالفرشة وخرجت
يعنى الامور كدة
بياخد منى 90 جنيه ويدى لصاحب الجرارج 60 ولا 70 وياخد هوة الباقى لنفسه بس المشكلة انه نصب عليا فى قيمة الايجار ودى حاجة مضايقانى بصراحة
10 و لا 20 جنيه مش هتفرق
بس ليه ينصب ويكدب ويقول ان الايجار 70 و 80 وهوة بيدفع اقل من كدة
واعمل مع ال ........ ده ايه بعد كدة