ياخبراء التغذية (امتى نبدء ندى الرضيع اكل )

السلام عليكم
رزقنى الله بطفل الحمد لله واصبح عمره الان خمسة اشهر
(انا مش بخمس ياجماعه) لحسن دى عاده فى الناس
المهم
اقارب زوجتى قالولنا لازم تلحسو الطفل من بعد اربعين يوم
وقال ايه نجيب علبة زبادى ونشيل الوش وناكله منها
وادتى قالت من شهرين

انا طبعا رفضت الحكايه دى وبقيت بقى فى صدام مع كل الاسره كلهم بيقولو لازم الطفل يلحس الزبادى ويشرب بعض انواع الاعشاب من عند العطار من بعد اربعين يوم وفى اللى قال اكلوه رز من اول شهر رز مسلوق

المشكله ان الدكتور اللى بنتابع عنده بيقول ممكن يبدء من 3 شهور
وفى الدكتور اللى قالى اسمع كلام الستات الكبار اللى فى الاسرة عندك هما ادرى

طبعا رئيى خبراء التغذية فى الانترنت قالو ان الطفل ممكن يبدء بالعصير المخفف من 6 شهور
وانواع بسيطه من الاكل الصلب من 7 شهور والبروتينات من 10 شهور تقريبا او سنه
طبعا الاراء كلها مستمده من الموروثات الشعبيه
وده خطأ

وفى اللى قال ان اكل الطفل فى سن صغير مهم علشان يتعود على الاكل

وفى اللى قال اكل الرضيع خطر جدا على صحته لأنه بيكون جهازة الهضمى غير مكتمل والكليه غير مؤهله للقيام بكامل عملها

طيب اعمل ايه بقى
ياريت حد من الاخوه الاطباء بالمنتدى ينصحونى لانى لسه لغاية دلوقتى مش بديله الا بعض من المياه المعدنيه فقط

يا احمد ربنا يباركلك فيه وياريت مايخدش اى حاجه قبل 6 اشهر غير لبن الام فقط
وده كلام الدكتور بتاع الواد اياد الحمد لله اهو كبر شويه وبقا عنده 50 يوم بس مش تخميس والله

اقتباس:

---

يا احمد ربنا يباركلك فيه وياريت مايخدش اى حاجه قبل 6 اشهر غير لبن الام فقط
وده كلام الدكتور بتاع الواد اياد الحمد لله اهو كبر شويه وبقا عنده 50 يوم بس مش تخميس والله

---

ربنا يبارك لك فيه ياابو اياد
طيب وبالنسبه لشرب الميه ؟؟
5 شهور و50 يوم ده الاخوه مش هيسيبونا انا وانت
ههههههههههههههههههههههههه ههههههههههههههههههههه

الدكتور قالى ممكن كل يوم رضعه اعشاب بالليل بس مش من عند العطار من الصيدليه علبه مش فاكر اسمها بـ 28ج دى لازم تتعمل بمياه معدنيه ده اللى ممكن قبل ال6 شهور

ربنا يخلي اولادكم ويحفظهم من كل سوء يارب

انا اكلت اولادي من 4 شهور تقريبا
والميه المفروض يشرب من بدري وخصوصا في الحر ده لازم يشرب
طبعا تبدأ بالزبادي وممكن جبنه نستو وعصاير فريش متصفية كويس
بعدها بشهر ممكن خضار مسلوق مع قطعه لحم او فراخ صغيرة ويتضربو في الخلاط
ممكن تخف الحليب بميه
طبعا المشروبات الدافيه زي النعناع والينسون والكراوية اساسية وكويسه جدا للمغص
المفروض انه على 6 شهور بياكل اي اكل بنسب صغيره
بس بما انك اخرت عليه فلازم تبدأ بالتدريج

المفروض مفيش اكل نهائي قبل 6 شهور لو بيرضع طبيعي

الرضاعة افيد له

لحس وش الزبادي ده كلام فارغ

المية غلط في اول سنة عشان الاملاح اللي فيها و لبن الام فيه ما يكفي الرضيع من المياه

ايااااااااااااااك و العسل في اول سنة لانه فيه بكتيريا قاتله الرضيع ما بيكونش منها مناعة قبل سن سنة كاملة

بالنسبة للاكل روح للطبيب و هو يقرر

انا بنتي عندها 3 شهور و الدكتورة قالت اما تتم 6 شهور هاقول لكم تاكلوها ايه و بكميات ايه و كل قد ايه

و طبعا الرضاعة الطبيعية تستمر هي الغذاء الاساسي الاكل ده حاجة جانبية

منقول من اسلام اون لاين بقلم الدكتور د. نبيل حنفي زقدان

الأخت العزيزة، وعليكم السلام ورحمة الله وبركاته..
يبدو لي أنك قلقة على الابنة العزيزة والوحيدة - حفظها الله لك - لدرجة أنك في حالة القلق نسيت أن تذكري عمر الطفلة، ولكن لا بأس فوزن الطفلة قد يساعد على معرفة عمرها التقريبي الذي غالبًا ما يكون بين خمسة إلى ستة أشهر.. والحمد لله أن مصدر القلق هو موضوع "التغذية" وهو موضوع لين وهين بأمر الله تعالى.

بداية أرجو أن أقول لك قولاً قد لا تسألي بعده أحدًا عن موضوع تغذية الأطفال. وهذا القول هو ببساطة: أنه لا يوجد جدول محدد ومتفق عليه لتغذية الطفل!!

وأرجو ألا تفسِّري كلامي على أنه جهل مني أو تسطيح للموضوع؛ ولكنه - والله - من واقع دراسة وخبرة وتعمق في الموضوع. ولا شك أنك قرأت عشرات الجداول المقترحة لتغذية الطفل على غرار الآتي:
الساعة السادسة صباحًا: رضاعة طبيعية الساعة التاسعة والربع: ¼ رغيف - خبز شامي، و50 جرامًا - جبن دانمركي، وخمس ملاعق - فول مصري مدمس مهروس. الساعة الثانية عشر والنصف، 4 ملاعق - خضار مطبوخ مع 20 جرامًا - لحم غنم مفروم، مع 6 ملاعق - أرز مسلوق، والحلو كريم كارميل.

وهكذا يستمر الجدول في عرض ما لذَّ وطاب من أطعمة بالجرام والدقيقة وعلى مدار النهار والليل، وذلك حتى يتبين لك الخيط الأبيض من الخيط الأسود من الفجر.

وأرجو ألا تسخري مني إذا قلت لك: إن لديّ في "عيادتي" جدولاً من هذا القبيل، وقد أعددته بنفسي وسهرت على إعداده ليالي طويلة، وأرجو ألا تزداد سخريتك إذا قلت لك إن تاريخ إعداد هذا الجدول يرجع إلى أكثر من عشر سنوات سابقة، وقد أعدت طباعته عشرات المرات، وما زلت أقدمه للأمهات حسب طلبهن، ولكن واقع الحال يقول: إنه لا توجد أم واحدة التزمت بما جاء في هذا الجدول المنمق الغني بالفيتامينات، والمعادن، ناهيك عن المواد النشوية، والبروتينية، والدهون، وغيرها...

إن واقع الحال - يا سيدتي - يقول إنه لا يمكن إلزام الطفل بأي جدول بصورة مطلقة، حيث تختلف القابلية لنوع وكمية الطعام من طفل لآخر، ومن مكان لآخر، ومن وقت لآخر، كما تختلف احتياجات الطفل حسب حالته الصحية، بل والنفسية أيضًا.

لذلك فإني أرى أن أفضل من تستطيع أن تضع جدولاً مناسبًا لتغذية الطفل هي أم الطفل بالاشتراك مع الطفل نفسه، فهذا الطفل الغض الغرير هو كائن حي له أحاسيس ومشاعر، كما أن له مزاجا خاصا في الأكل والشرب والنوم وكل مظاهر الحياة، وإن كان لا يُفصح عن ذلك، أو هو يفصح عنها ولكننا لا ندرك فصاحتهم!!

إذن ما هو دور الطبيب أو اختصاصي التغذية في هذا المجال؟
الإجابة هي: أني أقترح أن ينحصر دور الطبيب أو اختصاصي التغذية في وضع الخطوط العريضة لنظام التغذية لدى الأطفال، على أن تترك الخيوط الدقيقة والتفاصيل للأم والطفل معًا.

لذلك سأذكر لك الآن بعض الخطوط العريضة لتغذية الرضع، وعليك أن تترجميها أنت إلى وجبات حسب وضع طفلك وتقبله، وحسب نوعية الطعام المتاح لديك والمتاح في البلد الذي تعيشين فيه.

أولاً: في الأشهر الثلاثة الأولى من العمر لا يستحب إعطاء أي تغذية إضافية خلاف الحليب. وقد ينصح البعض بإعطاء الطفل عصير الفواكه خلال هذه المرحلة. ويكون متوسط عدد الرضعات 6 رضعات على مدار اليوم ويسمح برضعة إضافية ليلاً.

ثانيًا: في الشهر الرابع يمكن استبدال غذاء نشوي بأحد الرضعات، مثل مسحوق الأرز أو القمح أو النشا في صورة مهلبية أو شربة أرز أو أحد الأغذية المكملة المنتشرة بكثافة في الأسواق.
ثالثًا: في الشهر الخامس يمكن استبدال شربة خضار أو فاكهة مهروسة برضعة أخرى.

رابعًا: في الشهر السادس يمكن استبدال بروتينات خفيفة، مثل صفار البيض، أو الكبدة، أو اللحمة المهروسة، أو الزبادي.. برضعة ثالثة.

خامسًا: ما بعد الشهر السادس وحتى نهاية السنة الأولى يمكن للطفل أن يستمرّ على ثلاث وجبات غذائية، بالإضافة إلى ثلاث رضعات، مع مراعاة الحرص الدائم على إضافة أنواع أخرى من الطعام للوجبات حسب قابلية الطفل.

سادسًا: خلال السنة الثانية من العمر يجب الحرص على استمرار الرضاعة سواء كانت طبيعية أو صناعية بواقع رضعتين في المتوسط يوميًّا، بالإضافة إلى الوجبات الثلاثة المتنوعة، مع مراعاة الانتقال التدريجي من الأطعمة السائلة والنصف صلبة إلى الأطعمة الصلبة.. حتى إذا ما أتم الطفل عامه الثاني أمكن له أن يأكل مما تأكلون ويشرب مما تشربون.
وبالهناء والشفاء للجميع.
مع التمنيات الطيبة لك ولطفلتك بالصحة والسعادة.

السلام عليكم

ما شاء الله الاخوة قاموا بالواجب وزيادة

لي اضافة بسيطة

الطفل الي الشهر السادس لا يحتاج الي اي طعام من الخارج جسمه يحتوي كل متطلباته التي يحتاجها الي عمر ستة اشهر حيث يقوم بتخزين المواد الضرورية اثناء الحمل في جسده و لبن الام يكفي تماما

لاحظ الحديث هنا علي الطفل الذي ولد بعد تسعة اشهر "ابن تسعة كما يقال"

لذا اذا اردت ان تبدأ ببعض الاغذية الخفيفة في الشهر الخامس او الرابع لاضير واذا انتظرت للشهر السادس فلا ضير ايضا المهم ان لا يمر الشهر السادس بدون اضافة مكونات غذائية خارجية

المكونات الغذائية الضرورية الخضار بأي صورة تعدها الام المهم هو ارضاء الطفل وتقبله لهذا الطعام

ايضا وهذا ضروري جدا من اجل عظام الطفل اطعامه صفار البيض لاحتوائه علي فيتامين D وايضا الكبدة ضرورية جدا سواء كانت كبدة طيور او حيوانات

لابد ان تراعي الام ان تقدم الكبدة و بياض البيض في صورة طيبةو مهروسة جيدا حتي لايشرق الطفل و يزور حتي لوتم خلطها بالخلاط المهم ان يأكلها

لأن الامهات تبتعد عن هذه الاطعمة علي الرغم من اهميتها خوفا علي الطفال من الزوران

اطعم طفلك اطعمه من الطعام المتوافر بالمنزل خاصة الخضار بأنواعه المختلفة واللحوم والاسماك مع مراعاةحسن الطهي و التقديم كقطع صغيرة يستطيع الطفل تناولها و بالتالي لا يمتنع عنها بعد ذلك
احرص علي نظافة الاطعمة وتحضيرها بشكل جيد جدا حتي يرضي عنها الطفل عامل الطفل كالزبون المدلل في مطعم فاخر احرص علي تقديم الطعام في اشهي صوره من ناحية الشكل و الرائحة و الطعم :B4_007:

احترس من ذباب الصيف و الحشرات لسهولة نقلها للامراض خاصة في فصل الصيف لكي تتجنب الاصابة ببعض النزلات المعوية التي تأخر من نمو الطفل :3_3_102[1]:

ينصح اخيرا بمتابعة الطفل عند طبيب اطفال او الوحدات الصحية لوزن الطفل ورسم مخطط لنموه لاكتشاف اي مرض لاقدر الله مبكرا وعلاجه مبكرا ايضا :fun_36_3_4[1]:


اتم رضاع طفلك في عامين ولا تصدق ما يقال عن ان طول فترة الرضاع تؤثر علي الذكاء و مثل هذا الهراء :whtauwant:

ولا تسلم اذنك لكل من هب ودب نعم بعض مايقال صحيح لكن الغالب خطأ:eee:

ايضا المشروبات امثال الكراوية و الينسون وما شابه لا فائدة غذائية منها ابدا لا تعتمد عليها كغذاء ولا تصدق ما يقال :mahf(5):

اخيرا بارك الله لك في ولدك ومتعك الله برؤيته سليما معافي دائما :36_1_1[1]:

السلام عليكم
اشكر الاخ AK1981

والاستاذه نور القمر
والدكتور زيزو على الاجابات الكافيه
وجزاكم الله خيرا
وعلى فكره انا لقيت موقع كويس دى صورة منه
http://img127.imageshack.us/img127/8779/42507986.jpg

http://www.wholesomebabyfood.com/solidfood4to6montholdbaby.htm

توصيات منظمة الصحة العالمية هى رضاعة طبيعية مطلقة أول 6 شهور ( سابقا أول 4 شهور ثم رجعوا فى كلامهم ) بدون ماء او أى شئ يدخل فم الرضيع سوى الرضاعة الطبيعية . ثم تتدرج التغذية كما سبق وشرح الاخوة الأعضاء .

الرضاعة تحد من مرض السمنة ومضاعفاته
تزيد من ذكاء المخ للطفل لإحتوائها على مواد ديناميكية حيوية
أرقب حليب مشابه للبن الانسان هو حليب الحمار !!
لا ينصح بتاتا بحليب الأبقار تحت سن سنة وكذلك البيض

الاشياء الممنوعه والتي تسبب ضرر للاطفال ( بعضهم لا يحدث له شئ...بس مش معناه انه صح)
الزبادي .....مش قبل 6 شهور
العسل بعد سنه
اللحوم والفراخ والكبده بعد 9 شهور وتكون مطهوه جيدا ومهروسه
اللبن البقري او الجاموسي بعد سنه كامله
الفول لا لا لا ......لغايه تسع شهور لسنه ..علشان لو كان عنده استعداد لانيميا الفول
الحاجات التي لا خلاف عليها
الاعشاب من اول اسبوع(من الصيدليه اسمها ميلوبا) او الينسون العادي ....مهدئ طبيعي للمغص والغازات بتبقي رضعه صغيره واحده في اليوم
ممكن معلقه ميه مقطره يوميا بعد شهر
لبن الام طوال عامين وفي السته شهور
الاولي بمفرده
بعد 3 شهور ممكن عصير برتقال طبيعي ومصفي جيد جدا تنتدي بمعلقه وبعدين كل يوم تزود حبه حبه وتشوف محصلش حاجه يبقي كويس
بعد ال6 شهور نبتدي بتفاح مسلوق مهروس جيدا( التفاح الاصفر لانه مسكر طبيعي وبيحبه الاطفال)
تاني اسبوع( لا نجرب نوعين من الطعام في نفس الاسبوع ابدا )
نبتدي ندخل الرز المسلوق وتهرسه في الخلاط جيدا ليصبح شبه المهلبيه ومعلقه برضه واحدة اول يوم ونزود كل يوم شويه
تالت اسبوع او الرابع حسب استجابه الطفل للاكل
ندخل شوربه الخضار( بطاطس + كوسه+جزر) في الاول لغايه مايحبها ويفضل عدم ادخال البقوليات نهائيا ( البسله) واخواتها
وممكن نبتدي ندخل الفاكهه بكل انواعها علي سبعه شهور مع الحرص التام علي نضافتها وتقشيرها جيدا واخراج كل البذور مع عدم زياده الكميه حتي لا تاتي بنتيجه عكسيه ( البطيخ والعنب والكانتلوب لو زاد يقلب اسهال)
دي معظم القواعد العامه اللي بيها متحصلش مشاكل ان شاء الله
وبعدين لو استجاب الطفل ممكن تجرب كل اسبوع انك تدخل الاكل العادي ...بس جرب نوع كل كذا يوم ولاو محصلوش مشاكل ندخل حاجه تانيه والكلام ده علي تسعه شهور ....
ومتصدقش الكلام ان كده العيل نفسه حتبقي مسدوده وحيتعب وحيبقي رفيع
طول ماهو بيرضع طبيعي حيبقي بخير ان شاء الله
بس المهم الام تاكل اكل منوع وصحي وتشرب لبن كتير علشان الكالسيوم ليها وللطفل
وتاكل خضار والياف كتير
ولو الام اكلت اكل بيسبب غازات ده حيروح لابنها
لازم تراعي التنوع في الاكل والعصاير وتحرص علي الفيتامينات

اقتباس:

---

المشاركة الأصلية كتبت بواسطة أحمد سالم

طبعا رئيى خبراء التغذية فى الانترنت قالو ان الطفل ممكن يبدء بالعصير المخفف من 6 شهور
وانواع بسيطه من الاكل الصلب من 7 شهور والبروتينات من 10 شهور تقريبا او سنه

---

هو ده -الى حد ما- الكلام السليم واللي بننصح بيه الأمهات في وزارة الصحة وطبعا مش احنا في مصر اللي مقررين ده,دي دوريات علمية وابحاث عالمية

انا كان عندي ورقة اسمها كارت تغذية الطفل,هادور عليه واحاول اكتبه او اصوره و انزله هنا

اقتباس:

---

المشاركة الأصلية كتبت بواسطة mohamedezat

يا احمد ربنا يباركلك فيه وياريت مايخدش اى حاجه قبل 6 اشهر غير لبن الام فقط

---

+1111111111

هوا ده الكلام الصح 100%

و خالى بالك ان الزبادى تحديدا مش قبل سنه كامله

نصحية مجرب عود ابنك على الأكل من بدري علشان ماتحتاسش بيه لما يكبر ويكون اتعود على لبن الأم ويستسهل الرضاعة عن الأكل

الحمد لله بعد ماعملت المشاركة دى وسئلت الدكاترة وسمعت اراء اشكال والوان
قررت انى مااديش ابنى اى اكل الا بعد 6 شهور
وبعد ماتم بحمد الله ال6 اشهر بدئت اديله سيريلاك لعمر فوق 6 شهور
ومن الشهر السابع بقيت اديله تفاح مسلوق وكمثرى مسلوقه
ومن اسبوعين تقريبا بدئت اديله صفار البيض البلدى طبعا بدوخ على البض البلدى بس الحمد لله بلاقيه ان شاء الله هبدء اديله دجاج بلدى مهروس بعد شويه والمياه بديله بسيط جدا معدنيه
الحمد لله لم نستخدم مع ابنى السكاته لان اغلب الدكاتره قالو انها سبب اغلب الامراض بسبب التلوث الحمد لله ابنى تم ال8 اشهر والحمد لله نموه كويس وبحمد ربنا انى ماسمعتش كلام الناس اللى فضلت تقولى من الاقارب طبعا لازم تأكله على 4 شهور ولازم ولازم
الحمد لله الطفل ماعندوش مشاكل فى معدته زى باقى الاطفال اللى بتاكل من اليوم الاربعين وبيقعدو يصرخو طول الليل من المغص
انا حبيت اكتب عن تجربتى ليستفيد الجميع
وخلو بالكم ان الطفل لازم ماياكلش زبادى ولا منتجات البان الا بعد 8 شهور انا يدوب بدئت ادله زبادى منزوع الدسم وحليب الابقار لازم بعد سنه ده ياجماعه والله كلام الاطباء وبالاخص اطباء التغذيه اللى متخصصين فى الاطفال

اقتباس:

---

المشاركة الأصلية كتبت بواسطة أحمد سالم

وخلو بالكم ان الطفل لازم ماياكلش زبادى ولا منتجات البان الا بعد 8 شهور انا يدوب بدئت ادله زبادى منزوع الدسم وحليب الابقار لازم بعد سنه ده ياجماعه والله كلام الاطباء وبالاخص اطباء التغذيه اللى متخصصين فى الاطفال

---

أنا اتخضيت لما لقيت الكلام عن الزبادي والحليب البقري والجبن في السن الصغير ده. خطر جداً. الطفل ممكن يجيلو حساسية من اللبن ويعيش طول حياته مايقدرش ياكل أو يشرب منتجات الألبان.

لو تقدر تأخر منتجات الألبان لغاية سنة يبقى كويس.

هو صحيح سن ال 6 شهور هو السن الامثل لبدأ تغذية الطففل لان اللبن مبيكنش مغذي بالقدر الكافي ليه

انما فنفس الوقت احبذ ان الطفل يبتدي يدوق من اربع شهور

مش ياكل..بس يدوق علشان لما يوصل 6 شهور يبقي عنده استعداد وقابلية

متبقاش مرة واحدة يعني

انا بقي جدتي لحستني ملوخية

ايوا والله ملوخية وونا عندي اربعين يوم

اهئ اهئ

وكانت النتيجة اني بكرها لحد دلوقتي


الملوخية طبعا مش تيتا

اقتباس:

---

أنا اتخضيت لما لقيت الكلام عن الزبادي والحليب البقري والجبن في السن الصغير ده. خطر جداً. الطفل ممكن يجيلو حساسية من اللبن ويعيش طول حياته مايقدرش ياكل أو يشرب منتجات الألبان.

لو تقدر تأخر منتجات الألبان لغاية سنة يبقى كويس.

---

ده فعلا الكلام اللى سمعته من اطباء التغذيه وخاصتا ان لبن الابقار له اضار على الاطفال حديثى الولاده

اقتباس:

---

هو صحيح سن ال 6 شهور هو السن الامثل لبدأ تغذية الطففل لان اللبن مبيكنش مغذي بالقدر الكافي ليه

---

انا مااكتلش ابنى اى حاجه قبل 6 اشهر والحمد لله دلوقتى بياكل عادى ومافيش مشاكل
كمان ماينفعش ندى الطفل اى حاجه فيها ملح ولا سكر قبل سنتسن تقريبا
واكيد كانت الملوخيه فيها ملح وثوم
شكرا لمروركم الكريم