عطل فى أوكتافيا a4 ارجو المساعدة

السادة الافاضل

يوجد لدى مشكلة أرجو الاجابة عنها من ذوى الخبرة

قمت بشراء سيارة اسكودا أوكتافيا A4 موديل 2004 السيارة فى حالة ممتازة و عملة 42 الف كيلو فقط و السيارة اوتوماتك الحمد لله

لكن المشكلة هى عند الضغط بقوة على البنزين يحدث الاتى

1 لمبة البطارية او الدينومو تظهر

2 صافرة تحذير

3 رسالة تقول Altransmator Workshop

و ذلك يحدث فى اقل من ثانية و تستجيب السيارة بعد ذلك

عند سؤال مالك السيارة السابق و هو اول يد لها قال لى بأن ذلك بسبب كمية البنزين التى يتم ضخها اكثر من اللازم و انا مش مقتنع بالرد


احد اصدقائى استشار الكهربائى الخاص بة و أفاد ان ذلك عطل بدينامو السيارة

و انا فى حيرة و خوف شديد من هذة الحالة حيث انى وضعت اللى وراى و اللى قدمى فى هذه السيارة و مش حمل تصليح اى شى بالاضافة بان السيارة تقوم بعمل صيانة دورية بالتوكيل و لم يتم تصليحها خارج التوكيل من قبل و مش عارف اعمل اية


ارجو الافادة من الاصدقاء مالكى هذة السيارة ما معنى هذة الرسالة

اقتباس:

---

عند سؤال مالك السيارة السابق و هو اول يد لها قال لى بأن ذلك بسبب كمية البنزين التى يتم ضخها اكثر من اللازم و انا مش مقتنع بالرد

---

فعلا أنا معاك فى عدم أقتناعك

اقتباس:

---

احد اصدقائى استشار الكهربائى الخاص بة و أفاد ان ذلك عطل بدينامو السيارة

---

تحليل الكهربائى معقول جدا ومقنع

اقتباس:

---

و انا فى حيرة و خوف شديد من هذة الحالة حيث انى وضعت اللى وراى و اللى قدمى فى هذه السيارة و مش حمل تصليح اى شى بالاضافة بان السيارة تقوم بعمل صيانة دورية بالتوكيل و لم يتم تصليحها خارج التوكيل من قبل و مش عارف اعمل اية

---

ان شاء الله خيرا

اقتباس:

---

ارجو الافادة من الاصدقاء مالكى هذة السيارة ما معنى هذة الرسالة

---

معنى هذه الرساله .....بأن الدينامو يحتاج لورشة أصلاح ....أى صيانه .............ولكن .........عاوزك تظبط شد السير بتاع الدينامو الأول وتجرب الوضع الجديد ........وأكشف برضه على سير الدينامو ......يمكن يكون تعبان وعاوز يتغير وبيتزحلق من على الطنبوره.........بس على فكره أنت مش كاتب الرساله دقيقه شويه .....المفروض تبقى الكلمه الأولى alternator .......أما الثانيه سليمه