الايدل ليرن

**A.samy** · 13-07-2009 11:33 PM

واحد زميلى عندة لانوس اتومتك قولتلة على تنظيف الايديل لاكن مكنتش عارف اقولة اية بخصوص الايدل ليرن عشان عربيتة اتومتك بس قولتلة يعملها زى ما بتتعمل فى العربيات المانيول ولا كدة غلط ياريت حد يفدنى .

**Hany A Fattah** · 14-07-2009 12:13 AM

نفس الطريقة

**samirayad** · 14-07-2009 12:45 AM

طريقة أعادة تنشيط ذاكرة وحدة التحكم تجاه سرعة السلانسيه idle learn procedure

-بعد فصل البطاريه لعمل صيانه معينه بالسياره أو بعد رفع وحدة التحكم من مكانها بهدف الكشف عليها وخلافه أو عند تغيير فيوز الأمداد العمومى يلزم عمل الآتى لتنشيط ذاكرة وحدة التحكم......................

بعد عمل جميع التوصيلات المطلوبه وتجهيز منظومة السياره للعمل نفذ الخطوات التاليه

1- أفتح الكونتاكت لمده 5 ثوانى

2-أغلق الكونتاكت لمدة 10 ثوانى

3-أفتح الكونتاكت لمده 5 ثوانى مره ثانيه ...وبعدها شغل المحرك على السلانسيه

4-أترك المحرك للتسخين حتى الوصول لأقصى درجة حراره ممكنه (لحد ماتعمل مراوح تهوية الردياتير).....تقريبا درجة الحراره فى هذه الأثناء بتصل الى 85 درجه مئويه 5- شغل التكييف (أن وجد) لمدة 10 ثوانى

6-أفصل التكييف(ان وجد) لمدة 10 ثوانى

وأذا كانت السياره مزوده بناقل حركه أوتوماتيكى (فتيس أوتوماتيك).......أفعل الآتى

1-أرفع فرامل اليد....وأثناء الضغط على دواسة الفرامل ضع زراع التعشيق للفتيس على الوضع d

2-شغل التكييف لمدة 10 ثوانى

3-أفصل التكييف لمدة 10 ثوانى

يراعى فقط الجزئيه اللى باللون البنى لكى يحصل على كفاءه عاليه فى التنفيذ....بدلا من رقم 5& 6 فى الفتيس المانيوال

**samirayad** · 14-07-2009 06:44 AM

دى طريقة الأيدل ليرن من واقع كتالوج الدايو ......يا أبو حميد

**A.samy** · 14-07-2009 11:42 PM

يعنى الطريقة اللى موجودة فى الموضوع المثبت دى غلط طلما دى من الكتالوج بتاع الدايو

**A.samy** · 14-07-2009 11:58 PM

4-أترك المحرك للتسخين حتى الوصول لأقصى درجة حراره ممكنه (لحد ماتعمل مراوح تهوية الردياتير).....تقريبا درجة الحراره فى هذه الأثناء بتصل الى 85 درجه مئويه
الخطوة دى بتأخذ وقت كبير عند زميلى اللى عندة العربية الاتومتك فضلنا مشغلين العربية وفتحين الكبوت لحد لما مراوح التهوية للرداتير تشتغل العربية قعدت حوالى 10 دقائق لحد لما مراوح الرداتير اشتغلت ولما سألتة هى العربية بتأخذ وقت كبير كدة لية لحد لما تسخن قالى ماعرفش فتوقعت ان العربية متشال منها ثرموثتات الكوعة عشان كدة العربية بتسخن بصعوبة فهل كدة مينفعش يتعمل ايديل ليرن للعربية دى

**samirayad** · 15-07-2009 12:40 AM

يعنى الطريقة اللى موجودة فى الموضوع المثبت دى غلط طلما دى من الكتالوج بتاع الدايو

يا أبو حميد ....الطريقه اللى قولتهالك هى الصح ومن كتالوج الدايو .....

-أترك المحرك للتسخين حتى الوصول لأقصى درجة حراره ممكنه (لحد ماتعمل مراوح تهوية الردياتير).....تقريبا درجة الحراره فى هذه الأثناء بتصل الى 85 درجه مئويه

أنا قربتها ل85 زى ماهو مكتوب فى الكتالوج..........وخللى بالك برضه الثرموثتات بيفتح عندنا عند 87 درجه (على ما أتذكر ).....وبتبدأ المراوح تشتغل عند 93 درجه ( طبعا لما تكون لسه ماشغلتش التكييف ) يعنى بدون تكييف

فضلنا مشغلين العربية وفتحين الكبوت لحد لما مراوح التهوية للرداتير تشتغل العربية قعدت حوالى 10 دقائق لحد لما مراوح الرداتير اشتغلت ولما سألتة هى العربية بتأخذ وقت كبير كدة لية لحد لما تسخن قالى ماعرفش فتوقعت ان العربية متشال منها ثرموثتات الكوعة عشان كدة العربية بتسخن بصعوبة

أعتقد أن الثرموثتات موجود عنده ....ومش منشال ولا حاجه ......والا كان من الممكن المكنه ماترفع حراره بعد الزمن ده (لأنه مش كبير برضه .......وتقريبا أنا بأخد الوقت ده على ما المراوح تشتغل ) ولو الثرموثتات كان مش موجود .....كان ممكن ماتشوفش المراوح شغاله اساسا .....لأن الردياتير حياخد الميه من أولها .....والدوره حتكون مفتوحه على طول من أول مايدور المكنه

فهل كدة مينفعش يتعمل ايديل ليرن للعربية دى

أعمل ياباشا وتوكل على الله .....أذاكانت المراوح أشتغلت (يعنى الحراره وصلت ل93 بدون تكييف ).....يعنى حراره تشغيليه تمام

**samirayad** · 15-07-2009 01:00 AM

خللى بس الخطوه رقم 2 ( 5 ثوان بدل عشره ) لأن فعلا حدث معى نسيان وكتبت الرقم غلط فعلا فى الموضوع الأساسى اللى أنا مقتبس منه الطريقه .............ولما راجعت الكتالوج لقيتها 5 مش عشره ..........والباقى كله سليم وميه ميه ......وأن حصلحها فعلا فى موضوعى بتاع بلف الأيدل فى التعليمى