ماهو سير المجموعة؟؟؟؟؟

**ecybrarian** · 14-07-2009 12:19 AM

ايه هو سير المجموعة ده؟؟؟؟ هل ده السير إللي بيقى واصل بين الموتور والدينامو وكمبورسور التكييف؟؟؟؟

اقول لكم على المشكلة...عندي التكييف بيعمل صوت عامل زي خشونة في بلي ما!!! رحت لبتاع لتكييف اول ما شغل التكييف قالي روح للميكانيكي خليه يغير لك بلية شداد!!!!!! قلت له بلية شداد مش دي إللي بتتغير مع سير الكاتينة؟ قالي بتاع المجموعة إللي بره، الميكانيكي هايبقى عارف....ده كلامه، بس انا إللي مش فاهم!!! هو كده ها يفك الكاتينة ولا لأ؟؟؟؟؟؟؟؟؟؟؟؟
يا ريت حد يشرح لي الموضوع ده

**samirayad** · 14-07-2009 12:34 AM

لا.....فعلا فى بعض السيارات زى النوبيرا وأكيد برضه عندك بيكون فيه شداد خارجى .....راكب على جسم المكنه من الجانب الخارجى بمسمار.....ومع حل المسمار ده بيتم التحكم فى قوة شد بكرة شداد سير مجموعة نقل الحركه الخارجيه من طنبورة الكرنك الى طنبورة التكييف والدينامو والباور (حسب التصميم ).............والموضوع ده بعيد عن مجموعة الكاتينه ( يعنى الشغل كله من بره .....وملوش دعوه بسير الكاتينه نهائيا )............ونقدر كده نقول فيه مجموعه داخليه ( مجموعة الكاتينه وهى طلمبة الميه وتروس الكرنك والكامه والشداد بتاعهم ) ..............وهناك مجموعه خارجيه ........ودى بيخدمها سير ودى سير تانى

**أبو إياد** · 14-07-2009 09:03 AM

دى بسيطه خالص انا غيرتها قبل كده فى عربيه دايو اسبيرو وكان مكانها فى اخر الحوض من تحت ورا العجله الاماميه
وكانت بـ 90 ج وهى فعلا بتعمل صوت خشونه وصوت عالى

**faron525** · 14-07-2009 08:00 PM

برافو يا باشمهندس سمير والله استفدنا من كثير ربنا يخليك

**wisambasha** · 15-07-2009 03:04 PM

هيشو باشا
انا عندي اليومين دول صوت رجرجة بتحصل اول ما اشغل التكييف وبتروح وتيجي لفترة (10 دقائق مثلا) لغاية ما التكييف يغير جو العربية وبعدين خلاص ماحسش بيها
الرجرجة دي خوفتيى لا تكون صوت قواعد موتور والا ايييييييية ؟؟؟؟؟؟