أهلاً بعشاق التيدا الف مبروك
عرض للطباعة
أهلاً بعشاق التيدا الف مبروك
الف مبروك ربنا يباركلك
جبتها بكام هاتش و لا سيدان اي فئه
متنساش تقييم الالف
انا فعلا مش مصدق كل الناس دي اهتمت وباركت يارب يبارك فيكم وفي سيارتكم او اللي مشتراش ربنا يوفقه انا هحاول اجاوب علي اسئلتكم العربيه سيدان او فئه اوتوماتك سعرها غالبا ب112 بس انا رحت السبع اوتوموتيف قمه في الاخلاق والذوق الاستاذ احمد عادل وكل الناس هناك بصراحه هوا قللي انها عليها عرض ب111 وانا اخدنها ب110ونص بعد فصال خفيف علشان كنت مستعجل اعتقد في حد هنا كان كاتب في موضوع انه اشترها ب110 بس مش فاكر منين المهم حصل النهارده موقف خطير بجد كنت هضيه بس الحمد لله ربنا ستر كنت رايح املا الاطارات نيتروجين المهم كنت ماشي ورا تاكسي وبعدين لقيته اداني سكه فحاولت اطلع منه اتاريه حسبي الله كان بيوسع لنفسه ولف فجاه ولقيته قدامي بالعرض بلا مبالغه وطبعا بدون اشارات وانا كنت بعديه فطبعا دايس وسريع المهم فرامل فرامل فرامل والاي بي اس اشتغل وفضلت اقرب اقرب وفي اخر لحظه كسرت شمال والمهم وقفت علي الشعره الحمد لله وقال ايه عاوز يمشي كان مفيش حاجه وانا اعصابي سابت علي الاخر العربيه لسه معلقتلهاش نمر والله المهم اخد كلمتين ومشي من غير كلام بس انا لغاية دلوقتي اعصابي سايبه بس انا حاسس انه حسد والله المهم اتسترت الحمد لله بس ياجماعه الاي بي اس ده مهم جدا لولا الله ثم هوا كانت العربيه اتزحلقت ولبست فيه علي العموم قريبا هحاول اكتب ملاحظاتي اول باول علي اداء العربيه وشكرا لكل اللي بارك
مبروك عليك يا تيداوى و يكفيك شرها
و اهلن بيك فى عالم تيدا القوية
السلام عليكم
أختيار موفق إن شاء الله
مبارك عليك وربنا يجعلك فيها البركه ويعينك على طاعتة بها إن شاء الله
مبروك عليك و ياريت تقيمك
الف مبروك ربنا يحفظهالك
الف الف مبروك . وربنا يسترها
ألف مبروك وربنا يدك خيرها ويكفيك شرها
حاول تطلع حاجه لله فديه عن العربية
ممكن تديني رأيك علشان أنا في نفس الحيره أجيب ايه ........وتعبت من التفكير بصراحه
أنا دلوقتي محتار بين التيدا واللانسر الشكل القديم 1600و الليفينا{ممكن نعتبرها تيدا برده علشان نفس المحرك}
بما ان حضرتك كان معاك لانسر وبعدين ركبت التيدا أكيد ممكن تفيدني