الموضوع: خدعة أبو غالي

نزول السعر 4000 ملطوش مرة واحدة عملهم جنان ...من رايى الغى القصة بتاعت ابو غالى دى و هاتى من مكان تانى

المشاركة الأصلية كتبت بواسطة mohamed920

هوا بس الى انا عايز اعرفه انتى سالتى عن موضوع السعر ده ولا لآ لان انا من 5 شهور بس كنت حاجز هيونداى اى 10 وكان سعرها وقت الحجز 61500 ولما جيت استلم كان سعر العربيه نزل ل 60000 فنزلى السعر ل 60000 من غير ما اطلب اصلآ الكلام ده كان فى ابوغالى المرغنى مع سالز مان اسمه احمد و بجد ابو غالى ده مكان محترم جدآ بس ياريت تكونى صبوره شويه جايز يكون فعلآ نقص فى استوك المتركس هو حاجه

ما أنا كنت فاهمة برضه إن ده مكان محترم علشان كده فيه ناس أصحابي راحوا سألوا على النيسان صني على أساس إن عرض أوتوماك لسه ساري لغاية دلوقتي وسعر العربية أصبح 91000 جنيه لكن هناك في أبو غالي قالوا لهم لأ عايز تستفيد معانا بعرض ال6% فائدة لازم تدفع على السعر القديم 94000 جنيه يعني دي سياسة الشركة إستغلال العميل وبمنتهى الاستفزاز ده غير عدم الالتزام في مواعيد التسليم واللي حصل مع ناس حاجزة فيرنا واستلموها بعد 3 شهور بس للأسف عرفت متأخر ، أما بالنسبة للاستوك فانا طبعاً سألت في غبور وعرفت إن العربيات موجودة الآن .

كيا كارينز زى الفل والله لو انا كنت مشترتش نيو اكسنت لكنت جبتها

المشاركة الأصلية كتبت بواسطة gemino

نزول السعر 4000 ملطوش مرة واحدة عملهم جنان ...من رايى الغى القصة بتاعت ابو غالى دى و هاتى من مكان تانى

طبعاً ده حقيقي لو قلنا إن فيه 100 واحد حاجزين تخيل الفرق اللي ممكن يدخل جيبهم صافي بشوية رزالة مع العملاء يعني مش ها يستثمر أكثر من شوية كلام ويكسب 400000 جنيه صافي في دفعة عربيات واحدة غير طبعاً المكسب أو نسبة الخصم اللي كده كده بياخدها من المورد .

بس يا فندم الحل بسيط جدا
روحى لادارة البنك العربي الافريقي اللي انتي فتحتي فيه الحساب ومضيتي فيه الشيكات و بلغيهم انك هتغيري المقدم عشان تغير سعر العربية (هتنقصي المقدم) البنك هيبعت للفرع بتاع ابوغالى اللي انت دفعتي فيه 1000 عشان يجيب عرض سعر العربية الجديد بس ومالكيش دعوه بالمعرض خالص
بس انا اتعاملت قبل كده مع ابو غالي البنك العربي الافريقي عشان عرض ال 6% بس وقتها سعر العربية اللي كنت حاجزها اتغير و البنك هو اللي بلغني وجابوا من نفسهم العرض الجديد و ظبطوا المسائل بس اهم حاجه تروح البنك بنفسك و توضح الامر هناك
ومتسحبش فلوسك من ابو غالي و الا هتسيب 25 % من المقدم ليهم يعني 250 جنية

المشاركة الأصلية كتبت بواسطة rova

أعضاء المنتدى الكرام
دي أول مشاركة لى في منتداكم القيم وعايزة أعرض تجربتي وأخذ رأيكم.
أنا حجزت عربية ماتريكس 2010 من أبو غالي طبعاً علشان عرض ال 6% فائدة وده كان من اكتر من شهر ، وطبعاً العربية مش موجودة ولم يتم تسليمها إلى الآن ، المهم طبعاً وقت حجز العربية كان سعرها 97000 جنيه وجي بي أوتو نزلها الاسبوع الماضي بسعر 93000 جنيه طبعاً الموزعين ومنهم أبو غالي المفروض عليهم الالتزام بالسعر الجديد ، ولكن أبو غالي طبعاً رفض وبيقول إن اتفاقية البنك وعرض ال6% مقتصر على سعر 97000 جنيه .
طبعاً كلام ما يتصدقش سألت البنك قالوا طبعاً إن ده كلام فارغ ومن حق العميل إنه يستفيد بأي عروض ويدفع سعر العربية وقت استلامها لأن لو كانت العربية زادت كان لازم ندفع زيادة السعر و مش هايكون ده رد الفعل.
المهم أنا مش هاقدر أكون سلبية وأستسلم لجشع أبو غالي أنا بافكر في الكيا كارينز لأنها بصراحة كانت عاجباني من الأول لكن أنا قلت الماتريكس محدش اشتكى منها وصيانتها وقطع غيارها معقولة وكمان ال resale بتاعها ممتاز .
بس مش هاقدر اقبل الجشع ده ، ياريت تفيدوني بآرائكم وأقدر أعمل إيه مع الناس دي ؟

كارينز ايه بسسسسسسسسسسسسسسسسسسسسس دا انا ليا شووط كبير مع موضوع الكيا كارينز دا , شكاوي , و خنقات و ليله !!!!!!!!!! ابعد عن الكارينز و غنيلو , خليكي في الانترا انا خلاص بعد معركه الكارينز مفيش غير النتراااااااااااااااااااا ااااااااااااااااااااااااا ااااااااااااااااااااااااا ااااااا هيا البيج بوص في الفقه دي !!!!!!!!!!1