أغبي نزلة كوبرى فى مصر .

**Terrible_DaRsH** · 14-07-2009 11:34 AM

من يوم ما عملوا نزلة اكتوبر لامتداد ميدان العباسية عند وزارة المالية و انا متنبيء بكوارث .

النزلة بتاعت الكوبرى دى حلت مشاكل الازدحام عند دخول الشارع عند نادى السكة و لكنها بتتسبب فى حوادث ملهاش عدد و ارهاب الناس و اصوات فرامل لابعد الحدود .

اللى بينزل من الكوبرى يا جماعة بيتفاجى ان فى شارع يمين ( شارع ارض المعارض ) و لو هو مش داخل الشارع بيتفاجىء ان فى كمية عربيات كبيرة داخلة الشارع ده , طب هو دلوقتى ماشي على طول يعمل ايه !!!

بصوا على الصورة و انتوا تفهموا قصدى .

دلوقتى العربيات بتيجى من تحت الكوبرى و عايزة تدخل يمين و العربايت نازلة من على الكوبرى عايزة تدخل شمال و الاتنين جايين بسرعة لا تقل عن 70 ك م .

اول ما النزلة دة اتعملت عربية لانسر دخلت فى ميكروباص و طلعوا فى الرصيف و صاحبي ساكن قدام ارض المعارض فكل يوم بيحكى لى عن حادثة شكل .

اول امبارح شفت عربيتين مقلوبين فوق بعض بسبب النزلة الغبية دى و الناس تقريبا كانوا ماتوا .

ده غلط مين بقي ؟؟ الناس ولا اللى عملوا النزلة دى ؟ و قبل ما يعملوها كانوا حاطين مطب ارتفاعه تقريبا لا يقل عن 40 سم تقريبا فى مكان ضلمة كنت لازم كل يوم تلاقى عربية عفشتها مكسوره منه . !!

و دى صورة تانية توضح الموقف , و المربع الازرق ده محطة ركاب .

**Morieno** · 14-07-2009 12:03 PM

إيه الجديد
بما ان مافيش عندنا تخطيط يبقى مانقدرش نقول سوء تخطيط
وبما ان الادارة عندنا مش محترفه يبقى مانقدرش نقول سوء إدارة
دا اكيد قله وعى وانضباط من المواطن أو سوء استخدام او سوء التلات

تحيا جمهورية الطعميه بالمهلبية

ودمتم زى الفل

**mhkash** · 14-07-2009 12:15 PM

بص يا بيه
احسن حاجه انك تلفت نظر الناس لوجود مخاطر فى منطقه معينه زى الحته دى
بكده ان شاء الله تاخد ثواب , بس بصراحه - المؤسف فى الموضوع انك حتلاقى نسبه كبيره جدا من مناطق القاهره تتميز بالخطوره الشديده جدا جدا وربنا يستر

كوبري السيده عائشه
منزل كوبرى اكتوبر عند شارع ترعة الجبل فى منطقة حدائق القبه - بتلاقى نفسك بتعوم بالعربيه - يمين - شمال - يمين - شمال - هوب رصيف - يمين بسرعه
منزل كوبرى اكتوبر اللى قادم من التحرير و نازل على شارع بورسعيد عند غمره - خطير جدا -
ممكن الواحد يلبس فى السور اذا مكانش مسيطر على العربيه تماما -
منازل الانفاق كلها - تلاقى كل الجدران فيها اثار احتكاك

طبعا - لازم الواحد يمون مركز جدا و هو بيسوق - بس برضه متكونش الطرق و الكبارى و الانفاق متصممه بالحموريه دى

كل ال يو - زفت - تيرن اللى قرفونا بيها و خلو المشوار الواحد يزيد 7 - 8 كيلو زياده على المشوار الاصلى
ومفيش امل فى اى اصلاح

**أبو_يوسف** · 14-07-2009 12:21 PM

متهيألي المسافة معقولة بين نزلة الكوبري وشارع ممدوح سالم اللي فيها ارض المعارض (الشارع اللي على اليمين بعد النزلة)
واعتقد ان النزلة فيها ملف- وان كان بسيط- بيؤدي لتقليل السرعة شوية غير ان فيه مطب عبارة عن (عين القطة) بارتفاع مايقرب من 8سم

والحقيقة اني ساكن امام المعرض في امتداد رمسيس وشايف ان النزلة دي مفيدة لي جدا
يوميا بروح منها
غير الازمة اليومية اللي اتفكت بسببها..
نسأل الله السلامة..

**Terrible_DaRsH** · 14-07-2009 12:28 PM

المشاركة الأصلية كتبت بواسطة timtim

متهيألي المسافة معقولة بين نزلة الكوبري وشارع ممدوح سالم اللي فيها ارض المعارض (الشارع اللي على اليمين بعد النزلة)
واعتقد ان النزلة فيها ملف- وان كان بسيط- بيؤدي لتقليل السرعة شوية غير ان فيه مطب عبارة عن (عين القطة) بارتفاع مايقرب من 8سم

والحقيقة اني ساكن امام المعرض في امتداد رمسيس وشايف ان النزلة دي مفيدة لي جدا
يوميا بروح منها
غير الازمة اليومية اللي اتفكت بسببها..
نسأل الله السلامة..

طب ما انا بقول النزلة دى حلت مشاكل كتيرة مقلتش ملهاش لازمة , بس اللى اقصده هو خطورتها مش لازمتها ايه !

على فكرة انا يوميا بعدى على النزلة دى و حافظها صـــــــم .

بم انك سااكن قريب منها . شفت الحادثة اللى حصلت اول امبارح ؟؟

**أبو_يوسف** · 14-07-2009 12:35 PM

المشاركة الأصلية كتبت بواسطة terrible_darsh

طب ما انا بقول النزلة دى حلت مشاكل كتيرة مقلتش ملهاش لازمة , بس اللى اقصده هو خطورتها مش لازمتها ايه !

على فكرة انا يوميا بعدى على النزلة دى و حافظها صـــــــم .

بم انك سااكن قريب منها . شفت الحادثة اللى حصلت اول امبارح ؟؟

لا مشفتهاش بصراحة .. انا بروح في حدود الساعة 6- 7م
العجيبة انك ممكن تلاقي ناس راكنين على اليمين في الممنوع
او ممكن تلاقي على ناصية الملف -شارع المعرض- تاكسي واقف بيركب او بينزل ناس !!
بس في النهاية لحد الآن محستش بخطورتها الشديدة .. مقابلتش موقف فيه خطورة.. يمكن ميعادي بتكون الدنيا رايقة فيه..
ممكن بس احس ان فيه بلبلة لو حد مهدي او تاكسي راكن على الناصية..
وربنا يستر

**som3aa** · 14-07-2009 12:45 PM

معلش انا مش فاهم , النزلة دى حلت ازمة ايه بالظبط , يعنى انا ايه اللى يطلعنى الكوبرى و ينزلنى تانى مع ان فى طريق قصير من تحت؟؟

**Terrible_DaRsH** · 14-07-2009 12:53 PM

المشاركة الأصلية كتبت بواسطة som3aa

معلش انا مش فاهم , النزلة دى حلت ازمة ايه بالظبط , يعنى انا ايه اللى يطلعنى الكوبرى و ينزلنى تانى مع ان فى طريق قصير من تحت؟؟

هى حلت ازمة واحدة فقط .

القادم من الحى السابع كان لازم يدخل طريق النصر و ياخد يو تيرن و يرجع تانى .

دلوقتى بقي ياخد اكتوبر و ينزل على الشارع على طول .

بس هى دى الازمة الوحيدة .

**أبو_يوسف** · 14-07-2009 12:58 PM

المشاركة الأصلية كتبت بواسطة som3aa

معلش انا مش فاهم , النزلة دى حلت ازمة ايه بالظبط , يعنى انا ايه اللى يطلعنى الكوبرى و ينزلنى تانى مع ان فى طريق قصير من تحت؟؟

ماهو الطريق القصير دا لأنه بيخدم أكتر من غرض بيكون مزدحم جدا..
يعني عندك اللي جاي من الاوتوستراد - طريق النصر - يا إما هايكون عايز يكمل في الاوتوستراد أو عايز يدخل على العباسية - كدا النزلة دي اخدت الجماعة اللي عايزين ينزلوا على العباسية وكل ماهو في طريق العباسية.
عندك كمان اللي جاي من جنب نادي السكة - من الحي السابع- اما انه عايز يمشي في الاوتوستراد او ياخد اليو تيرن علشان ينزل العباسية او يكمل على المعادي..
النزلة دي اخدت الجماعة اللي بياخدوا اليو تيرن علشان طريق العباسية وكل ماهو في الطريق دا..
انت ممكن متكونش محتاج تستعمل النزلة دي
بس في غيرك ممكن يستعملها علشان يعبر من فوق الزحمة دي وكمان بيفضي مكان لغيره ان يعبر من تحت الكوبري
هي بلا شك خففت الضغط جامد على الطريق القصير دا..
ايام المدارس قبل النزلة دي كنت ممكن اوصل من شارع الفنجري لحد اول يوتيرن تحت كوبري اكتوبر اللي في الاوتوستراد في ربع ساعة مع انها مسافة متجيش 150 متر..
بعد النزلة دي الازمة خفت جامد الحمدلله..

**أبو_يوسف** · 14-07-2009 12:59 PM

المشاركة الأصلية كتبت بواسطة terrible_darsh

هى حلت ازمة واحدة فقط .

القادم من الحى السابع كان لازم يدخل طريق النصر و ياخد يو تيرن و يرجع تانى .

دلوقتى بقي ياخد اكتوبر و ينزل على الشارع على طول .

بس هى دى الازمة الوحيدة .

وكمان اللي جاي من طريق النصر علشان يدخل يمين في طريق العباسية..
لان طريق النصر واسع وبيصب في مكان ضيق اللي هو جنب مطلع الكوبري فابيحصل ازمة
المنطقة دي تشبه عنق زجاجة مدينة نصر للي خارج منها