انــــا مــــش فـــي الدايـــــرة !

**mhoss** · 14-07-2009 07:45 PM

المشاركة الأصلية كتبت بواسطة EslaM_NagY

والله انا كنت شغال على مبدء السفنجة بس مش فى السواقة لا فى كل حاجة تتخيلها فى حياتى بس وصلت فى يوم لقشة هى الى كسرت ظهرى - خلالالاص مش حسكت لحد.

انا الموضوع عجبنى جدااااااو ياربت الاقى اجابات عن اسألتى.

انا معاك تماماً...ساعات الموضوع بيزيد عن حده و الواحد بشر برده و عنده ضغوط فى البيت و الشغل

بس مبداء الإسفنجة يتطلب صبر و طول بال و مع التعود هاتريح نفسك و تبعد عن وجع الدماغ و ضغط الدم و العياذ بالله اللى معظم المصريين مصابين بيه...

و الحل الوحيد انك تكتب الحديث ده و تحطه أمامك فى العربيه و الشغل... و الدنيا مش ناقصة إن الواحد يعيشها و هو عند سكر أو ضغط دم نسأل الله السلامة و العافية.
قال النبى صلى الله عليه و سلم :

( من كظم غيظا وهو قادر على أن ينفذه ، دعاه الله تبارك وتعالى على رؤوس الخلائق ، حتى يخيره من أي الحور شاء )
رواه أبو داود بسند حسن

**M.Osman** · 14-07-2009 08:32 PM

موضوع تحفـــــــــــــــــــــة !

مزيكا و تكييف و اعصاب هادئة ....

.................... و "أنــــا مـــــش فــــي الدايـــرة"

شكراً يا باشا

**Ahmed Selim** · 14-07-2009 09:01 PM

بداية أحييك تحية حااااااااااااارررررررررة على المقال الرائع يا محمود باشا

و أنا رايح ( دائرى ) و راجع ( صلاح سالم ) الى و من الشغل ببقى عادة قافل الأزاز و مشغل التكييف و موسيقى كمان.......حاولت كتير أعمل بالمقولة اللى بتقول " أبتدى بنفسك " و قولت يا واد أغزى الشيطان و طنش خالص و خليك بارد.
بقالى 3 سنين بحاول على فترات متقطعة أعمل كده......بس للأسف....مش بينفع.
هى الناس ليه بقت كده ؟؟؟؟؟؟؟؟؟؟؟؟؟
و الله أنا مستغرب جداً....أمشى على الدائرى على أساس أنه طريق سريع شوية.....ألاقى واحد ماشى فى الحارة الشمال على 60 كم....ماشى يمكن هيمشى أسرع شوية....مفيش.....طيب أقلبله نور عشان يوسع ( على أساس أن دى الحارة الشمال ) مفيش....طيب يمكن عشان أحنا بالنهار النور مش باين...كلكس خفيف يمكن يحل المشكلة.....برضه مفيش.....يمكن الراجل سمعه تقيل شوية أو مسمعش أول مرة.....كلاكسيت تلاتة ورا بعض....يبصلى فى المراية بأشمئزاز ( غالباً بكون صحيته من النوم )....ماشى مش مشكلة بس يخلينى أعدى.....برضه مفيش و يفضل ماشى فى مكانه عادى....كأنى هوا......
لو حصلت مع واحد أو أتنين يبقى الموضوع بسيط........بس بتحصل يومياً..........بمعنى كلمة يومياً و جايز اكتر من مرة كمان.
من المعروف أن الدائرى 4 حارات......لكن عشان واحد سواق نقل بمقطورة يمشى فى الحارة التالتة من اليمين ( يعنى قبل الشمال بحارة ) عشان يعدى مقطورتين تانين ماشيين فى الحارتين الأولى و التانية......يبقى أيه ؟؟؟
المشكلة أن مش ببقى دارى بنفسى بعمل أيه......يعنى سواق المقطورة ده عملت معاه أيه ؟؟؟
فرملت قدامه و نزلته من سرعة 120 لسرعة 60 و فضلت زاله ورايا لحد لما طلع أيده من الشباك و أعتذر......و لو كان وقفلى حتى كنت هقفله ( مع أنى والله مش بتاع خناقات و مش عضلات ولا حاجة....و اللى يعرفنى كويس ممكن يستغرب لو عرف انى بعمل كده لأنى بطبعى هادئ.............الحاجة الوحيدة اللى بتنرفزنى هى المواقف دى)

يا ترى عندك حل لمشكلتى ؟؟؟؟

نسيت أقولك أنى و أنا راجع من صلاح سالم و بأعتبار انه شارع جو البلد لو مشيت فى الشمال بمشى بالكتير 80.....ألاقى ناس جاية طايرة سواء من يمينى أو شمالى.....
على صلاح سالم 80 فيما فوق و على الدائرى 60 !!!!!!

**seaman** · 15-07-2009 12:14 AM

يا سيدى انا لوخرجت بره الدايره الدايره هتجرى ورايا ..عالم الواقع اصعب بكثير

**zyadahmed** · 15-07-2009 01:46 AM

عملت زى الاسفنجة وامتصيت كل اللى تتخيله من رخامة لحد الاسفنجة ما تشبعت واتملت وجه واحد بقى حظه وحش قوى وداس على الاسفنجةالمتشبعة دى ولك ان تتخيل هاطلع عليه ايه ؟؟؟

والله الواحد بيحاول يكون هادى وباررررررررد لكن لكل انسان طاقة وخصوصا المصيفين اللى بينوروا اسكندرية فى الصيف ربنا يرجعهم بالسلامة بس ياريت لو تعرفوا حد منهم تقولوا له اتق الله فى سكان اسكندرية وطرقات اسكندرية
واهلا بيكم ونورتوا مصر ..........

**M.almaghraby** · 11-04-2010 05:23 PM

نفسي ابقي برا مصر مش الدايرة بس

موضوع جميل يا محمود

**mohamed_mohsen** · 11-04-2010 05:59 PM

موضوع ممتاز....حاولت اعمل كده لفترات متقطعه....فشلت فشل زريع و ما قدرتش...و رجعت أسخن من الأول

**dolly13** · 11-04-2010 06:26 PM

كلامك جميل جدا
وموضوع اكثر من رائع
ووجهة نظر لا تصدر الا من انسان متحضر وعقلانى لك جزيل الشكر على هذا الدرس الانسانى البديع

**abogogo** · 11-04-2010 09:03 PM

من اروع ما قرأت من مقالات ........... حاولت اطلع من الدائرة اكتشف ان حدود مصر بقت الدائرة سؤال مش لاقي له اجابة نروح فين ؟؟ منهم لله الى جعلوا مصر كده