الموضوع: انــــا مــــش فـــي الدايـــــرة !

احييك على الموضوع ده فعلا موضوع رائع و اسلوب كتابه اكتر من رائع
الواحد فعلا عمره ما بص للموضع من المنظور ده و انه فعلا هينفذ القهر اللى انت بتعمله عليه فى الشارع برضه و يمكن كمان على حد انت تعرفه يا جماعه اذا دعتك قدرتك على ظلم الناس فتذكر قدره الله عليك
انا فعلا بقالى فتره بحاول اهدى نفسى شويه فى موضوع العصبيه لانى لقيت انى كل ما بنزل بحرق دمى بس انا حاجتين بيضايقونى جدا و ببقى مش طايق نفسى سواق تنح و عامل عبيط عارفينه ده اللى هو يكسر عليك و يبقى هيخبط بس ما يبصلكش خالص و لا كانه شايفك عامل عبيط
انا مره واحد كسر عليا اوى و من كتر ما هو كان هيخبطنى جيت جنبه و بكلمه ما بيبصليش مع انه سامعنى فبقوله يا ساتر على برودك باصلى بصه ورجع كمل سواقته عادى
و تانى حاجه ظباط الشرطه اللى بيتنططوا دول باه بيجيلى منهم حساسيه
بس ياريت نعمل بمبدا ابدا بنفسك و كلنا هنبقى هاديين يمكن اللى يكسر عليك مره و انت ما تعملوش حاجه يتكسف من نفسه بعد كده و يعرف ان فى حاجه اسمها ادب يمكن
و الله المفروض اللى يطلع رخصه يدوله كورس الاول فى اداب الطريق زى كا فى عضو قال واحد على الدائرى ماشى على الشمال على 60 و مهما تديه كلاكس ما بيوسعش ده ممكن كمان يديك اشاره شمال اللى هو مش هوسع ده معقوله مش عارف انه لما يحب يمشى براحه يمشى على اليمين
عموما انا بقالى فتره بهدى نفسى و بحاول ابطل عصبيه و واحده واحده هتعالج و ان شاء الله بره الدائره

المشاركة الأصلية كتبت بواسطة nfs

انا مش فى الدايره من زمان, علشان بكبر دماغى بس مش اكتر و مش بتاع مشاكل, بس صراحه اول مره ابص للموضوع ده من المنظور الى انت اتكلمت عليه, ياعنى التوابع النفسيه على السائق و انها بتزيد الطين بله, و انه هينفس عن القهر ده تانى فى الشارع.
موضوع ممتاز.

موضوع رائع وممتاز
أنا كمان برة الدائرة
وأنا زيك يا nfs بحاول أتعايش وبردة ما بحبش المشاكل وبعمل بالحديث بتاع والكاظمين الغيظ
ومش بحاول أنفعل لآنه فعلا بيأثر على أعصاب الواحد
بحاول أتجنب العالم اللى ما بتفكرش صح

أولا دة وضع قائم وموجود فى كل مصر هنعمل أية ذى ما الاخوة قالوا هل هنطلع برة البلد علشان نخرج من الدائرة اللى أصبحت مصر كلها جوها

واحد ماشى على الشمال بسرعة بطيئة أنا بكون مستنفر الموضوع دة لكن مجيش وراة وأقعد أدى كلكسات الا لو الطريق مقفول وما مفيش مكان على يمينة
لو فى مكان على يمينة هعدى وأكبر دماغى لآن العالم اللى من النوع دة مش بتفكر خالص وممكن وما ينفعش معاها الكلام
الا لو أنا كمان كنت بلطجى أو رتبة فى الشرطة أو ليا قرايب رتبة فى الشرطة فى الحالة دية هعرفة غلطة فى الآول بالزوق ما نفعش يبقى بالعافية وساعتها هكون عندى أستعداد لآن معايا سلطة وهى دية اللى تنفع مع العالم البلطجية وسواقين الميكروباص واللى مش بيفكروا صح .

غير كدة الآحسن أحترم نفسى وما أعصبش نفسى طالما المواضيع ممكن الواحد يكبر فيها دماغة ودة هو الغالب

أما الحالة الوحيدة اللى ممكن الواحد يخرج عن شعورة فى حالة أن واحد هو اللى يحتك بيك ويقل أدبة أو يخبط عربيتك وما يعترفش بغلطة ساعتها الواحد هيضطر يتخانق معاة غصبن عنة بدون كنترول للدفاع عن النفس وعن العربية

الحاجة المهمة والخلاصة وهى :

عند الخروج من المنزل عليك بقراءة دعاء التوكل على الله
" بسم الله توكلت على الله ولا حول ولا قوة الا بالله العلى العظيم "

وعند ركوب السيارة عليك بقراءة دعاء الركوب علشان ربنا يسترها معانا
" سبحان الذى سخر لنا هذا وما كنا لة مقرنيين وانا الى ربنا لمنقلبون "

وأخراج الزكاة والصدقات التى تطفىء غضب الله عز وجل والبعد عن أكل الحرام

والتقرب الى الله والسعى فى طاعة الله فى كل تعاملاتك وأقامة الصلاة والدوام عليها وخاصة صلاة الفجر قبل الخروج من البيت

أذا قام كل أنسان وأنا أولكم جميعا لآنى مقصر جدا فى التقرب الى الله بفعل كل هذة العبادات وتشغيل القرءان فى السيارة بأستمرار

فهو فى رعاية الله ومن كان فى رعاية الله فالله مولاة وناصرة ويستر طريقة ويوقف لة أولاد الحلال للمساعدة وكفى بالله وكيلا وكفى بالله ناصرا وكفى بالله ساترا لكل خطاك

والله الموفق والمستعان