الموضوع: ريحت سخونة او غليان

بس ليا سؤال انا معي نوبيرا بس في ريحت سخونة او غليان ومفيش اي مروحة بتشتغل خالص

يعنى أيه ريحة سخونه ......ووضع مؤشر الحراره مش بيثبت على النصف مثلا ...يعنى فى نصف المسافه بين الشرطه التالته والرابعه من عدد الشرط الخمسه (وأنا بأكلمك من رسمة عداد الحراره من كتالوج عربيتى وباصص على شرط الحراره )......ومستوى الميه فى القربه تمام .....يعنى مابتزودش ميه ....الا كل فين وفين .........ويمكن مابتزودتش خالص

الا لما انا اشغلها من المفاتح بتاعة التكيف هل ده طيعي ولا اية

من الطبيعى أنها تشتغل أوتوماتيك مع التكييف .....على السرعه البطيئه كما ورد بالموضوع عند طلبك لتشغيل التكييف........لأن وحدة التحكم مبرمجه على ذلك ..........حتى لو لم تصل ل90 درجه ....وده المنطقى من الشرح ولكن .....مابتقدرش السرعه البطيئه من الحد من سخونة الماء وبيستمر الصعود فى الحراره حتى 115 درجه ......هنا بقه وحدة التحكم بتروح مزوده سرعة المراوح بتشغيلها على السرعه العاليه .....وفى الحاله دى السرعه العاليه بتقدر تنزل الحراره وتتغلب على صعودها ......بتنزلها لحد112 درجه ......وبعد كده بيتم تحويل سرعة المراوح الى سرعه بطيئه ............وياريت تقوللى على وضع المؤشر بتاع الحراره بالضبط ...........

يعنى فى نصف المسافه بين الشرطه التالته والرابعه من عدد الشرط الخمسه

سورى الوضع الطبيعى بين الشرطه التانيه والتالته ....أو قريب من التالته شويه............أصلى لسه راجع من مشوار ............هههههههه

الف شكر علي الاهتمام
ريحة غليان او سخونة مش حرارة وبس زي بقيت العربيات
اما الموشر ثابت بين الثانية و الثالثة رغم اني بسافر بيها
اما المية فبزودها كل حوالي من 15 الي 20 يوم وبملي القربة للاخر
حكاة المروحة مش المفروض لما ابطل العربية وانل الاقيها شغالة ولا دة في العربيات القديمة بس

اما المية فبزودها كل حوالي من 15 الي 20 يوم وبملي القربة للاخر

ماهو ملون باللون الأزرق فى الأقتباس .....هو السبب فى تزويدك للماء ......ولو ظبطت المقاس تمام .....بحيث لاتتعدى علامة الmax فى القربه .....فلن تزود مياه .....على أساس ستترك مجال لضبط الضغط داخل دايرة التبريد

السلام عليكم
انا معايا عربيه لانوس 2004 وشاريها زيرو والعداد عامل 2300 علشان مبمشيش بيها كتير, بقالى اسبوعين بشم برضه ريحة سخونه جايه من بره لما بانزل اشم الموتور من امام الشبكه بشم ريحة السخونه دى (مش شياط). مشيت بيها بالليل وكان الجو كويس كانت العربيه سخنه من جوه ( فرام اليد والبلاستيك اللى حواليها اللى بيبقى نازل بين الكرسيين).
هل ممكن يكون العلبه الخلفيه للشكمان هيه السبب؟ بس يا ريت محدش يضحك عليا، لان فى التوكيل قالولى انها عايزه تتغير وانا كبرت دماغى.
ياريت حد من الاساتذه الكبار يفيدنا برأيه (احب اضيف ان العربيه كويسه معايا والميه مبتنقصش من القربه والحراره تحت علامة المنتصف)
وشكرا