الموضوع: للدلتاوية و بس

أهلا بيك يا عمدة معانا

كدة الشلة بقت أكبر و حتاجين همتك معانا

المشاركة الأصلية كتبت بواسطة emad1973

بص يا باشا انا من المنصورة زي ما قولت ليك
انا ليا تجربة في الاكسنت
ويا ريت كل من عنده تجربة يشارك بيها علشان تعم الفائدة للجميع
انا جايب الاكسنت بقالي سنة تقريبا عربيةظريفة بس بتحرق بنزين جامد علشان الاتوماتيك
تعرضت لمشكلة في الفتيس ودوخت علي الميكانيكة وبتوع الفتيس
وكل واحد يجرب في حاجة ونفس العيب
المهم انا بكره الصيانة في مراكز معتمدة
لله في لله
السعر غالي وسمعه مش كويسة وعمالة سكة
لكن بصراحة خفت الفتيس يخرب
توكلت علي الله ورحت مركز الصيانة المعتمد والوحيد في المنصورة خلف المرور
وهو مركز تاج
بصراحة حاجة محترمة جدا جدا
المهندس محمد تاج مدير المركز حاجة منتهي الاحترام يستقبل العميل بنفسه
وفي ثانية تلاقي احد الفنيين معاك
خدمة فورية
وهناك مهندس اسمه ناصر قمة في الاحترام
قام بالفحص بجهاز الكمبيوتر
وكان العيب بعيد تماما عن الفتيس
وتم الاصلاح في اقل من ساعة ونصف
وده يعتبر امر جيد جدا
علي اساس اني مضيع اسبوع كل يوم من اوله لاخره ومحدش فاهم حاجة
وحساب مركز الصيانة كان تمن قطع الغيار ومصنيعة معقولة جدا
بصراحة
انا والله العظيم ما في بيني وبينهم علاقة شخصية
لكن دي شهادة لله
زي ما ننتقد لازم نقول للكويس شكرا
فنصيحة لكل الدلتاوية القريبين من المنصورة
لو ربنا قدر ومحتاجين حاجة في سيارتهم يتوجهوا لمركز الصيانة ده فورا
وان شاء الله خير

الدرس المستفاد ايه
ادي العيش لخبازه ولو اكل نصه
انا رجعت علي بتاع الفتيس ولسه جاي اهزق فيه واقول له عيب طالما مش عارف قول
الراجل كلني وقالي انا معنديش جهاز وادينا بنجرب واحده واحده وكنا هنوصل اكيد للعيب مع التجربة
يعني كان كمان اسبوع تاني طاير معاه والله اعلم هيوصل للعيب ولا مش
عموما نصيحة للكل
مركز صيانة معتمد ومجرب احسن الف مرة من صنايعي يلعب فب العربية وهو لا مؤاخذة .....
وياريت نشوف مشاركات للاعضاء حتي تعم الفائدة للجميع

و لله يا باشا أنا مش عارف أزاي أحييك علي المشاركة الجميلة و المهمة أوي دي

موضوع التوكيل و الصنيعية الي برة دة بقا موضوع خطير و الكل بيفتي و لا هما فاهمين حاجة و أديك سمعت بودانك الراجل بتاع الفتايس ألك إية أدينا بنجرب يعني هو يجرب و أنت تشيل اليلة لو حصل حاجة لا قدر الله

و يا ريتها بتيجي علي أد الوقت الضايع و خلاص دي ملحوقة لكن دة بكل بساصة ممكن يطيرلك كبيوتر العربية الي يعملة 3 أو 4 ألاف جنية عشان حركة غبية عملها و يقولك يا بية دة هوة كان جاي محروق

في النهاية بس أنا حابب أكرر علي كالامك مرة تانية (أدي العيش لخبازة) مع أنو مبيكلش نصة ولا حاجة

أنت لو حسبتها صح حاتلاقي أنك كسبان لأنك بتعمل الحاجة مرة واحدة و بتطلع عشرة علي عشرة يعني وفرت وقت و فلوس مصنعية و قطع غيار و وفرت التعب و القلق من الصنيعية ال............. الي بيشتغلو في العربية علي الرصيف

و علي فكرة في مراكز كتيرة كويسة في الدلتا عندنا عندك حتي مشاركة الأخ خالد في نفس الموضوع كان حاكي عن تجربتة مع مركز خدمة في طنطا و كان مبسوط منهم جداً

معلش أنا آسف أني طولت عليكم بس أنا حبيت أعلق علي الموضوع دة لأهميتة

و شكرا ليك يا عمدة مرة تانية

المشاركة الأصلية كتبت بواسطة koli_bali

تحياتي لكل الدلتاوية

وتحية خاصة للأخ عماد على مشاركته.. وزي ما قلت قبل كده ياريت يا جماعة نخللي مشاركاتنا عبارة عن تجارب مشتركة الكل يستفسد منها.. ولازم نكون متأكدين إن فيه ناس بتاخد بمقترحاتنا وبيستفيدوا من تجاربنا حتى لو ماقلولناش..

كل سنة وجميع أعضاء المنتدى بخير ورمضان كرييييييييييييييييييييييي يييييييييييييييم

تسلم إيدك علي المشاركة الجميلة دي

و يا ريت الناس تشاركنا بتجاربها عشان الكل يستفيد

و كل سنة و أنت بخيييييير

المشاركة الأصلية كتبت بواسطة emad1973

الي كل الدلتاوية الهيونداوية
رمضان كريم
وكل عام وانتم بخير

كل عام و أنت بخييير يا عمدة و علي كل أعضاء المنتدي الدلتاوية و غير الدلتاوية و الهيونداوية و غير الهينداوية

كل سنة و شباب المنتدي بألف خير و صحة و سلامة