بنزين 90 ولا 92 للنوبيرا؟

**samourai** · 14-07-2009 12:54 PM

ياجماعه أيه أفضل بنزين للنوبيرا الـ90 ولا الـ92 علماً بأن التنك مكتوب عليها توصيه بإستخدام 90 فقط وكمان ياريت تقولولى المعدلات جوه البلد مع تشغيل التكيف على سرعه 2

**Samah AbdAllah** · 14-07-2009 02:43 PM

المقصود انك ما تحطش بنزين اقل من 90 لكن تحط 92 او 95 براحتك وفرقها فى الفلوس 10 قروش فحط 92 احسن وخلاص

**samirayad** · 14-07-2009 03:26 PM

شوف يابشمهندس سمير .....أنا أول ما أشتريت العربيه فى بداية 2007 .....كنت بأستعمل 90 .....وأستمريت على ذلك قول سنه ونصف ......وفى أحد المواضيع كنت بأتكلم مع أخونا : محمد ممدوح .......حول الصوت فى النوبيرا .....وأنتهى الكلام الى تجربة ال92 ...........وفعلا حسيت بنعومه ووفره مع 92 عن ال90 ( دا غير أن الفرق المادى فى الصفيحه حاجه لاتذكر 2 ج ) .......ومع ال92 عمر العربيه ماحتسقف من أى واحد ولا صوت الحريق يتأثر حتى لو كان لسه بيتعلم السواقه ............بجد ال 92 كويس جدا

**samirayad** · 14-07-2009 04:11 PM

ووفره ازاي يا بشمهندس سمير ؟

يعنى أنا بأحط سولار مثلا ............ووفره يعنى بيوفر معايا فعلا

انا الى اعرفه انه البنزين ال 92 بغض النظر عن فرق السعر الا انه بيتحرق اسرع

ياسعادة الباشا ....ال90 بنزين وال 92 بنزين برضه .......بس معروف فنيا أن ال92 جودته الحراريه أفضل من ال90 لأن أوكتانه أعلى ......يعنى مجرد لمسك للأكسراتير بيديك سحب أحسن من ال90 .....لأن طالما الجوده الحراريه لل92 أعلى ..........يبقى الشغل الميكانيكى الناتج من دفع غازات الأحتراق للبساتم اللى حيترجم لعدد لفات على الكرنك اكبرمن ال90 ............منطق ده ولا مش منطق......أمال ال2 اللى قبل التسعه دى بتاعة أيه ............ههههههههههه..........ماه و علشان نسبة الأكتان أعلى...........