ملاحظات على الطريق من المحلة للمنصورة

**Samah AbdAllah** · 14-07-2009 01:53 PM

من سنين وانا بسافر المنصورة وبلاحظ فى كل مرة نفس المشكلة الطريق كله من اسكندرية للمنصورة معقول ومقبول نوعا ما لكن اسوء جزء فيه هو المسافة من المحلة للمنصورة
اجزاء كتير من الطريق ده مفيهاش ولا عمود انارة واحد منور بتمشى مسافات على نور العربية بس
والكلام ده بقاله اكتر من 5 سنين ومفيش حاجة بتتغير مش عارفة هو الجزء ده تبع محافظة الغربية ولا الدقهلية ولا يمكن لسة بيتفاهموا هو تبع مين عشان يعرفوا مين هيهتم وينور الطريق

واللى زاد اوى وبشكل مبالغ فيه المطبات حاجة بجد تعصب مطبات عالية ومطبات حديد وبين المطب والمطب مطب

ياريت زملاءنا من المنصورة او المحلة يهتموا بحل المشكلة دى

انا بجد اول مرة اكره السفر للدرجة دى بقا عذاب مش تغيير جو
ربنا يكون فى عون اى شخص بيضطر للمرور بهذا الطريق وخاصة لو بشكل يومى فى اتجاهه للعمل او لاى سبب

**amrico** · 14-07-2009 05:05 PM

بصراحة كل الطرق اللي طالعة من المنصورة طرق سيئة جدا
طريق المحلة واحب ازود انه الطريق من طنطا الى المنصورة كله وحش جدا وان كان اسوأ في الجزء الخاص بمحافظة الدقهلية
طريق جمصة
طريق راس البر زي مالدكتور احمد قال

وطريق القاهرة اللي كله مطبات ومفاجأت بتطلع من القرى اللي على الطريق ولا قدر الله لو حصل حادث الناس بتعمل مطب فوري على طول

بصراحة طرق لا تليق بمدينة المنصورة

ربنا يسلمها

**M.Osman** · 14-07-2009 08:06 PM

بصراحة طريق غريب جداً ...
مش عارف اية لازمة الحديد اللي بين المطبات اللي حطينه دا ؟؟
مالوش لازمة غير انه يزود امراض العمود الفقري و تهشيم عفشة العربيات ... هو نعم المطبات مش سيئة جداً زي ما د. أحمد قال ... لكنها كتير اوي اوي... انا بصراحة بكره مشوار طنطا بسبب الطريق دا.

و ارخم حاجة بصراحة موضوع المطب اللي عند الملف دا ...
الحاجة الغريبة كمان .. عند اي كمين تلاقي الطريق "سايح" و البهوات ولا كأنهم تابعين للمرور ولا كأنهم المفروض يبلغوا مثلاً عن وجود مناطق من الطريق غير صالحة ولا اي حاجة ... هما بيشربوا الشاي وخلاص ... و سلملي عالمرور.

بصراحة كل الطرق اللي طالعة من المنصورة طرق سيئة جدا

أختلف مع حضرتك..
انا يومياً ما بين المنصورة و السنبلاوين (محل إقامتي) و الطريق يعتبر افضل طريق طالع من المنصورة ... منور على طول بالليل (بس برضه ساعات تلاقي مناطق مظلمة .. لكن الحاجز اللي في نص الطريق بيمنع الضوئ المقابل)
بس طبعاً المطبات ... حدث ولا حرج... جبال ... و مطبات بداخلها مطبات!
لكن في المجمل الطريق حلو و مريح بالنسبة لطرق تانية كتير ( في الدلتا !!)

**Samah AbdAllah** · 15-07-2009 12:59 AM

والطرق كمان جوة المنصورة ليه كل مشوار بتعمله لفة كبيرة ولا سواق التاكسى بيشتغلنى
بس انا سألت ناس كتير وقالولى ان الطرق كلها كده دلوقتى فعلا
اقصد هل تم تعديل مرورى فى خطوط السير وفى رأى المقيمين فى المنصورة هل ده فى الصالح العام

لانى كنت زمان بروح نفس المشاوير من طرق اقصر وفوقت اسرع

**pro_samir** · 15-07-2009 06:29 AM

اشمعنى دة اللى وحش ماهو دة حال معظم الطرق فى المحافظات المختلفة .. دة العادى يعنى

**Samah AbdAllah** · 24-07-2009 04:19 PM

الحمد لله
حضرتك كده طمنتنى على نفسى انا كنت بدات اقلق واشك فانى فقدت الذاكرة او جالى زهيمر ونسيت الطرق فى المنصورة كانت ازاى

بس هو حضراتكوا ليه مش بتطالبوا بتنظيم المرور والطرق شوية او ترجع زى الاول

-

-

-

-

الموضوع: ملاحظات على الطريق من المحلة للمنصورة

LinkBack

أدوات الموضوع

عرض

ملاحظات على الطريق من المحلة للمنصورة - انشر الموضوع فى :

-

-

-

-

المواضيع المتشابهه

ازاى اروح من اسكندرية للمنصورة والعكس

ازاى اروح من اسكندرية للمنصورة والعكس

الطريق من الفيوم للمنصورة

سؤال عن الطريق من دمياط للمنصورة

الكلمات الدلالية لهذا الموضوع

المفضلات

المفضلات

ضوابط المشاركة