الزحام المرورى وصل المحافظات

**Samah AbdAllah** · 14-07-2009 03:11 PM

كنت فاكرة ان الزحمة والطرق المكدس بالسيارات فى القاهرة اكتر وبعديها اليكس وبس على كده

لكن اكتشفت ان الزحام المرورى مسابش مكان فى مصر

المنصورة بقت زحمة اوى والطرق غريبة وكل ماتحب تروح مكان تلف لفة كبيرة وطويلة زيادة عن اللزوم

يمكن لان دى اول مرة اروح من غير عربية من فترة طويلة حسيت بالزحمة دى

كنت زمان تروح اى مشوار فى دقايق بسيطة ولو حبيت تركب تاكسى توقف اى تاكسى وتركب وتقوله رايح فين يوديك من غير كلام دلوقتى الوضع اتغير خالص فين وفين لما تلاقى تاكسى ولو صدفت وكان فاضى لازم تقوله رايح فين ويا يوافق يا مايوافقش
يعنى مبقتش تفرق عن اليكس او القاهرة فى اى حاجة نفس الزحمة ونفس الملل ن المواصلات ولازم عربية من غير عربية تكره نفسك

بس نفسى اعرف ايه سر اللفات الغريبة بتاعة الطرق دى يعنى عشان تروح مشوار مياخدش 10 دقايق التاكسى يلف حوالين الطريق نص ساعة دى عاوزة خريطة ودراسة عشان نعرف الشوارع يمين وشمال ونمشى ازاى

**M.Osman** · 14-07-2009 08:35 PM

بس نفسى اعرف ايه سر اللفات الغريبة بتاعة الطرق دى يعنى عشان تروح مشوار مياخدش 10 دقايق التاكسى يلف حوالين الطريق نص ساعة دى عاوزة خريطة ودراسة عشان نعرف الشوارع يمين وشمال ونمشى ازاى

لأ و المشكلة الأكبر ان مفيش لافتات تقول ان كدا اتجاه اجباري مثلا و كدا ممنوع .... هو الناس اتعودت على الإتجاهات و خلاص ... يعني الغريب عن المنصورة يتوه..

بصراحة المنصورة بقت وحشة اوي اوي ... خاصة مع الحفر اللي في كل مكان و كل شارع... :(