الموضوع: مقاطعه....مقاطعه......يالا بينا نقاطع

بسم الله الرحمن الرحيم

اخوانى الاعزاء

طبعا معظمنا ان لم يكن كلنا تابعنا او اشتركنا فى مقاطعه من المقاطعات التى دعى لها انَاس كثيرون فى الفترة الاخيرة

من اول مقاطعه الدنمارك

الى

مقاطعه السعوديه
--
سيبنا من حكايه السعوديه و خلينا فى مقاطعه الدنمارك و هولندا و ما شابه من الدول الغربيه

طيب
كلنا نعرف ان سبب الدعوه لتلك المقاطعات كانت بسبب تهجم على الاسلام او على المسلمين.
و كنا بنلاقى ايميلات مبعوته بالعبيط بها طلب المقاطعه و رسومات توضيحيه لبيان ما يجب ان نقاطعه و البديل له
من اول البيبسى الى الدودج و الجى ام
و من اول الجبنه الفيتا الى طيران klm
و كانت الدنيا بثور فى وجه اى شخص يقول ان المقاطعه مش كده او اى شئ من هذا القبيل
مااااااااااااشى
مافيش مشاكل
--
تذكرت كل ما سبق و سرحت فيه
و افقت على ما يحدث فى منطقة شينجيانغ
و بصراحه مندهش من حاجتين

لم نجد من يدعو لمقاطعة الصين
ثانيا : هذا ليس بجديد على الصين فى مسألة قمع الاقليات و خاصة الاسلاميه و استذنا احمد aif عامل موضوع يمت لذلك بصلة

طيب يعنى كتير مننا عارفين اللى بيحصل في الصين منذ زمن
و اللى ما يعرفش عرف اليومين دوول

طيب فين المقاطعه
الهبوب لنصرة اخواننا

اترك لحضراتكم الاجابه.............

و لكن ما استفدت منه شخصيا من هذا
ازدياد قناعتى بموفقى السابق من المقاطعه
الا و هو
[fot1]
قبل ما اقاطع اشوف انا واقف فين و انا ابقى مين و هابقى ايه
[/fot1]
لما غاندى قاطع الانجليز فى منتجاتهم "الملابس ساعتها"
لم يقل انا مش هاخد من الانجليز و هاخد من الصين حبابيبى او العرب جيرانا
بس صورته المشهورة التى انطبعت فى وجدان العالم ساعتها وهو يمسك مغزل بدائى ليغزل به ملابسه


المقاطعه ليست كلمه و اقاطع شهر و لا اتنين
او بالعربى الفصيح
لا اكون
كالمستجير من النار بالرمضاء "او العكس مش فاكر"
--
طيب يعنى لا اقاطع و بكده لا انصر اخواننا فى بلاد العالم؟
لأ المفروض ننصرهم
لما نشتغل كويس يبقى بننصرهم
لما نبقى كويسين فى ديننا يبقى بننصرهم
لما نخلى العالم محتاج لنا يبقى لنا كلمة مسموعة
ساعتها هانقدر ننصرهم
---------
اعتذر عن الاطاله
و فى الاخر

وجهــــــــــــــة نظر

بالضبط كده كما قال اخونا mhamza3
ننظر للموضوع نظرة مختلفه
تخيل ان تلك البلاد هى اللى قاطعتنا
"و لا تقول انها ماتقدرش تعمل كده علشان احنا سوق كبير و....و...ممكن الاستثمارات تروح اى مكان تانى امريكا الجنوبيه..........افريقيا......شر ق اوربا"

تخيل ساعتها هانعمل ايه
و تذكر حديث الرسول عليه الصلاة و السلام "فيما معناه" توشك ان تتداعى عليكم الامم كما يتداعى الناس على قصعة الاكل "مش فاكر النص بالضبط"
و مش لازم التداعى ده يكون حربى
--
حاجه تانيه نسيت اكتبها
قاطعنا امريكا
قولنا هانستعمل اوربى

قاطعنا اوربى
قولنا حبايبنا الصينين

لما نقاطع الصين
هناخد حاجتنا من مين

اختار الاجابة الصحيحه

1- مدغشقر
2-مش عايزين حاجه من حد "احنا جمهورية الانتيخ"
3-و مالهم بتوع القطب الشمالى على الاقل حاجتهم ساقعه و متلجه لسه يا دوب ببرد القطب