الموضوع: قاعدة الموتور اتكسرت

انا معايا عربية جوليت 2001 وبعد حادثة ربنا وحده اللي ستر فيها لأني اتزحلقت في زيت عربية نقل وقع منها على الطريق وكانت النتيجة اني اتخبطت في الرصيف وطبعا بسبب الخبطة ده غيرت ركبة كاملة ومقص شمال وكوبلن كامل (الداخلي والخارجي ) ومن ضمن الحاجات اللي انكسرت في العربية قاعدة الموتور الشمال وكانت النتيجة ان الفتيس مرجعش تاني زي الاول وكمان بتحصل حاجة غريبة جدا وهي ان العربية وهي بردة الغيارات بتبقى كويسة واول لما تبدي تسخن العربية تبتدي الغيارات تخرف ولما توصل لدراجة حرارة التشغيل المثالية المرشدير مبيجيش بعديها لدرجة ان الغيار الثاني ميجيش الا لو انت رفعت السوستة بتاعة المرشدير لفوق وبعدين تجيب الثاني . وروحت لكذا ميكانيكي فيرجلش الفتيس وتعد العربية مظبوطة يومين وبعدين ترجع ريما لعادتها القديمة .
فهل الفتيس له حل علشان يتظبط ؟ ؟أرجو الافادة وشكرا

أعتقد أنك محتاج .....تشيك على أستقامة وصلات النقل بتاعة الفتيس .......أكيد فيه لينك أو وصله أتأثرت من الحادث .....والصدمه أتنقلت من عمود الكبلن الشمال لكورونة الفتيس وبناء عليه أنكسرت قاعدة الموتور الشمال....وحصل أجهاد لى أو أجهاد أنحناء كما نطلق عليه bending stress على وصله من وصلات الفتيس ...........وحصل عليها أنحناء بسيط .....طبعا ده مبيظهرش العيب مع البروده الى حد ما ولكن مع السخونه بتزيد زاوية الأنحناء للوصله دى ......وبكده بتقابلك صعوبه فى عمل شوك النقل ( العقربه ) على مجموعة الغوايش المسئوله عن مراحل التعشيق ( الحقيقه أن شاكك أن ده اللى حصل عندك )