(17)
الخزان او الاوكسجين والفرق بينهما:
طبعا وظيفتهما واحده لكن هناك اختلاف بسيط:/
الخزان: عبارة عن اسطوانة حديديه فارغه يمكن تعبئتها بالمواتير.
الاوكجسين: عبارة عن اسطوانة حديديه بداخلها هواء مضغوط لايمكن تعبئتها
وانما يمكن تبديلها عند اي محل يقبل تبديل اسطوانات اوكسجين
يعني نظامها مثل نظام اسطوانات الغاز الموجودة في البيوت >> اذا انتهت بدلها.
الصوره رقم: (17) هي اسطوانة اوكسجين.
اما الصوره : (18) فهي للخزان وواضح بجانبها المواطير.
------------------------------------------------------
(18)
في الغالب السيارة تحتاج الى خزان واحد وماطور او ماطورين
وفيه اشخاص ياخذوا خزانين وماطورين كل واحد على حسب رغبته
وفيه شخص ماخذ خزان واحد واسطوانة اكسجين واحده للاحتياط .... وهكذا.
------------------------------------------------------
المقاس:
11 بار.
------------------------------------------------------
وبعد ان انتهينا من الخطوة الاولى وهي شرح قطع الايرباق .. اليكم هذه الصور النهايه
وهي تجميع القطع بالكامل وتصويرها:
--------------------------------------------------------------------------
-------------------- الان مع التطبيق --------------------
--------------------------------------------------------------------------
في الخطوة الثانية هذه وهي الاخيره راح نشرح لكم طريقة تركيب القطع مع بعضها البعض ليطلع عندنا
كت متكامل من نظام بساتم الهواء راكب على السيارة.
التطبيق مقسم الى 3 اجزاء.
بســـم الله نبـــدأ
-----------(1)-----------
طريقة تركيب الدقم " البلوف " :
اول حاجه نجيب توصيلة البلوف ونركبها في الدقم .. تابع الصور:
صورة اخرى:
معلومه هامه:
نركب توصيلتين في دقمة الدخول.
اما دقمة الخروج نركب توصيلة وحدة فقط لان المخرج الثاني مافيه داعي
لانه راح يخرج منها الهواء. والصور توضح ذلك:/
هذي دقم الدخول:
وهذي دقم الخروج :
وهذا هو التركيب النهائي للدقم:
اللي مو فاهم اللخبطه اللي في صورة التركيب النهائي للدقم .. انا راح اوريكم صورة ثانيه
راح تشرح لكم عمل نظام الايرباق بالكامل في السيارة .. واهمها:
( طريقة عمل دقم الدخول ودقم الخروج وكيفية تشبيكها وترتيبها مثل مهو موجود في الصورة -
طريقة توزيع الليات الى بساتم الهواء الاربعه - طبعا لاحظوا في الصورة ان دقم الدخول انا
مرقمها من 1 الى 4 لانها حتفيدني في تسهيل شرح طريقة تشبيك السويتشات )
علشان كذا انا مو شارح طريقة تركيب السويتشات في هذه الصوره التوضيحيه:
-----------(2)-----------
طريقة تركيب السويتشات + التسليك الكهربائي:
هذي صورة لعلبة السويتشات مع السويتشات:
الصوره التوضيحه اللي قبل صورة السويتشات
اللي هي صورة: ( رسم فعلي تطبيقي لكيفية عمل نظام الايرباق )
خلوني اشرح شرح بسيط علشان تكون عندكم معلومات قبل ما ابدأ في تفاصيل السويتشات.
اللحين الصوره التوضيحة تابعوا فيها الرقم 1 باللون الاحمر .. عملية رقم 1 هذه يكون مسؤول عنها سويتش واحد
وهو بعمله طبعا يكون مسؤول عن كفر واحد اللي هوه الخلفي يمين. اما عملية رقم 2 يكون السويتش بذلك مسؤول
عن الكفر الامامي يمين.... وهكذا
وبالامكان نجمع مثلا الرقم 1 و 2 في سويتش واحد .. وبذلك راح يكون مسؤول عن انزال السيارة جنبها اليمين
وكذلك بالامكان تجميع الرقم 2 و 3 في سويتش واحد .. وبذلك راح يكون مسؤول عن انزال السيارة من الواجهة
وهكذا.. يعني تقدر تلعب على كيفك بالسويتشات وكمان تحدد اماكنها.
<< التسليك .. او التشبيك .. اللي هو تسليك السويتشات كهربائيا >>.
عندنا ثلاث خطوات.
الخطوة الاولى:
وهو اخذ دعم الكهرباء من بطارية السيارة من هذا السلك الحراري اللي سبق وان شرحناه:
طريقة تشبيكه من اسهل مايكون ..:
كل ماعليك هو ان توصل طرفه الاول ببطارية السيارة في الـ ( + ) موجب.
تسحب الطرف الثاني من السلك وتوصله بطريقة آمنه الى الشنطه.
بعد كذا السلك الحراري هذا راح يتم توصيله مع السلك الاصفر اللي في الكيبل تبع السويتشات
راجع الصوره رقم 10 و 11 طبعا راح ينشبك في الطرف الاول من الكيبل
اما الطرف الثاني راح يتوصل الى داخل السيارة علشان نركب عليه علبة السويتشات.
الخطوة الثانية و الثالثة:
لازم نشرح الخطوتين معا ً .. علشان لو شرحنا الثانيه لحال والثالثه لحال راح يكون فيه لخطبه فعلشان كذا راح اشرحها سوا.
الخطوة الثانيه هي: تشبيك الطرف الثاني من الكيبل الى علبة السويتشات.
الخطوة الثالثة هي: تشبيك الطرف الاول من الكيبل في الدقم وهي " البلوف " والموجودة في شنطة السيارة.
شرح هذي الخطوتين في هذه الصوره .. حتى تستوعب الرسمه ابدأ من اسفل:
شرح مبسط على هذه الرسمه:
الان تابعوا الرسمه من اسفل تجدون سلك اصفر وهو السلك الحراري اللي زي ما قلنا انه جاي من بطارية السيارة
اول ما يشرف شنطة السيارة على طول بنشبك في الطرف الاول من الكيبل في السلك الاصفر.
بعد كذا راح يكون السلك الاصفر ممتد وخارج من الطرف الثاني من الكيبل اللي المفترض يكون داخل
السيارة , بعدها تابعوا طريقة واماكن تشبيك الاسلاك في السويتشات.
معلومه هامه جدا:
الان هذا السويتش الواحد اللي يسمونه ابو ثلاث رؤوس .. هذا يعني له مهمتين رفع وتهبيط كفر واحد فقط
صحيح ممكن لما تستعرض ممكن تضغط زرين معا ً علشان تنزل جنب كامل من السيارة .. لكن لما تاخذ لك
سويتش من ستة رؤوس زي ما ذكرناها سابقا في الشرح راح يريحك ويكون سويتش واحد ينزل لك جنب كامل
سواء كان الايمن او الايسر او من قدام او من ورى.
بعد كذا لاحظوا في تشبيك البلوف .. جزء منها راح يكون موصل بالموجب اللي هو جاي من السويتش
والجزء الاخر راح يكون سالب او مايعرف بالـ ماس.
وبكذا انتهينا من تطبيق الاجزاء التحضيريه لكت الايرباق .. باقي لنا آخر جزء. وهو /
-----------(3)-----------
طريقة تركيب البساتم:
س: كيف اعرف المقاس المناسب من البساتم اللي راح يركب على سيارتي ...؟
ج: سؤال وجيه وجوابه من ابسط ما يكون:
كل ماعليك الذهاب الى اقرب محل تربيط سيارات مثل سعيد تكروني والعيال
وقول له فك لي مساعد واحد فقط .. جيب معاك متر وقيس المساعد.
اذا طلع معاك رقم على طول اطرحه من 5 وراح يعطيك مقاس البستم الصحيح
اللي راح يركب على سيارتك.
نضرب مثال: لو اخذنا مساعد اكورد وشفنا كم طوله فلنفرض: 20سم. تمام
اطرح من الـ 20سم - 5سم يصير الناتج = 15سم. اذا تروح لمحل بيع البساتم
وتقول له ابغى 4 بساتم طوله 15سم.
بعد هذه الخطوة .. تاخذ المساعد تبع سيارتك + الـ 4 بساتم وتذهب الى اقرب محل مخرطه
علشان يعمل لك حاجتين:
الاولى: يسن لك رأس البستم مثل المساعد علشان يركب على طول عندك دون اي توليف او تلحيم.
الثانيه: يركب لك قاعدة حديديه اسفل البستم وتكون اخرامها مثل اللي موجودة عندك في مساعد بلدها.
اذا انتهيت منها اذهب مره اخرى الى محل التربيط وخليه يركب لك البساتم.
: المدة الزمنية اللي راح تركب فيها كت الايرباق ؟
::- الادوات التحضيريه للكت تاخذ منك شراء + تركيب يوم واحد فقط.
::- تركيب البساتم ياخذ منك من يوم الى ثلاث ايام.
نصائح وارشادات:
* ياشباب نصيحه لوجه الله ابعدوا عن شغل التوليف العنيف اللي يجيب العيد في السيارة
لان بصراحه ما وراه الا المشاكل ووجع الرأس .. اتبع هذا الموضوع وبعون الله راح تنبسط وترتاح
وابشركم انه تم تطبيق هذا الموضوع كما هو على سيارة من نوع اوبترا وراح
يكون لها موضوع خاص عما قريب بالصور والفيديو.
* بقول لكم معلومه عجيبه ماراح تصدقونها ألا وهي:
كت الايرباق الموجود في امريكا واللي البعض من الشباب تورط فيه لما طلبه من الخارج على اساس
انه اصلي ومضمون .. على حسب ما سمعنا وشفنا ان الكت نصه امريكي والنص الثاني تايواني او صيني
يعني اللي راح يكون تمام في الكت اللي تطلبه من الخارج هو البساتم فقط لانها من صنع امريكا
اما البلوف والليات صدقوني اغلبها اغلبها تايوانيه تعبانه مع الوقت تعلق عليك وتبتلش فيها
لكن مو معناة كلامي هذا ان جميع الكتات اللي في الخارج مضروبه ... لا ... فيه اشياء
حلوه وطيبه وتعيش معاك بس سعرها شوي غالي لكن في الاخير انتبه لما تطلب كت
لازم تتاكد من جودته ومن جميع قطعه انها اصليه.
تم بحمد الله وارجوا تكونوا استفدتم فعلا
.................................
المفضلات