كاوتش السيراتو عمل كاللو أجيب الفردة دي منين

عرض للطباعة

14-07-2009, 04:43 PM
Ahmed Samy

كاوتش السيراتو عمل كاللو أجيب الفردة دي منين

طبعا مش لوحده كده ....

أنا لبست بيه حفرة محترمة من يومين

بس محترمة محترمة

انا سمعت الرزعة ..قولت الحمد لله اشترينا جنط جديد أو مساعد جديد

بس لاقيتها ماشية تمام و ما اتكلمتش

كملت مشاويري في القاهرة و روحت بلدنا المنصورة و انا باركن في الجراج نزلت أشيل طوبة كده جنب العجلة ....

لاقيت كللو كميل سغنن كده بيضحك في وشي

طيعا الفردة كده ما تنفعش

نزلت أسأل عليه

size 215 /45 R 17

لاقيت في منها فييتنامي ب 360 جنيه و نقشه غير بتاعتي

و قاللي الكومهو الكوري هاييجي قريب و لسه السعر ما تحددش

ايه رأيكم أرفعها استبن و أنزل ضغطها و خلاص ؟؟؟

ولا حد يعرف سكة فردة كوري و ياترى السعر كام

45 يا مفتريين !!!؟؟؟ 45 ؟؟؟:H_angry[1]:
14-07-2009, 04:56 PM
medo980

السلام عليكم ورحمة الله وبركاتة
قدر الله وماشاء فعل ماتزعلش نفسك يا باشا نصيحة نزل الأستبن لو كويس وجديد والعجلة الى فيها كاللو دى ركبلها داخلى و خليها اسبن
14-07-2009, 05:07 PM
Ahmed Samy

ما فيش داخلي 17

وحتى لو فيه ...أخاف اركبه لأني ساعات بامشي بسرعة في السفر

شكرا للنصيحة
14-07-2009, 05:18 PM
AHMED REFAT

قدر الله وما شاء فعل والحمد لله عز وجل انها جت على قد كده .. ممكن يا اخى العادل تخليها استبن فى الوقت الحالى وبمجرد حصولك على الكاوتش الجديد بعد توفره تحطه مطرح ابو كلكيعه ده وتخليه استبن ويبقى الاستبن بتاعك لسه ما نزلش الارض برضه .. ونصيحتى التمهل لحين توفره لانك حتى لو وجدته الان ستجده باسعار عالية لطبيعة استغلال الناس طبعا ... ربنا يوفقك الى كل ما يحب ويرضى ان شاء الله
14-07-2009, 05:21 PM
Eng.Sameh

بسيطة يا دكترة ولا تزعل نفسك ... معلش محدش بيسيب حد في حاله اليومين دول ،
أنا رأيي أنك تركب الأستبن ، وتخلي دي استبن مؤقتا لحد متلاقي كاوتش اخو بتاعها الأصلي .. وربنا يجعلها آخر الأرّات
14-07-2009, 05:51 PM
EslaM_NagY

طب ما تنزل الاستبن وتشترى اى عجلة كويسة وتخليها هى الاستبن ؟؟؟؟
14-07-2009, 06:01 PM
Ahmed Samy

اقتباس:

المشاركة الأصلية كتبت بواسطة ahmedrefatzm

قدر الله وما شاء فعل والحمد لله عز وجل انها جت على قد كده .. ممكن يا اخى العادل تخليها استبن فى الوقت الحالى وبمجرد حصولك على الكاوتش الجديد بعد توفره تحطه مطرح ابو كلكيعه ده وتخليه استبن ويبقى الاستبن بتاعك لسه ما نزلش الارض برضه .. ونصيحتى التمهل لحين توفره لانك حتى لو وجدته الان ستجده باسعار عالية لطبيعة استغلال الناس طبعا ... ربنا يوفقك الى كل ما يحب ويرضى ان شاء الله

انا مش عايز امشي باستبن تعبان بس ماتعودش على كده

بس هاعمل ايه شكلي هاستنى لما ينزل و أمري لله

اقتباس:

المشاركة الأصلية كتبت بواسطة justs

بسيطة يا دكترة ولا تزعل نفسك ... معلش محدش بيسيب حد في حاله اليومين دول ،
أنا رأيي أنك تركب الأستبن ، وتخلي دي استبن مؤقتا لحد متلاقي كاوتش اخو بتاعها الأصلي .. وربنا يجعلها آخر الأرّات

ما أنا شكلي هاعمل كده يا هندسة ....

و قرة ولا مش قرة ...ربنا ستر

انا افتكرته الجنط والله و افتكرت اخواننا بتوع الميجان على طول

الحمد لله

اقتباس:

المشاركة الأصلية كتبت بواسطة eslam_nagy

طب ما تنزل الاستبن وتشترى اى عجلة كويسة وتخليها هى الاستبن ؟؟؟؟

مش هاعمل كده لسبب
انا مش من هواة كلمة الاستبن اللي مالمس الأرض و مش حاسس انها ميزة

انا بادور العجل دايما كل عشرة أو سبعة ألاف كم و أغير الخمسة مع بعض (في غير وجود حوادث أليمة زي اللي احنا فيها دي) ...

لازم فردة الاستبن تكون أخت العادية
14-07-2009, 06:21 PM
M.ABDEEN

جت سليمة يا دكترة والله يعوض عليك وانا راي انك تخليها استبن ........
اكيد اللي شافها مكنش بيحسدها كان بينق عليها بس ؟؟؟؟؟ بس اكيد عملت كشف عليها ودفعتها كتير وقولتلها عايزة عملية ....علشان كده زعلت وزعلها وحش بس اوعى تنسى الفوطة جواها بعد العملية .......... ههههههه انا بهزر معاك
14-07-2009, 06:25 PM
ahmed_su

الف سلامة على السيراتو يا دوك .... ربنا يجعلها اخر الاحزان

انسب حل انك فعلا تشتغل بالاستبن وتخلى الفردة دى هى الاستبن

لحد ربنا مايكرم بكوتش بنفس النقشة الحالية ...
14-07-2009, 07:10 PM
NaderNabil

لو الإستبن نفس المقاس...يبقي نزله...و خلي أبو بقليلة إستبن....
البقليلة بتمشي عادي مافهاش مشاكل...بس أهم حاجة ماتجريش بيها أو تنزل بيها في حفر بعنف...

اللي انا فاكره و شوفته ان السيراتو بتنزل بهانكوك صيني...ده بالنسبة للسيراتو القديمة و الجديدة بس الجنط ال 16...مش عارف ال17 نفس الكلام ولا حاجة تانية

معلش يا دكترة....تتعوض ان شاء الله :)
15-07-2009, 02:56 AM
theking2690

اهم حاجه انك بخير يا دكتره و الحمدلله انها جت على قد الكاوتش و متنساش اللى قولتهولك بقى و ربنا يجعلها اخر الحفر بإذن الله
15-07-2009, 04:27 AM
Ahmed Hassan

ابو حميد حبيبي... المقاس ده نفس اللي عندي في السوبارو. الاستبن هوه الحل و خلي الفرده ام كالو استبن. الروتيشن اعمله للاربع عجلات اللي راكبين و تشيل الاستبن منه لانه كده استبن بس< و على فكره المفروض تعمله كل ٥٠٠٠ كيلو مش ٧ او ١٠

لما تدوب الكاوتش ده قولي و هقولك تجيب ايه. انا خلاص بقيت خبره في موضوع الكالو ده :S_thum1[1]:
15-07-2009, 05:26 AM
kareem_aljamal

ولا يهمك ربنا يسهل و تكون عين الحسود جت في الكاوتش بس

انا حاسس اني عارف اللي حسدك
هقولك بعدين بيني وبينك:3mla:
15-07-2009, 11:25 AM
Ahmed Samy

إذا ...

هي استبن يا سادة قريش

سأعمد اليها اليوم و تالله لأفعلن بها تلك الفعلة و لأجعلنها استبنا تتحدث عنه القوم .

يا أحمد يابن الحسن ...

انني ببورسعيد لزوال الشمس ..علني أراك يا أخ العربي.

يابن الجمل ..دلني عليه و لأقتلنه و أفديه بفردة
15-07-2009, 12:21 PM
CryptonX

احمد باشا سقلتلك على المقاس ده هنا جنبنا لقيت نوع واحد بس
بيريلي ايطالي 690 جنيه مصري

بس مش عارف حاسس انه سعر قليل على 17 علشان انا لسة شاري ال 16 بس تركي بريلي ( مش ليا ) كان ب 600
15-07-2009, 01:48 PM
EZABY

انا مشتري الكومهو الكوري للسيفيا من محل اسمه افريقيا في شارع احمد عرابي المهندسين لو بتروح هناك وعاوز تفاصيل اكتر ابعتلي
16-07-2009, 03:02 AM
Ahmed Samy

اقتباس:

المشاركة الأصلية كتبت بواسطة cryptonx

احمد باشا سقلتلك على المقاس ده هنا جنبنا لقيت نوع واحد بس
بيريلي ايطالي 690 جنيه مصري

بس مش عارف حاسس انه سعر قليل على 17 علشان انا لسة شاري ال 16 بس تركي بريلي ( مش ليا ) كان ب 600

لأ يا كرابانتس هههههه

البريللي ده مع طلعة البريمبو و الـo.z
دلوقتي خلينا كومهو

اقتباس:

المشاركة الأصلية كتبت بواسطة ezaby

انا مشتري الكومهو الكوري للسيفيا من محل اسمه افريقيا في شارع احمد عرابي المهندسين لو بتروح هناك وعاوز تفاصيل اكتر ابعتلي

أكون شاكر لو اديتني تليفونهم
16-07-2009, 03:42 AM
KHALED AYMAN

0109397957
استاذ عبد الباسط
مندوب مبيعات فى شركه ارابكوم
اعتقد انه وكيل كومهو الو المستورد بتاعه
و لو معندوش هيقولك تلاقيه فين ...
و مبروك يا دوك ولو انها متأخره مووووووووت بس غصب عنى بسبب غيابى فتره عن المنتدى ....
و ربنا يعوض عليك ..
الموضوع ده كان حصل عندى فى الاسترا (الله يمسيها بالخير) و غيرت الفرده ....
16-07-2009, 03:41 PM
EZABY

اتفضل ياأحمد بيه
المركز الافريقي
22 ش أحمد عرابي المهندسين
33037332 / 33040658 / 33444899
دي التليفونات والعنوان من على الكارت بتاعهم
16-07-2009, 04:03 PM
Ahmed Hassan

اقتباس:

المشاركة الأصلية كتبت بواسطة ahmed samy

إذا ...

هي استبن يا سادة قريش

سأعمد اليها اليوم و تالله لأفعلن بها تلك الفعلة و لأجعلنها استبنا تتحدث عنه القوم .

يا أحمد يابن الحسن ...

انني ببورسعيد لزوال الشمس ..علني أراك يا أخ العربي.

يابن الجمل ..دلني عليه و لأقتلنه و أفديه بفردة

انا مشفتش المشاركه غير دلوقتي يا ابو حميد. معلش التبليغ بالمشاركات مكانش شغال. و بعدين بكلمك تليفونك مقفول!! انته غيرته مع العربيه و لا ايه؟!!
16-07-2009, 04:34 PM
raed badr El Kelany

قدر الله وما شاء فعل والحمدالله انها جت على كده وربنا يسترها معان جمعيا
19-07-2009, 04:01 PM
Mr_MoMo

بصصصصصصصصصصصصصص لو الجنط نقس النقشخه حطو و اخلص ....الاستبن يعني.....
19-07-2009, 04:15 PM
Ahmed Samy

شكرا خالد

شكرا يا عزبي

ابو حميد ولا يهمك انا فعلا تليفوني اتغير و هابعتهولك على الخاص علشان يمكن اجي تاني و عايز اشوفك .

مستر مومو انا فعلا نزلت الاستبن على ما اجيب فردة تانية قريب ان شاء الله

شكرا لكم كلكم يا احسن ناس
25-07-2009, 04:56 AM
mo7a_mo7a

دكتورنا

لا يخفي عليك ان الكوتش هو خلقة الوصل بيت اي سيارة والطريق وكفاءته عامل اساسي في ثبات وامان السيارة ويعتبر اهم من اجزاء كتير في السيارة
اتا لو مكانك مش حخاطر وحستبدله في اقرب فرصة رغم كونه استبن حاليا
لان الظروف لو اضطرتك لاستخدامه لاقدر الله حتكون ماشي قلقان..دا غير ان الطريق اللي يبوظ فردة سليمة مش حيكون احن علي الاستبن ابو كالو

قدر الله وما شاء فعل

تحياتي
25-07-2009, 03:48 PM
Ahmed Samy

انا كل اللي معطلني المشوار بس

انما لو وكيل كومهو عندنا جابه هاغيره على طول

شكرا لاهتمامك يا صديقي
25-07-2009, 04:19 PM
أحمد كمال

اقتباس:

المشاركة الأصلية كتبت بواسطة ahmed samy

انا كل اللي معطلني المشوار بس

انما لو وكيل كومهو عندنا جابه هاغيره على طول

شكرا لاهتمامك يا صديقي

وكيل كومهو فين؟

انا ممكن اشتريها و ابعتهالك شحن للمنصورة مش هتكلفك 10 جنيه شحن بالكتير .....
25-07-2009, 05:12 PM
Ahmed Samy

ماتحرمش منك

والله هاسأل عليها النهاردة عندنا (عندنا تاجر كومهو كبير) هو المفروض تكون الفرد الكوري وصلت .

ولو الموضوع وقف أكيد هاكلمك

ماتحرمش منكو
26-07-2009, 02:20 AM
ENG\AHMED

اقتباس:

المشاركة الأصلية كتبت بواسطة Ahmed Samy

ماتحرمش منك

والله هاسأل عليها النهاردة عندنا (عندنا تاجر كومهو كبير) هو المفروض تكون الفرد الكوري وصلت .

ولو الموضوع وقف أكيد هاكلمك

ماتحرمش منكو

فى اسوأ الظروف لو ملقتش نفس النقشة هتركب الاستبن مكان الفردة دى
والفردة دى تغيرها بأى نقشة ويفضل انها تبقى قريبة من النقشة الاصلية وتسيبها استبن
كتالوج العربية هتلاقى فية طريقتين ل rotation واحدة داخل فيها الاستبن والتانية من غير استبن
26-07-2009, 02:43 PM
Ahmed Samy

اقتباس:

المشاركة الأصلية كتبت بواسطة eng\ahmed

فى اسوأ الظروف لو ملقتش نفس النقشة هتركب الاستبن مكان الفردة دى
والفردة دى تغيرها بأى نقشة ويفضل انها تبقى قريبة من النقشة الاصلية وتسيبها استبن
كتالوج العربية هتلاقى فية طريقتين ل rotation واحدة داخل فيها الاستبن والتانية من غير استبن

شكرا لاهتمامك يا باشمهندس

بس انا عايز فردة زي اللي فيها ولو هاستني اسبوع

انا عايز ادور الخمسة مع بعض

شكرا ليك مرة تانية
26-07-2009, 03:23 PM
ENG\AHMED

اقتباس:

المشاركة الأصلية كتبت بواسطة ahmed samy

شكرا لاهتمامك يا باشمهندس

بس انا عايز فردة زي اللي فيها ولو هاستني اسبوع

انا عايز ادور الخمسة مع بعض

شكرا ليك مرة تانية

شكرا على اية يادكتور انا معملتش حاجة :)
طبعا لو نفس النقشة احسن بس انا بقولك فى اسوأ الظروف لو ملقتش
01-08-2009, 05:28 PM
Ahmed Samy

الحمد لله ..

هانزل النهاردة اشوف فردتين ....

http://1.1.1.2/bmi/img19.imageshack....4/47072617.jpg
04-08-2009, 08:16 PM
fars777

مش عاوز اقلقك يا ابو حميد لكن انا كنت من يومين عند الباشمهندس نجاد علشان املا العجل نبتروجين وسألته على سعر الفرده البريدجستون زي اللي راكبه عندي في السيراتو اللي هي نفس المقاس بتاعك قالي 1250 جنييييييييييييييييه.

أوعى حد يضرب...!