لا أنكر على مجدي يعقوب مصريته ولا أحد يقول أنه لهث وراء التجنس ..
بل الإنجليز هم من وسموه أعلى رتبهم حرصا منهم عليه و على نبوغه
انا قصدت ماقصدت حرفيا ولا اقصد انكار انه مصري كشخص
لو قمنا بتعديل بسيط فى مشاركة حضرتك قبل السابقة مع استخدام نفس النص بالحرف سينطبق نفس الكلام على شخص اخر شبع كثيرا من الفخر الذى قدمه له بنى وطنه و لم ينله احد اخر رغم ان الجائزة التى حصل عليها لم يكن لاحد من بنى وطنه فضل فيها و انما تنسب لغيرهم ايضا الذين احتضنوه و اتاحوا له الامكانيات حتى تجنس ايضا بجنسيتهم، ولنر معا من هو...... مع ملاحظة ان هذا العالم الكبير لم يقدم شيئا يذكر لبنى وطنه حتى الان، وحتى فكرة المدينة العلمية العالمية التى اعلن عن انشائها فى بلده الاصلى- مصر- بعد حصوله على الجائزة العالمية، لم و لن ينشأها حتى الان ببساطة لان الفكرة احتضنتها دولة اخرى هى قطر و اعطته اعتماد و قدره مليار دولار لانشائها وهى منحة لن يستطيع بنى وطنه اتاحتها له.......
"مش عارف والله ..
بس حضرتك عايز تنسب الرجل بعلمه و مركزه المرموق لمصر ....
و مشاركتك بتوضح انه لو كان فضل "مصري" كان زمانه بتاع زي كل البتوع اللي لابسين أبيض في أبيض و ملقحين في المعامل و المراكز البحثية (التعبانة بتاعتنا) ...
البروفيسير احمد زويل العالمي ..هو امريكى الجنسية
امريكا هي من شجعته و احتضنته و رقته و أحسنت إليه ليحسن هو إليها ويضيف لها
مش بعد كل ده تقول حضرتك عليه "مصري"
المصري هو خريج العلوم "علمى" زي ما بنسميه..احمد زويل اللي ولا كان ليه قيمه وكان من تلاتين أربعين سنه كده ...
الطبيب المصري العالمي مثلا ...محمد غنيم ..استاذ مصري تعلم وعاش في مصر و عمل و درس و ترقى بمصر و ابتكر و علم العالم من مصر ....
تخيل لو كان قبل عروض أوروبية من زمان ...تفتكر كان زمانه إيه دلوقتي هو كمان
عموما هو الله يكرمه و يزيده مش محتاج بره ولا جوه
بس النقطة ان احمد زويل بشكله الحالي هو نتاج منظومة التعليم العلمى الامريكى ومن غير العدل ان نسلبهم رجلهم وننسبه لمنظمة مصرية حكمت عليه بأنه لا يصلح عالما .."
حضرتك خلطت ورقتين ...
ورقة اننا ننسب الرجل للبلد الصانعة لحضارته و مجده الحالي ...وده مشترك في زويل و يعقوب
وورقة الشعور بالانتماء و خدمة الوطن الأم "خدمة وليس رد جميل" وهو ما يتفوق فيه يعقوب بشكل قاطع
الورقة الاجمل هى ان تظل وفيا لبلدك الاصلى حتى لو اساءت اليك و سببت لك اذى متعدد النواحى فى بداية حياتك و ظلمتك و لم تعطك حقك المشروع تقديرا لتفوقك....... وهو اجمل ما فعل مجدى يعقوب، وهو ما يعطى اعماله الخيرية فى مصر قيمة مضاعفة و تميزا عما يفعله غيره، اذا كان غيره قد فعل شيئا من الاساس...... لعل الحكمة القائلة "لا يغلبنك الشر بل اغلب الشر بالخير" هى ما داوته نفسيا من الاذى الذى تسبب فيه من ظلموه فى بداية حياته.......
لو كان زمانه فى مصر كان اخره بيعمل مظاهرة و لا اعتصام
علشان يلاقي ياكل او يفتح عيادة باضعاف الثمن و يمص دم الناس
+999999999999999999
ماهى اللى بيتعمل ده برضوا من البلد اصلا واحد شغال 12 ساعه وطالع عينه فى الشغل وفى اخر الشهر ياخد 100 200 جنيه !!!!!! واحد يهدوا بيته ويقولوله مالكش عندنا حاجه
اكتر سلطه تلاقيهم محترمين ومابيمدوش ايديهم وناس كويسه بجد بتوع الحرس الجمهورى وبتوع الجيش عارفين ليه
عشان ماليين عنيهم مش مخليينهم محتاجين لحاجه ومعيشينهم اجمل عيشه وكل اللى بيعوزه بيلاقوه اكتر من كده مش مهم بقى اذا كان مهندس ولا دكتور ولا غيره وغيره
ماتفرحوش بالمناصب بكره ربنا يحاسبكم علينا نفر نفر ومش بنى ادميين بس وحيوانات كمان
مش عارف الناس دى بتنام ازاى وحوادث شغاله 24 ساعه وناس بتموت وناس بتموت من الجوع وناس بتسرق وناس تقتل ربنا مايحكم علينا نكون من اصحاب المناصب :mahf(5):
انجح المصريين اللى نجحوا برة بجدارة
كانوا متضهدين فكريا وثقافيا وتقديرى من العقول المتحجرة اللى غالبة الانسان البدائى
والبلد هتفضل كده لطول العمر وهتلى حد نجح بشرف فى البلد ده
جزيل الشكر لكل من جد واجتهد
جزيل الشكر لكل من احتضن ورعى موهبة ونبوغ المجتهدين
وجزيل الشكر لكل من قدر من ابناءه واعطى هذا البلد المسكين الظالم اهله
أسوان - محرر مصراوي - أعلن الجراح العالمي الدكتور مجدي يعقوب عن إنشاء أكبر مركز عالمي للأبحاث والتدريب والعلاج فى مجال أمراض القلب بمدينة أسوان الجديدة والذي سيضم أكبر مدينة علاجية متكاملة لتقديم الخدمات الطبية والإنسانية لغير القادرين بالتعاون مع المؤسسات والمراكز المصرية والعالميةالمتخصصة فى هذا المجال.
وقال يعقوب خلال المؤتمر الصحفى الذى عقده الإثنين بمركز القلب بمستشفى أسوان التعليمى: "إن المركز الجديد سيحقق شراكة حقيقية لتطوير وتدريب الكوادر المصرية المؤهلة"، لافتا إلى أن إنشاء المركز يتوازى مع إقامة مركز القلب المتميز بمستشفى أسوان التعليمى لخدمة المواطنين بصعيد مصر وأفريقيا بتكلفة إجمالية 40 مليون جنيهبمساهمة من وزارة الصحة ومؤسسة سلاسل الأمل الإنجليزية التى يرأسها مجدى يعقوب.
وأضاف أنه من المقرر أن يقوم خلال الأسبوع القادم بعقد لقاء مع الدكتور أحمد نظيف رئيس مجلس الوزراء والدكتور أحمد زويل والدكتور فاروق الباز يتم خلاله مناقشة أخلاقيات البحث العلمى ، مؤكدا أنه سيتعاون مع الدكتور أحمد زويل الحائز على جائزة نوبل فى العلوم لعمل الصدمات القلبية باستخدام "النانو تكنولوجى ".
وأشار يعقوب إلى أنه سيتم البدء فى استخدام علم الجينات فى مصر فى الحالات التى تتعلق بهذا المجال بعد أن تم استخدام هذا العلم فى بريطانيا ، مشددا على ضرورة توفير الدعم المعنوى لتعميق الانتماء لدى المواطنين وتحفيزهم على مثل هذه المشروعات الطبية .
وعلى جانب آخر ، أجريت الاثنين بمركز القلب المتميز بوسط أسوان 6 عمليات جراحية للقلب المفتوح بواسطة فريق طبى برئاسة الجراح العالمى الدكتور مجدى يعقوب.
المصدر: وكالة انباء الشرق الاوسط
http://www.masrawy.com/News/Egypt/Po.../21/heart.aspx