ست قطع بحرية عسكرية اسرائيلية تعبر قناة السويس تتقدمهم المدمرة ايلات

**mahfouz1983** · 14-07-2009 05:17 PM

عبرت 6 قطع بحرية عسكرية إسرائيلية قناة السويس الثلاثاء قادمة من ميناء حيفا الاسرائيلي على البحر المتوسط في اتجاه البحر الاحمر.وشملت القطع البحرية المدمرة ايلات - التي تحمل مدرعات ومشاة - والمدمرة حانيت - حاملة صورايخ - و 4 قطع بحرية اخرى.
وتشارك هذه القطع البحرية في مناورات عسكرية بالاشتراك القوات الامريكية فى البحر الأحمر.
وقال مصدر امنى فى الإسماعيلية لمصراوي ان المدمرة ايلات عبرت قناة السويس من الإسماعيلية باتجاه السويس الساعة الواحدة ظهراً.
وخلال وجود ايلات فى المجرى الملاحى للقناة بالإسماعيلية وتحديدا بالقرب من المعدية رقم 6 استقل المدمرة 4 عسكريين امريكيين قادمين من القاهرة براً.
واستقل العسكريون الامريكيون المدمرة ايلات عن طريق لنش تابع لهيئة قناة السويس وسط حراسة امنية مشددة.
واكد مصدر ملاحى أن القطع الست سددت 1.5 مليون دولار رسوم عبور القناة.
لكن كافة قيادات قناة السويس التزمت الصمت ورفضت التعليق على عبور القطع البحرية الإسرائيلية.
جدير بالذكر ان المدمرة ايلات سبق تدميرها على ايدى قوات مصرية خاصة فى ستينيات القرن الماضى.
وخلال الأيام الماضية أكدت مصادر إسرائيلية عبور الغواصة النووية الإسرائيلية دولفين قناة السويس للمشاركة فى مناورات عسكرية
مع القوات الامريكية فى البحر الأحمر وهو ما نفت مصر

اعتقد ان احنا عارفين القطع البحرية دي رايحة فين ولمين مش حرام علينا نضرب دولة مسلمه وشعب مسلم احنا نعتبر مشتركين في الاجرام الدولي

**mobitic** · 14-07-2009 06:02 PM

للأسف مش هينفع نضربها تانى
لأننا بقينا أصدقااااااااااااااء وسلملى على الخيار الإستراتيجى :b4_611: والخيار المخلل بالمرة

**أحمد سالم** · 14-07-2009 06:31 PM

القطع الست سددت 1.5 مليون دولار رسوم عبور القناة.

هى فلوس قناة السويس بتروح فين مادام الدخل بتعها عالى للدرجه دى
انا عايز حقى فى القناه
اما بالنسبه لموضوع المرور ده مش بمزاجنا
ولو اعترضنا دولة زمبائيل على رئى ابو حفيظه
هتشق قناة ليها وتاخد مننا الزباين
ومش هنقدر نتكلم

**M.almaghraby** · 14-07-2009 06:36 PM

مش فاهم ليه مش بنشارك فالمناورات معاهم بقا.....!

**HAMZAWY** · 14-07-2009 08:32 PM

بكرة افكركم
هنسمع قريبا جدا عن اشتراك القوات المسلحة المصرية مع القوات الاسرائيلية فى عمليه وحتبقى ضد بلد عربية انا عارف ان كلامى ده جنون بس ده اللى باين

**MohaMed_Refaat** · 14-07-2009 08:35 PM

برجاء عدم التطرق الي امور من شانها غلق الموضوع
او تطبيق عقوبات
برجاء ضبط النفس
شكرا لتفهمكم
مشرف عام 1

**sab3aawy** · 14-07-2009 08:41 PM

المشاركة الأصلية كتبت بواسطة mahfouz1983

وقال مصدر امنى فى الإسماعيلية لمصراوي ان المدمرة ايلات عبرت قناة السويس من الإسماعيلية باتجاه السويس الساعة الواحدة ظهراً.

جدير بالذكر ان المدمرة ايلات سبق تدميرها على ايدى قوات مصرية خاصة فى ستينيات القرن الماضى.

يظهر ان الدماغ اللى انا عاملها عاليه اوى .يعنى هى المدمرة عبرت القناه من العالم الآخر الى عالمنا يعنى وللا ايه؟

**Terrible_DaRsH** · 14-07-2009 08:55 PM

حكمة : فى مصر كل شيء وارد .

بس هما صلحوا ايلات تانى ازاى بعد ما اتدمرت ؟ :) و لا عملوا واحدة تانية و سموها ايلات :) ؟؟

**Mzeid** · 14-07-2009 09:02 PM

هي مش إيلات ماتت يا جماعة ..

إيه بقى اللخبطة دي ..

**WalidAdel** · 14-07-2009 09:06 PM

و الغريب و العجيب ان جميع مصادر مصر الامنيه بتقول لمصراوي بس مش لحد تاني مع احترامي لصاحب الموضوع طبعا بس انا مش بتثق في مصراوي دا خالص ولا حتي في اخباره و بعدين المدمره ايلات دي غرقت و لاهما انتشلوها و صلحوها تاني بس انا اشك لان المدمره دي وزنها ضخم اوي و مافتكرش ان في معده مهما كان حجمها ممكن تنتشلها من الميه تاني علي ماظن يعني