الاشارات يا بشر!!!!

**speed demon666** · 15-07-2009 10:15 AM

حضرتك بتتكلم على الشارات بس!!!!!
دي حاجة انا اتعودت عليها انا بحاول اتوقع كل واحد امامي هيروح ازاي
بس في حاجات افظع من كده .... عندك مثلا و دي مش بتخنقني بس دي بتعفرتني ان واحد قافل المرايات الجانبية قال يعني الواد أذكى من اللي صنعو ا العربيه
و عندك اللي بيشوف الاشارة اللي في الميادين و يكسرها و يبقى زعلان انك واخد طريقك ... مرة في المعادي من كام يوم كنت واقف في الاشارة الجديده اللي حاطينها في ميدان فونتانا و الاشارة حمرا الناس عمالة تزمر و انا واقف عادي جدا و اللي ورايا هيتجنن روحت مشاور على الاشارة و سكت ... جت الاشارة فتحت و طلعت لقيتلك واحد بياريس كاسر الاشارة وداخل بسرعة ولا كأن في ميدان ولا اشارة و زعل و قعد يشتم و يزعق رحت من جوة العربية مشاور على الاشارة و سايبو و ماشي

الناس بقت تعمل الغلط و مقتنعة انو صح

حاجة تخنق بجد

**evoo90** · 15-07-2009 11:24 AM

عاااااادى جدا جدا هى دى مصر يا عبله أأأأأ قصدى ياجماعه
انا كنت مره ماشى فى شارع النصر ماشى فى وسط الطريق وفى عربيه قدامى عايز اعديه اقلب نور الاقيه ادالى اشاره يمين اجى اعدى من شماله الاقيه بيرمى على الشمال عشان يدخل u تيرن كبست فرامل كنت هركب الرصيف و أوووووووف ياحمااااااااار لقيت درفه نازله من العربيه وبيقولى ايه ياأستاذ ومش اى صوت بقى قولتله لا ولا حاجه ده انا بشتم نفسى اصل انت مدينى اشاره يمين وانا دخلتلك شمال يبقى حمار ولا لا لقيته ضحك وقالى معلش ياأستاذ اصل الدراع بيعلق
يعنى ايه الدراع بيعلق يعنى ادى اشاره يمين تنزل شمال وادى شمال تنزل يمين رحمتك ياااارب
لو بتحبوا ربنا اهتموا بالأشارات عشان مانتعصبش على حد ونضرب فى الاخر هههههههه

**El Prince** · 15-07-2009 12:55 PM

مع انى بسوق من زماااان , لكنا بمشى بالاشارات و بالعقل , حتى لو مفيش حد ورايا لانى متعود أحاول دايماً أعمل الصح ..
تلاقى الناس بتبص باستغراب !!

ربنا يرحمنا و يصلح الأحوال ...