السلام عليكم و رحمة الله و بركاته
مواضيع كتير جداً إتكتبت لنقد نفسنا كشعب مصري غير متحضّر
إليكم الآتي
لي جار بنفس الطابق (الطابق 4 شقق) يمني , هو و أنا سكنّا من أغسطس الماضي
الراجل بيتواجد آخر 3 أيام من كل أسبوع لأن مصنعه ببرج العرب (إسكندرية) و ما شفتش منه غير كل ذوق
المتاعب بدأت من أول أسرته ما وصلت من اليمن للأجازة ........... صريخ أطفال منقطع النظير خاصة من بعد 11 م و طالع , من المغرب ميعاد نزولهم و طلوعهم (الأسرة بصحبة الأطفال) آخر قلة ذوق في اللعب بجرس شقتي لغاية ما زهقت و إلى حد ما بدأت مشكلة الجرس تقل .
إللي زاد و غطّا من شوية إبني طلع يحط القمامة في الصندوق البلاستيك (هو شكله إسطواني مش صندوق) و بيرفع الغطا لقى شيء لا يخطر على بال إنسان مهما كانت ثقافته أو جنسيته لقى إيه ؟؟؟؟؟؟؟
آسف إني أقول طلعت أشوف إيه لقيت عفانا الله و إياكم (بول تحويشة يوم) , مع العلم جبت الصندوق ده مخصوص بعد ما لقيتهم بيستخدموا الصندوق القديم , قلت الناس لبعضيها و دول ضيوف
إنما توصل لكده ؟
أكيد ممكن حد يقول بلاش ظلم يمكن مش همه , أقول عندك حق
خبطت بابهم أسأل عن السيد الوالد قالوا لي ييجي كمان يومين
قلت للشاب إللي رد عليا طيب يرضيك الإزعاج طول الليل و كمان إللي نازل من عندك أو جاي في وقت متأخر يعمل كده ؟ (وريته إللي قلت لكم عليه في صندوق الزبالة)
قدامه شيلت زبالتهم من الصندوق القديم و دخلته هو و الجديد جوه الشقة عندي و عرفته (يمكن مش واخد باله) إن ده أساساً بتاعي , واحد همه مستخدمينه و التاني في إللي فيه أحط زبالتي فين .......
آسف للإطالة بس أعتقد إن المصري مهما بلغ بيه اللامبالاه مش حيعمل كده سواء ساكن في بلده أو بلد غريبة