العربيه بتعلق ومابتدرش

**moudy88** · 14-07-2009 08:51 PM

في مشكله كبيره قوي عندي في العربيه ....العربيه بتعلق ومابتدرش ..بمعنى اني بفتح الكونتاكت وبسمع صوت طرمبة البنزين وصوت التشيك بتاع الكمبيوتر واجي ادور ماتنطقش خالص ولا اي نفس استنى شويه وادور تاني تشتغل والموضوع ده بقى بيحصل كتير جدا حاليا ...في الاول كانت العربيه بتعلق لما الفتيس يكون على ال p واول لما اجيبه على ال n العربيه تشتغل عادي جدا ..انما دلوقت على ال p وال n بتعلق ... وانا محتار ومش عارف اذا كان الموضوع له علاقه بالفتيس ولا ايه ...وفيه بعض الملاحظات في العربيه زي :

1- كهرباء العربيه ساعات بتفصل خالص كان مفيش بطاريه اصلا وبعد كده بترجع تاني لوحدها
2- ساعات لما العربيه بتعلق في الدواره باخبط على البطاريه والعربيه بتشتغل وساعات اول لما افتح الكبوت العربيه تشتغل
3- العربيه لما بتدور ... بتدور بمنتى السلاسه ومن اول مره

وبصراحه الموضوع قلبلي دماغي ..وبتحصل بسببه مواقف محرجه لما بكون بمون بنزين واقفلها ومترضاش تشتغل والمشكله ان الموضوع بيحصل عشوائي ...يعني تفضل شغاله عالطول وممكن تعلق عالطول... ياريت تفيدوني قبل لما اروح للكهربائي

**zocor742** · 14-07-2009 09:13 PM

طيب مبدئيا شيك على الاوايش بتاعد كبلات البطارية ممكن تكون عاليها املاح او حاجة عزلها وبتخليها متلقتش معاك كويس
وبردو شوف طرفين السالب والموجب ممكن يكونوا هيزين يتنضفوا ولا حاجة
حاول تصنفر الكوايش وطرفين البطارية كويس واربطهم كويس وحط نقطين زيت على الطرفين وهما ركبين بعد التنظيف
وان شاء الله تكون المشكلة بسيطة جدا على قد التنظيف وجرب وشوف
استنى رأى باقى الاعضاء

**samirayad** · 14-07-2009 09:15 PM

حاجتين بساط جدا عاوزك تجربهم أنت الأول .....قبل ماتروح لكهربائى وغيره .............

1- حتطمن كويس أن كابلات البطاريه راكبه تمام ومش مهويه .........ولو مهويه أربطها كويس ...........

-2- أفتح علبة الفيوزات اللى فى غرفة المحرك ( حتلاقى 2 كتاوت أسمهم ign 1 & ign2 )...ثبتهم كويس فى مكانهم .....وأبقى شوف كده فيهم بوش زى بقية الكتاوت ...ولا محكومين فى مكانهم ومش خفاف فى أيديك وأنت بتحركهم على قاعدتهم .....جرب ده الأول .....

**moudy88** · 14-07-2009 09:23 PM

لو جت على الكتاوت ..مش مشكله ممكن يتغيرو ... وممكن كابلات البطاريه تتضبط ...وان شاء الله هعمل كده ...لكن ايه تفسير حضرتك ان العربيه قعدت مدة طويله بتعلق لما يكون الفتيس على ال p واول لما اجيب على ال n بتشغل على طول ... والفتره الاخيره بقيت بتعلق على الاثنين ... انا خايف لتكون حاجه في الفتيس

**samirayad** · 14-07-2009 09:28 PM

لو جت على الكتاوت ..مش مشكله ممكن يتغيرو ... وممكن كابلات البطاريه تتضبط

طيب بس جرب ظبط الكتاوت مكانها الأول وتأمين كابلات البطاريه .....وشوف كده فيه بوش وأنت ماسك الكتاوت وبتهزه على قاعدته ( لأنى فيه موضوع زى كده حصل مع زميل فى منتدى الورشه ) وكان العيب من بوش فى تركيب الكتاوت على قاعدته ......فممكن يكون عنك الأثنين دول فيهم موضوع البوش ده ......وهما سلام فعلا ......بس عيبهم عاملين أتصال ردىء bad contact مع القواعد بتاعتهم فى علبة الفيوزات .............وأنا شاكك فى دى برضه ......

**samirayad** · 15-07-2009 07:29 AM

على فكره يامحمود باشا ...........فيه أحتمالين برضه وحنخليهم دلوقتى لما تشوف موضوعنا اللى قولنا عليه وهما (عيب فى توصيلات الكونتاكت للبطاريه من عند الكونتاكت وبرضه فيوزات الكونتاكت أو عيب فى الكونتاكت نفسه .................وممكن يكون عيب فى المارش برضه ) بس خللى الكلام ده للآخر .....وبالمره أبقى ثبت الفيوزات بتاعة وحدة التحكم اللى فى العلبه الكبيره والعلبه الصغيره اللى فى الصالون وكده كده ثبت كل الفيوزات كويس وريح نفسك............يعنى أبدأ بالخفيف الأول وجرب ......وأرجو لك التوفيق يا أبو حنفى ..................

**marawanshahin** · 15-07-2009 09:50 AM

على ما أظن ان العيب من الكونتاكت ممكن تكون الفيشة بتاعته مهزوزة أو فى مش متوصلة كويس زى ما م/سمير بيقول و بإذن الله حيطلع الموضوع بسيط و إبقى طمنا.

**moudy88** · 31-08-2009 02:24 PM

معلش يابشمنهندس سمير العربيه كان بقالها اكتر من شهر مش معايا ولسه راجعه الاسبوع اللي فات ...والعربيه بقيت تعلق بطريقه رهيبه والحكايه زادت ..لدرجة اني لما امون بنزين وبقفل العربيه ..العربيه مابترضاش تدور والموقف بيبقى محرج ..وانا كشفت على الكتاوت وعلى وصلات البطاريه وكله سليم ...وفي واحد صاحبي معاه ماتريكس كانت بتعلق معاه ..وكان العيب في حساس الكرنك ..ايه رايك ؟
وكده اوديها لكهربائي ولا ميكانيكي ,,لا اكشف بالسكانر الاول

**samirayad** · 31-08-2009 06:04 PM

وكان العيب في حساس الكرنك ..ايه رايك ؟

وارد طبعا العيب ده .....
بس هيكون نظافة الفيشه بس
لأن طالما بدور ....يبقى الحساس سليم
وده عيب فى الفيشه ( بتعلق ساعات )
طيب ماتشوف توصيلات المارش
وبالذات الكابل اللى رايح من الكونتاكت لأتوماتيك المارش
يمكن يكون مهزوز وبيعلق ساعات
ونفس الوضع بالنسبه للكوبرى بين الأوتوماتيك والعضو الثابت
(من الآخر خللى الكهربائى يأمنلك توصيلات المارش كلها )
وقوله على وجهة نظرى دى
قبل موضوع فيشة الكرنك ( أصل مكانها رخم شويه )
فخليك مع توصيلات المارش الأول
بس كنت عاوز أسألك على حاجه برضه يأ أبو حنفى
1- الموضوع ده دايما بيحصل بعد مشوار ...والعربيه سخنه يعنى
2- مجربتش تجس البوبينا وأنت بتحاول تجرب ( وتشوفها سخنه ولا لا )