الموضوع: أبوتريكة مش هيحترف يا رجالة

المشاركة الأصلية كتبت بواسطة hh

انا بقالي كام يوم ادخل عالتوبيك ده و ابقى حارد و بعدين اقول مش مهم خلي الناس تضحك على نفسها براحتها بس بصراحة الموضوع مستفز جدا.
يعني التمثيلية البايخة دي مش الولي بتاعكوا سيدي ابو تريكة بيعملها كل موسم و تنتهي نفس النهاية؟ انا حاضحي بحلمي في الاحتراف ( رغم انه عمره ما جاله عرض واحد من نادي عدل, كلها اندية خليجية) و أضحي بالملايين الكتيرة قوي بتاعت الخليج و أخد ملايين كتيرة بس من الأهلي عشان انا الدم في عروقي أحمر (على اساس انه لو زملكاوي بيبقى دمه ابيض) و مش ممكن أخرج من بيتي اللي فضله عليا الله يرحم ايام ما كان بيتمرد و يلوى دراع ادارة الترسانة عشان يمضي للأهلي. بس سيبك هو المصريين بيفتكروا؟
و طبعا زي كل سنة تبتدي الترضيات و الفلوس اللي من تحت الترابيزة عشان بركات الشيخ ابو تريكة ما تتقطعش عن النادي الأهلي, غير الفلوس اللي تحت بند الاعلانات و الهدايا من رجال الاعمال الأهلوية........... الخ. و الراجل الغلبان يا حرام ما يطلعش غير ب 10 - 15 مليون مش 20 زي ما كان حياخد في الخليج.لأ و ايه قاعد في بيته جنب اهله وناسه و الاضواء عليه و الجرايد ملهاش سيرة الا الشيخ راح, القديس رجع, يلعب حلو النس تهتفله, يلعب زفت يصقفوله و يشيلوه فوق دماغهم. بزمتك يسيب الميغة دي و يروح فين؟؟

هو لسة فيه كدة؟

ده اللى كنت خايف منه.......

عموماً أبوتريكة ولا شيخ و لا قديس و لا دياولو........الحكاية و ما فيها أنه لاعب نحسبه تقى و يعرف ربنا كويس و لا نذكى على الله أحداً....

تقدر تقول كده لاعيب راجل فى زمن عز فيه اللاعبين الرجال.

و لو كانت تمثيلية مكنتش جرايد الأمارات ( اللى العرض جايله منها ) كتبت عن الموضوع و كنت تلاقيه فى جرايد مصر بس......

يبقى بالذمة.......لسه فى كده ؟؟؟