أفيدوني .. جزاكم الله خيرا

**Ahmad_Nawwara** · 14-07-2009 10:50 PM

الرادياتير عندي كان قديم حبتين لما اشتريت السيارة .. بس كان شغال معقول .. لما الحرارة بتوصل لل80 المروحه تشتغل وتقوم بمهمتها .. لكني لاحظت انها بتشتغل فتره طويله نوعا ما لغاية لما تبطل وهكذا .... بعد كده لقيتها مبتشتغلش الا عند ال90 وبتفضل شغاله برضه فتره طويله .. المهم رحت لخبراء الرادياتير !!!!!!!! أفادوني أن ساعة الحرارة (الثرموثتات) لسع ولازم يتغير !!! غيرته بالفعل من 68/82 الى 80/90 بناء على نصيحة الخبراء علشان المروحه تريح شوية ومتحملش على البطارية .... الحرارة بتوصل لل90 وتشتغل المروحه لثواني لحد تقريبا ال88 أو 89 وترجع تشتغل تاني عند ال90 ؟؟!!! يعني الحرارة مش بتنزل لل 80 .... رحت أستفسر قالوا لي غير الرادياتير بواحد نحاس 3 ماسورة لأن اللي عندي 2 ماسورة وقديم .. غيرت الرادياتير بواحد جديد(البستاني) نحاس 3 ماسورة ... ولسه نفس المشكله ولاتغيير يذكر على الأطلاق .. أعمل ايه ؟؟؟؟؟ ياريت تفيدوني لأني اتخنقت وخايف أسافر بالسياره علشان الحرارة وتأثيرها على المحرك

**aYaBooY** · 15-07-2009 10:04 AM

شوف بما ان الريدياتير حديث او جديد و 3 ماسورة يبقي انت المشكلة عندك في الترموستات
الـ86-82 ده كويس في فصل الصيف علشان الموتور ميسخنش و طبعا في ستين داهية المروحة ولا ان العربية تجيب معاك وش سلندر مثلا
و الاترموستات التاني 80-90 ده بيكون كويس لفصل الشتاء و غالبا الي عندك برده محتاج تغير بس هات الي بيشتغل بدري علشان الجو حر
بس و عموما لما بتكون ماشي على طريق سريع المروحة مبتشتغلش اصلا علشان تبريد الهواء شغال كويس