مطلوب استيراد ناس بتعرف تخطط

**النوبي** · 15-07-2009 01:43 PM

يا سلام علي الصيف حاجه ملهاش حل هدوء وراحه والواحد يمشي في البلد وهي فاضيه ياااااااااااااااه
عايز اعزمكم عندي بس ياريت خمسه خمسه علشان الزحمه
كان معكم مراسلكم عبده النوبي من ميدان صلاح الدين بجوار عم عبده بتاع الكشري الاقصر

**eng.octooo** · 15-07-2009 02:14 PM

طيب هوة محدش فى البلد عاوزها تتقدم لية؟ (قصدى الحكومة)

**wesam_salom** · 15-07-2009 03:33 PM

هحكى لك عن موقف قابلته زمان ممكن يفسر الموضوع ده

سنه 2000 انا كنت مجند فى الجيش

لاحظت حاجه غريبه جدا

ممكن نصحى فى يوم يقولولنا فى الكتيبه شايفين السور السلك المقطوع هناك
ايوه

لازم نصلحه ونفرده من الاول

وماله

بعدها بفتره لاء ده ملوش لازمه لازم نفكه

وماله

شايفين الطوب اللى هناك ده

عاوزين ننقله لمكان تانى وننظف المكان ده

بعدها لاء عاوزين ننقله مكان تانى

ممكن نصحى فى يوم يقولوا ده فرش متاع يعنى تفتيش على المهمات

بعد ما نجهز نفسنا يكبروا دماغهم

المهم لاحظت اننا لازم ولابد نكون مضغوطين وورانا شغلانه وحاجه تتعبنا

فى يوم سألت صول جاهل كان معانا او كنت فاكره جاهل

قلت له هو قرف وخلاص

قالى كده انت اللى جاهل

دى اهم سياسه علشان تقدر تحكم اى مجموعه

اسمها سياسه الانشغال

لو العسكرى صحى فى يوم مش لاقى حاجه يعملها

هيعمل حاجه خطيره جدا

هيبداء يفكر

ممكن يفكر فى البيت واهله

وممكن يفكر فى الظلم والسرقه اللى بتحصل

وممكن يفكر فى اجازاته اللى ضايعه منه لان فيه غيره اخدها بالواسطه

والاخطر انه يفكر فى قائد الكتيبه الظالم اللى مضيع حقه ومديه لناس متستحقهوش علشان هما معارفه واصحابه وليهم واسطه

يبقى يا حاج احمد انت عاوز الناس تروح تصيف وكمان العيال تخلص امتحانات والمدارس قافله والمواصلات رايقه

طب ايه اللى يشغل الناس

التفكير فى ايه

وطالما انت فكرت فى الكوبرى والزحمه ومهندس غبى

تبقى كده السياسه نجحت

والف مبروك

**aif** · 15-07-2009 07:29 PM

الله يبارك فيك .....
احنا كدة ممكن نصدر .... نصدر ناس بتعرف تبتكر اساليب القرف
والثمن بالعملة الصعبة كمان .... الصعبة جدا

**Ahmed Selim** · 15-07-2009 08:08 PM

و الله سبقتنى يا أحمد باشا.....

أنا كنت لسه هكتب الكلام ده النهاردة.......

مش يمكن أستيراد النوع ده من الناس عليه جمارك عالية ؟؟؟

**aif** · 15-07-2009 08:23 PM

المشاركة الأصلية كتبت بواسطة ahmed a.maksoud

و الله سبقتنى يا أحمد باشا.....

أنا كنت لسه هكتب الكلام ده النهاردة.......

مش يمكن أستيراد النوع ده من الناس عليه جمارك عالية ؟؟؟

الموضوع بقي واضح جدا يا احمد
شوف كم الاصلاحات اللي في الطرق والكباري وفي اماكن حيوية جدا وفي التوقيت العجيب ده
النهاردة فوجئت بالحفر اللي في امتداد رمسيس بعد منزل الكوبري الجديك وانت متجة لصلاح سالم
وده اللي انا صادفته ... اكيد غيره كتير
...
ده موسم السياحة والاجازات في القاهرة ......
اللهم ارفع مقتك وغضيك عنا...................

**Ahmed Selim** · 15-07-2009 08:55 PM

هى معظم أعمال الحفر بسبب الخط الجديد لمترو الأنفاق.......دى ممكن أتفهمها على أساس أنهم ممكن يكونو ملتزمين بميعاد محدد لأنهاء الأعمال.

بس اللى مش مفهوم و مش مقبول..... ليه تصليح الكبارى اللى فى نفس الشارع اللى فيه الحفر و أيه كمان.....التلاتة فى نفس التوقيت

حسبنا الله و نعم الوكيل.

الموضوع: مطلوب استيراد ناس بتعرف تخطط

LinkBack

أدوات الموضوع

عرض

-

-

-

-

-

-

-

المواضيع المتشابهه

مطلوب موتور 400 فاير افراج او مستعمل او استيراد

مطلوب مديرة مكتب استيراد وتصدير

مطلوب طع غيار استيراد لاوبترا فى المنصوره

مطلوب لوازم لانسر استيراد

مطلوب ساعى لشركة استيراد

الكلمات الدلالية لهذا الموضوع

المفضلات

المفضلات

ضوابط المشاركة