مطلوب استيراد ناس بتعرف تخطط
بمناسبة بدأ موسم الاجازات الصيفية والذي يصاحبة دائما ارهاصات تتمثل في :
- زيادة عدد سكان القاهرة نتيجة الهجرة الداخلية الموسمية من الطلبة في الاقاليم الذين يزحفون على القاهرة الكبري سعيا للرزق
- زيادة عدد سكان جميع الحافظات كنتيجة مباشرة لموسم اجازات المصريين العاملين في الخليج
- زيادة عدد سكان القاهرة الكبري بسبب السياحة الخارجية المتمثلة في السياح من الدول العربية والخليجية
- زيادة عدد السيارات في مصر كنتيجة للأسباب السابق ذكرها ...
- زيادة درجة الحرارة المتصاعدة مع مراعاة اننا بقالنا كام سنة مش بنشوف شتا ....
وعلشان كدة ومع كل هذا الزحام والحرارة و القرف والتكدس ..... قرر السادة المسئولين انهم يختارو هذا التوقيت العجيب ....
-لترميم وصيانة كوبري السيدة عائشة
- ترميم وصيانة كوبري الفردوس بصلاح سالم
- حفر شارع صلاح سالم بين الفسطاط وكوبري السيدة عائشة لعمل تمديدات كهربائية
ولك ان تتخيل كم التكدس في شريان صلاح سالم اللي بيوقف البلد كلها ...... وده غير باقي المشروعات الجبارة التي تفتق ذهن السادة المخططين للعاصمة عنها .... في التوقيت العجيب دة
...
بالظبط زي الست اللي بتنضف البيت وتغسل وتسيح السمنة وتخبز في اليوم اللي عندها ضيوف ف البيت والعيال بيمتحنو ثانوية عامة
...
هو الناس اللي اخذت القرار ده مش بيسمعو عن حاجة اسمها اهمية التوقيت ....
يعني ممكن الحاجات دي تتعمل في فصل الشتاء .... بتكون القاهرة فاضية نسبيا ....
لكن حبكت انهم يعملو الكلام ده في التوقيت ده سواح عرب و اجازات و موسم زحام وعربيات جمرك نويبع ..... هيا المشرحة ناقصه قتلى
والاعجب من كدة .... هو ماحدش بيحاسبهم ..... مش فيه محافظة .... وهيئة طرق .... ومرور ..... ووزارة تنمية وتخطيط ..... ووزارة محليات .....
مافيش ولا حد من دول واخد باله من حاجة زي دي ؟؟؟؟؟؟؟؟؟؟؟؟؟؟؟
آآآآآآآآآآآآآآآآآآآآآآآآآ آآآآآآآآآآآآآآآه
انا قلتها قبل كدة وبأكررها تاني
لو كنت صاحب قرار في هذا البلد .... كنت استوردت ناس بتعرف تخطط ....... آآآآآآه يا مرارتي ياني