للخبراء في الساحل الشمالي

**M.FOUAD** · 15-07-2009 12:38 AM

اية احسن الفرى السياحية قبل الكيلو 50 و معلش هثقل عليكم لو حد يعرف متوسط الاسعار في كل قرية و مميزاتها عن غيرها

**modiabbas** · 15-07-2009 05:40 AM

احسن قريه قبل الكيلو 50 قريه كرير بس اسعر عاليه شويه بس مش فاكر كام و فى قريه اسمها لؤلؤه كرير ديه اقل من كرير و قريه كرير ديه فيها كل حاجه تتخيلها

**M.FOUAD** · 15-07-2009 09:35 AM

المشاركة الأصلية كتبت بواسطة modiabbas

احسن قريه قبل الكيلو 50 قريه كرير بس اسعر عاليه شويه بس مش فاكر كام و فى قريه اسمها لؤلؤه كرير ديه اقل من كرير و قريه كرير ديه فيها كل حاجه تتخيلها

الف شكر لكن كرير دية في الكيلو كام

**adhamsabry51** · 15-07-2009 12:06 PM

كرير دي في الكيلو 40 تقريبا لكن علي حد علمي هي خاصة بالقوات المسلحة فقط يعني لما كنت باروح كان دايما اقاربنا في القوات المسلحة هما اللي بيحجزولنا انما في قري تانيه لطيفة بعد الكيلو 50 زي مثلا قرية المنتزه و دي في الكيلو 70 و اسعارها بتبقي حوالي 300 جنيه في اليوم و قرية اللوتس و البلاح و فيهم ميزة انهم قريبين من مارينا و قرية بدر علشان لو حبيت تسهر بالليل

**kh_talaat** · 15-07-2009 02:30 PM

قرية سيدي كرير للقوات المسلحة ودي على بُعد 35 كيلو من اسكندرية

وميزتها ان فيها بحيرة كبيره لأن طبعا معروف ان البحر في الساحل الشمالي عالي والأمواج فظيعه وعلى حد علمي مفيش مصدات للأمواج غير في مارينا لذلك قرية سيدي كرير هي القرية الوحيدة اللي في الساحل اللي فيها بحيرة غير طبعا حمامات السباحه

وفيها كمان مول كبير وزهران ومطاعم وكافيتريات زي جاد وكنتاكي بصراحه قرية تحفه بالنهار وبالليل بعكس معظم القرى في الساحل لما بيجي الليل مش بلاقي حاجة تعملها ماعدا مارينا طبعا

وبالنسبة لأسعار التأجير فيها الشقق 300 في الليلة والشاليهات 600 جنية

وفيه قرية تانية جنبها اسمها آمون حلوة برضه وفيها حمام سباحه بس مفيهاش لا مول ولا كافيتريات ولا كلام من دة ، بس فيها سينما

وأمون شاليهات وفلل فقط وأسعارها 600 جنية في الليلة

**M.FOUAD** · 15-07-2009 02:35 PM

انا متشكر جدا يا جماعة على مساعدتكم لكن انا اقصد اسعار التمليك على البحر و ليس التاجبر

**kh_talaat** · 15-07-2009 02:42 PM

المشاركة الأصلية كتبت بواسطة nour87

انا متشكر جدا يا جماعة على مساعدتكم لكن انا اقصد اسعار التمليك على البحر و ليس التاجبر

أسعار التمليك بتختلف حسب كل قرية ومستواها والامكانيات اللي فيها

يعني في الساحل في قرى فيها

- شقق ستوديو 65 متر (غرفة نوم واحدة - صاله - حمام - مطبخ)
- شقق 100 متر (2 غرفة نوم - صاله - حمام - مطبخ)
- فيلا مشتركة دورين بحديقة
- فيلا مستقلة دورين بحديقة
- شاليه دور واحد على البحر

طبعا مش كل القرى فيها كل المساحات دي لكن موجودة في بعض القرى حدد الأول الرينج بتاعك وبعدين شوف المناسب ليك

**M.FOUAD** · 15-07-2009 02:54 PM

المشاركة الأصلية كتبت بواسطة kh_talaat

أسعار التمليك بتختلف حسب كل قرية ومستواها والامكانيات اللي فيها

يعني في الساحل في قرى فيها

- شقق ستوديو 65 متر (غرفة نوم واحدة - صاله - حمام - مطبخ)
- شقق 100 متر (2 غرفة نوم - صاله - حمام - مطبخ)
- فيلا مشتركة دورين بحديقة
- فيلا مستقلة دورين بحديقة
- شاليه دور واحد على البحر

طبعا مش كل القرى فيها كل المساحات دي لكن موجودة في بعض القرى حدد الأول الرينج بتاعك وبعدين شوف المناسب ليك

يعني مثلا في كرير دية متعرفش رانج الاسعار كام
اصل انا مسافر شاطي النخيل الاسبوع الجاي و كنا عايزين نشتري في الساحل الشمالي فصعب اوي انزل كل قرية من اول الكيلو 21 لحد الكيلو 50 عشان اشوف الخدمات اللي فيها و اسعار الشقق
فياريت اللي يقدر يساعد يبقى كثر خيرة

**kh_talaat** · 15-07-2009 03:41 PM

بصراحه معرفش اسعار التمليك بالظبط بس ممكن أقولك الرينج بتاعهم

يعني مثلا لو شقق ستوديو 65 متر بتبقى في رينج 125 ألف

فيلا مشتركة دورين بحديقة بتبقى في رينج 350 ألف

طبعا الأسعار دي بعيد عن اسعار مارينا خالص

وبما انك ناوي تروح الساحل كنت عاوز أحذرك من حاجة مهمة في قرية اسمها قرية مايوركا ودي بعد قرية سيدي كرير بحوالي 5 أو 6 كيلو ، الشركة اللي عملتها واخدة جزء جديد جوه القرية ومسمياها بورتو مايوركا ونزلت أعلان في الجرايد والناس عماله تيجي تحجز

ودي نصبه كبيره !!!!!!!!

ليه بقى .... أولا الشركة منزله في الجرايد صور الشاليهات بتاعه القرية القديمة (مايوركا) على أنها صور لبورتو مايوركا اللي متعملش منها ولا حاجه أصلا

دة غير ان الناس اللي ساكنه في مايوركا معترضين على بورتو مايوركا لأنها هتتعمل جوه قريتهم وأصحابها هيستخدموا نفس شاطى مايوركا اللي هو اصلا ضيق ويادوب على قدهم وناويين يرفعوا قضية على الشركة ... والشركة في نفس الوقت عماله تعمل اعلانات في الجرايد وتلم دفعات تعاقد

وأنا بصراحه قولت بالمناسبة أحذرك وأحذر اي حد ناوي يحجز في القرية دي

**kh_talaat** · 16-07-2009 02:46 PM

دليل القرى السياحية والفنادق بالساحل الشمالي

http://www.1egypt.net/northcoast.htm

الموضوع: للخبراء في الساحل الشمالي

LinkBack

أدوات الموضوع

عرض

-

-

-

-

-

المواضيع المتشابهه

فنادق في الساحل الشمالي

شقة بقرية زمردة الساحل الشمالي

شقة بقرية زمردة الساحل الشمالي

حد يعرف قري الساحل الشمالي نظامها ايه ؟؟

قرية كويسة في الساحل الشمالي

الكلمات الدلالية لهذا الموضوع

المفضلات

المفضلات

ضوابط المشاركة