الدور على الميكروباص ... هههههه

**Mohamed_Rashad** · 15-07-2009 01:14 AM

صرح سامح طوبار مدير المشروع القومي لإحلال التاكسي القديم: "إن تزايد الإقبال على المشروع الذي بدأ في أبريل الماضي، دفع المسئولين لتجهيز مشروع مماثل لإحلال الميكروباص يبدأ في غضون عدة أشهر".

وتشترك وزارتي المالية والداخلية في وضع ملامح مشروع إحلال سيارات الميكروباص، التي يزيد عمرها على عشرين عاما، وخصصت الداخلية 66 ألف متر مربع عند الكيلو 33 طريق مصر ــ إسكندرية الصحراوي لتنفيذ المشروع.

ووصف طوبار الإقبال على إحلال التاكسي بأنه "غير متوقع، وغير مناسب للإمكانيات البشرية والمادية المخصصة للمشروع، مما أدى إلى تباطؤ الإجراءات، بدأ من بوابة الساحة التي يتراص أمامها أصحاب العربات القديمة، وصولا إلى ساحة التخريد التي ضاقت بالعربات القديمة التي تم تخريدها، لتتراص فوق بعضها في ثلاثة صفوف داخل ساحة إحلال التاكسي القديم".

وأعلنت وزارة المالية عن ارتفاع الطلب إلى 15 ألفا و500 طلب وارتفاع عدد الموافقات البنكية إلى 14 ألفا و330 موافقة، وتم تسليم خمسة آلاف وتخريد 6 آلاف سيارة، وذلك منذ بداية المشروع.

يذكر أنه حتى الآن لم تعلن وزارة المالية عن مشروع محدد لمرحلة ما بعد التخريد، لتضيق الساحة القديمة بعدد العربات التي تجاوز الخمس آلاف تاكسي، بقيمة تتجاوز 25 مليون جنيه، تتم حراستها بإضاءة السور الخارجي بالأنوار، وعربة مطافئ.
ـــــــــــــــــــــــــ ــــــــــــــــــ
نقلا عن: الشروق و عن موقع ولاد البلد.

**ahmed elsherif** · 15-07-2009 01:22 AM

مش كفايه الميكروباص التويوتا الجديد اللي بيطيروا بيه ده هما ناقصين عربيات جديده كمان بعد كده الواحد هيلاقي ميكروباص معدي جمبه 160ومش بعيد 200 وهتبقي صباحو حوادث اخر حاجه

**hossam_elwani** · 15-07-2009 01:53 AM

هو مفيش حد عاجبه حاجه ياعم خالى البلد يبقى مظهرها حضارى مش ده الى كنا بنادى بيه من زمان!!!!!!!!!!!

**mobitic** · 15-07-2009 09:16 AM

يعنى اخيرا هانترحم من الترامكو والرمسيس

**abzoabzo** · 15-07-2009 05:41 PM

ارزاق الحكومة وهومنفعا للكل هيهبش

**M.Osman** · 15-07-2009 06:14 PM

مش كفايه الميكروباص التويوتا الجديد اللي بيطيروا بيه ده هما ناقصين عربيات جديده كمان بعد كده الواحد هيلاقي ميكروباص معدي جمبه 160ومش بعيد 200 وهتبقي صباحو حوادث اخر حاجه

بصراحة معاك جق في دي جداً
الميكروباص التويوتا الجديد عليه محرك وهمي بجد ... صوته خافت جدا و في نفس الوقت ... يخرب بيته !! سحبه فظيع ... مينفعش مع الناس دي بجد ... ربنا يستر..

مينفعش يركبولها speed limiter ؟؟

**mantis7806** · 15-07-2009 08:13 PM

المشاركة الأصلية كتبت بواسطة successcre8or

بصراحة معاك جق في دي جداً
الميكروباص التويوتا الجديد عليه محرك وهمي بجد ... صوته خافت جدا و في نفس الوقت ... يخرب بيته !! سحبه فظيع ... مينفعش مع الناس دي بجد ... ربنا يستر..

مينفعش يركبولها speed limiter ؟؟

أنا موافقكو تماما
العربيات دي سحبها رهيب
هل من الممكن نطلب من تويوتا مواصفات خاصة للعربيات اللي هانستوردها
مثلا تنزل بمواتير اقل في السعة والعزم من اللي موجودة دلوقتي
بحيث العربية من دول يبقى آخرها 120 كم\ساعة

**pro_samir** · 18-07-2009 02:12 AM

ياااااارب يعملو كدة بجد الميكروباصات بقت حاجة زى الززززززززفت الواحد لو راح الشغل مواصلات بياخد وقت 3 اضعاف وبيبقى نازل من الميكروباص حاسس انة عايز يناااام علشان يرتاح من المشوار والقرف اللى شافة

حد يسمع عن العربيات الواز اللى هيا من مخلفات الجيش الروسى واللى بقت ميكروباص نقل ركاب ولسة بيظبطوها ويركبولها مواتير ؟؟

ولا تقولى ترامكو ولا رمسيس

دة شكلها وتخيلوها بطابع مصرى بتكون عاملة ازاى .. مع انها متتوصفش

**د.أحمد سمير** · 19-07-2009 03:43 PM

الأنكى والأدهى من الترامكو ورمسيس ميكروباصات gmc المنتشرة بالجيزة وشرق القاهرة ، ودي مكملتش أصلاً 12 سنة وهي نسخة طبق الأصل قذرة من الإلترامكو مع موتور قوي وارتفاع رهيب وبلطجة على البشر والبني آدمين بقمة السفالة
ربنا يرحمنا من كل الأشكال دي اللهم آمين

-

الموضوع: الدور على الميكروباص ... هههههه

LinkBack

أدوات الموضوع

عرض

-

-

-

-

المواضيع المتشابهه

هههههه ... اية الى حصل ؟؟؟؟؟؟؟

هههههه حدش شاف الزيت ؟

هههههه

الدور الدور موعودة ياللى عليكى الدور

الكلمات الدلالية لهذا الموضوع

المفضلات

المفضلات

ضوابط المشاركة