السلام عليكم ورحمه الله


انا نزلت الحرفيين بقالى يومين

عشان اشوف حل للماتور عندى
والحمدلله على كل شي
جبتى ماتور نوبيرا 1600 وهركبه باذن الله بكرا الصبح

وده سبب اللى خلانى اشتري ماتور

فكنت رايح اشوف حل للدخان الاسود والابيض ولون ازرق يعنى الوان الطيف بشوفها لما بدور العربيه

رحت الاول اغير رشاشات للدخان الاسود برضو نفس النظام
فطبعا انا داخل على الميكانيكي بتاعي تانى اقوله شوفلى حل والراجل ده العربيه عنده من زمان يعنى عارف اللى فيها واللى عليها

فقالى هنحل المكنه ونشوف النظام فيها عامل ايه

طبعا فكينا اولحاجه طقم صباب خربان
وجوان وش السلندر مخروب اخر حاجه لان العربيه موديل2000 وعمري محليت المكنه خالص ولا عملت فيها شغل

ولقينا البساتم شكلها مش لذيذ وعليها زي تراب كتير جدا واعتقد انا شوفت بعينى زي طينه فى المكنه من جوه

فقالي انت هتفتح على نفسك فاتحه والله واعلم هتعيش معاك قد ايه وممكن تجيب مكنه استيراد

فرحنا سالنا عليها عند واحد تعبنا بتاع استيراد

قالى هاخد منكمن المكنه بـ900 جنيه من غير الفتيس

وهتدفع الفرق
والفرق كان 1300 جنيه

وباذن الله بكرا اركب واشوف ايه النظام


وكنت عاوزاعرف رايكوا ايه فى الحوار ده