الموضوع: باركولى.....استلمت السيراتو

الف مبروك وربنا يبارك لك فيها ويكفيك شرها.
انا الحقيقه بأفكر أشتريها بس قسط.
العربيه ركوبتها حلوه؟؟؟ انا عارف انك لسه مستلمها.
أيه انطباعك الأول وانت سايقها؟

الف مبروك وان شاء الله تكون عند حسن ظنك بيها ومؤيدين ومقيمين السيراتو بحيادية يزيدوا واحد
ياريت صورة عشان نشوف اللون عالعربية شكله ايه بالظبط عشان مصدفتش سيراتو باللون ده قبل كده فمش عارفة اتخيل شكل اللون عليها

شكرا جدا و ليا الشرف انى انضم لعائلة كيا ..... ان شاء لله هصورها و ارفع الصور قريبا...
اللون اسمة ....l Bronze .... فى المرور و انا برخص العربية المهندس قعد ربع ساعة مش عارف يكتب اللون ايه ( اللون مش مكتوب فى الافراج الجمركى) وبعد عدة مداولات كتبها شامبين غامق.... كان نفسى يكتبها برونز بس قالى اللون دا مالوش كود على الكمبيوتر......

الف مبروك وربنا يبارك لك فيها ويكفيك شرها.
انا الحقيقه بأفكر أشتريها بس قسط.
العربيه ركوبتها حلوه؟؟؟ انا عارف انك لسه مستلمها.
أيه انطباعك الأول وانت سايقها؟

لله يبارك فيك وعقبالك غن قريب ان شاء لله..... انا كمان مشترى العربية قسط من بنك عودة ودافع 50% والباقى على 5 سنين والفائدة 9.6%..... بس انا سمعت انك ممكن تجيبها تقسيط من الوكيل ب7.5% ....ممكن حضرتك تسأل عن الموضوع دا...
بالنسبة لأنطباعاتى الاولى عن العربية.....بكل أمانة العربية بالنسبالى جميلة جدا ... فيها كل حاجة انا محتاجها .... موتور سحبة قوى جدا و تكييف ممتاز ولا يؤثر على السحب (عكس لما سوقت النيسان الصنى) و اجمل حاجة بقى بجد الفتيس نقلاتة نعمه جدا.... لسة بقى بعد 1000 فى بعض الحاجات المفروض تطظبت.....

مش عارف لية كلمة ميتال مش بتتكتب بالانجليزى ....
اللون ميتال برونز..... مكتوب كدا فى البورشور بتاع الوكيل و على الويب سايت ... بس الالوان على السيت فاتحة قوى عن الطبيعة.