الموضوع: تجربة اسكندرية و الدرس المؤلم

السلام عليكم هحكيلكم اللي حصلي الاجازة اللي فاتت

يوم الخميس بعد الشغل قررت اطلع اسكندرية عشان اشوف ورق المتور الجديد و بالمرة افوت علي بلبع

اخدت معايا واحد صاحبي من الشغل و اخويا هشام ( عضو في المنتدي معانا اسمو dental_h

المهم اتحركت قبل الفطار ب نص ساعة

الاذان ادن وانا بعد البوابات علي طول
هاتك بقي علي الطريق تقطيع في عربيات
بجرب الموتور الجديد بقي 160-180
مش بقل عن كده
و بالتكييف :lol:

المهم قبل اسكندرية ب 60 كيلو لقيت لمبة البطارية نورت
شغلت الكاسيت ( عندي بيقرأ البطاارية و يقولك اخبار شحنها اية )

المهم مشيت بتاع 3 كيلو لحد ما لقيت مطعم ولا ما انا عارف كان ايه كده علي الطريق
وقفت و في النور بتاع المحل ده لقيت سير ( التكييف + الدينامو + الباور العياقة ) وقع
عشان ترس مكنة الباور سايب !!!!!!

انما هوا باور عياقه ليه بقا عشان لما سقطت الموتور كان باور عربتي كهربا فخيلتو زي ما هوا و ركبت مكنة الباور بتاعت الموتور عشان السير بس

المهم كلمولي ميكانيكي
جالي بص مضافش جديد قالي ترس مكنة الباور بايظ لازم تنزل اليكس
المهم انا مش اعرف حد في الكس كلمت الرتجل اللي كنت نازله اصلا ( صاحب الموتور )
اسمو عمر فتحي عدس اللي في شارع جمال عبد الناصر سيدي بشر
ولد جدع جدا
كلملي واحد بتاع قطع غيار اوبل في صلاح الدين

المهم اتقفت مع الميكانكي يشدني لالكس ب 150 جنيه

نزلت و لفيت لحد ما لقيت بتاع قطع الغيار اسمو( شيخه )
دلني عاي ميكانكي جدع اوي
شاف العربية قالي لازم احل و اشوف
فك العربية اللي كل حاجة فيها لازقه في بعضها
لقينا خرطوم زيت الباور بيهرب
الزيت خلص
الترس اتكر من جوه !!!

المهم قالي هنشيل المكنة و نجيب سير اقصر
تك تك تك
شالو المكنة جيبنا شسير اقصر
ركبناه و دورت العربية بم اتقطع عشان التروس مش فوق بعضها بالظبط

المهم الساعة بقت 2و30 بليل

قالي الصباح رباح سيب العربية و تعالي بكره بعد صلاة الجمعه
المهم روحت بلبع افطر و اتسحر و انسي همومي في الموزة الضاني
:lol: :lol:

و شيشه بقي في بلبع و ده الجديد

نمت عند واحد صاحبي
و نزلت الصبح علي البنك و روحتلو صلينا لجمعه و نزلت ادور علي المكنه
و لقيتها ب 225جني
و ركبها و مليت زيت الباور و صلحت خرطوم الزيت و اخد مني الميكانيكي 100 جنه في الحل و التركيب
خلصت علي الساعة 4 العصر بعد عناء
المهم في خضم شغل الميكانيكي روحت جبت كلاكس جديد
جه كهربائي اقل كلمة عليه انو حمار
ركبو و بعد ما مشيت لقيت
الانذار و نور التابلوه و السنتر فصل !!!!
و الكلاكس اشتغل !!!
نزلت ل عمر فتحي عدس
و اديتو الورق عشان يخلصلي الاجراءات
بصراجه بردو راجل 10/10
ربنا يحميه

المهم روحت بلبع تاني اغسل همومي
علي الفطار
lol: :lol: :lol:

و بعد الفطار نزلت علي كافيه سلطنه استانلي
و حصل اجتماع نايل موتورز الصغيوووووووووور
كلمني محمد حسين ( volcano12)
و جالي شاف العربية و جربها عشان عايز يسقط موتور 1400 علي عربية اخت بتاعتي
راجع الموضوع التالي

http://www.nilemotors.net/Forum/view...367&highlight=


و قعدنا مع بعض
بصراحة شخصية زوق و ادب و احترام ما بعدو احترام
اخ و صديق فعلا

بس و مشينت من الكس علي 9 بليل
اخدت الطريق في ساعتين الاتلت
من اول الدوان تاون
900
وصلت 6 اكتوبر
10.40

علي 180 يا معلم بس بعد علقه يومين مع الموتور

بس نجي للحق ده اهمال مني اني مش شيكيت علي الزيوت قبل ما اطلع

الله يسلمك يا فهد باشا