ايه كميه النظارات الشمس اللي لابسها الشعب المصري ده
كل الناس علي اختلاف مستوياتهم لابسين نظارات شمس كانهم vip ممكن تلاقي واحد بيجر عربيه خضار لابسها و سواق ميكروباص لابسها
هي افه و للا منظره و للاايه ؟
عرض للطباعة
ايه كميه النظارات الشمس اللي لابسها الشعب المصري ده
كل الناس علي اختلاف مستوياتهم لابسين نظارات شمس كانهم vip ممكن تلاقي واحد بيجر عربيه خضار لابسها و سواق ميكروباص لابسها
هي افه و للا منظره و للاايه ؟
طب ما يلبسوا يا دكتور ودي مزعلاك في ايه هما مش ليهم عيون برده ومن حقهم يحموها من اشعه الشمس وحتي لو منظره ما المحمول في ايد الأطفال دلوقتي بكل مستوياتهم جت علي النظاره الشمس
مهي برده نفس فكره المحمول
اولا النظارات اللي لابسينها مش بتحميهم من الشمس لانها غالبا من النوع التقليد و دي عدساتها اقل من العاديه يعني ممكن تضرهم كمان مش تحميهم
اما حكايه المحمول في ايد الاطفال دي برده مشكله تعرف ان احنا اكتر شعب بيصرف فلوس علي المظاهر و نرجع نشتكي من الازمه الاقتصاديه و تدني المرتبات و غلو الاسعار
دي ثقافه شعب هيعيش و يموت بس علشان المظاهر
إيه المشكلة في النظارة الشمسية؟
حضرتك مش واخد بالك من الشمس الحارقة اللي سيحت الخلايا بتاعتنا؟
يتهيألي انه مش عيب الناس تحمي عيونها من الشمس زي ما انا و انت بنعمل كده...مش معني ان كل الناس بقت لابسة نظارة شمس يبقي دي أفه أو منظرة..
اولا اللى بيلبس النضارة المضروبه هو لابسها عشان بتقلل التوهج بتاع اشعة الشمس و هو مع انه عارف انها مش مفيدة زى الاصلى بس هو دة اللى يقدر يدفع تمنه.
هضربلك مثال انت معاك 500 جنيه و عاوز تشترى موبايل لقيت واحد نوكيا مفهوش اى حاجة غير ارسال و استقبال و يبقى زى الفل لو شاشه الوان.وفى نفس التمن لقيت موبايل صينى مجهول الهويه بيشيل خطين يعنى هيوفى عليك لو عاوز موبايل تانى و فيه امكانيات ملهاش اول من اخر بس نسبة الاشعاع اللى بيطلعها لا محسوبه ولا هو متوافق عليه من هيئه دوليه و لا اى حاجة و زيه زى النضارة المضروبه مضر طبعا على المدى البعيد....وقتها هتشترى ايه؟
يا دوكتور و الله الشعب المصرى دة غلبان مش هنبقى احنا و الحكومه عليه.
انا بصراحة نفسي البس نظارة شمس..
لكن عشان انا لابس نظارة طبية فمش ناوي اشيل نظارتين :(
وانت ايه اللى مضايقك يعنى كل واحد حر طالما مابياذيش حد
تفتكر ينفع انا كمان لابس النظارة النظر على طول ونفسى البس الشمس ومكسل اشيل الاتنيناقتباس:
إعمل نظارة شمس بعدسات نظر...
يعني إختتار الشمبر اللي يعجبك ووديه لأي واحد بتاع نظارات يغيرلك الزجاج بواحد إسود أو بني او أي لون انت عايزه و بنفس مقاس النظر بتاعك...و العدسة هاتبقي بنفس شكل القديمة
بس لازم بحجم معين ولا ممكن نظارة كبيرة (police
وازاى اخلية يعملهالى نظر
والى هايشوفها هاتبان انها نظر ولا زى الشمس
شكرا طيب شوف كدة النظارة الى فى الرابط دى ممكن تتعملاقتباس:
هتبان انها شمس عادي جداً
أي حجم عدسة تحبه...بس ماتجبليش عدسة قد الوش و تقوللي مانفعش :36_1_37[1]:
انت روحله بالنظارة و الكشف و قوله اللون...و هو هايظبطك....التكلفة حوالي 75 جنيه
لانى عندى زيها بالظبط
(حجم العدسة بتاعها كبير اوى وامفتكرش انها ممكن تتعمل )
http://images.craveonline.com/articl...sunglasses.jpg
95% من النظارات اللي انت شايفها .... ب 10 جنية ..... وكبيرها 15 جنية لو هيا مميزة
انت فاكر كلها بوليس و ريبان وكاريرا ...... انسى يا باشا
طيب محدش يعرف انا لو عاوز اعمل عدسات لاصقة على مقاسى (طبية)
هاتتكلف كام ونظام العناية بيها اية ؟
انا بسبب الشمس مبنزلش الصبح خالص حتى ساعات بكنسل الجامعة كتير جدااا بسببها و طبعا مش طول اليوم هلبس نظارة شمس
فعملت نظارة تحمى من اشعة الشمس و بتقلل الاضاءة عموما و بتتلبس بالليل كمان
كده افضل من انى افضل لابس النظارة الشمس طول اليوم بس انا مخليها لمشاوير زى الهرم والصحراء و هكذا ..
المهم انها لا توذى العين
انا لقيت نظارات فى الاسكندرية فى الميدان ب5جنيه والله ومنظرها يخض من جمالها وشياكتها بس طبعا الخامة حدث ولا حرج
اي بتاع نظارات يا درش
فيه مثلا اسامة جنب المكتب عندي في شارع العباسية قبل ميدان عبده باشا بعد كافيتيريا دريم
...
لكن فعلا العدسات الشمس الماركات المحترمة بيبقى فيها طبقات عاكسة لمنع الاشاعة الضارة من الوصول للعين ... وعشان كدة غالية
لكن اللي ح يعملها المحل دي مجرد عدسات طبية ملونة علشان تحمي العين من الاضاءة القوية فقط
وممكن كمان تعملها فوتو جراي او فوتو براون بحيث العدسة تغمق في الشمس وتبقي عادية بالليل ... دي عملية اكتر
وممكن تعمل عليها طبقة مقاومة لاشعاعات الشاشة بتاعت الكمبيوتر
اسمها انتي فلاكشن تقريبا بس مش متأكد م الاسم
نضارات الشمس مهمة جدا ً ومينفعش تنزل من غيرها بس حاجة نضيفة مش أقل من 200 وأنت طالع ودة العادى جدا ً ، النضيف تلاقيه بيبدأ من 600 جنيه عالأقل بوليس واوكلى وتاج هيير وريبان ، كمان بتدى شياكة مش ممكن.
هييييييييييييييييية خلاص هاعملها بس انا عاوز اجيب واحدة زيها تقليد او صينى لان دى اوريجينال وتمنها اكتر من 700 ج حرام اشيل عدساتها ولا اية ؟اقتباس:
هي دي النظارة اللي كان عملها صاحبي و منها أخدت المعلومات دي...
ماتقلقش هاتشتغل:s_thum1[1]:
خلاص هانزل النهاردة اشترى واحدة تقليد واروح اوديهااقتباس:
نظارة تقليد ب 25 جنيه زي الفل
السلام عليكم ورحمة الله وبركاته
انا عندى النظارة الشمسية الطبية دى من أكثر من سنتين وهى ممتازة جدا و مفيدة جدا فى السواقة..
ولكن هل العدسات البلاستيك الملونة دى تحمى العين من الاشعة فوق البنفسجية أم لا ؟
سؤال سألته للكثيرين من العاملين فى محلات النظارات ولم أخرج بأجابة
افيدونى جزاكم الله خيرا
انا كنت لابسها لحد اول الصيف بقت المخدات بتاعة النظارة تعلم فى وشى بالاضافة ان وشى بقى 500 لون حتة حمرا وحتة مش حمرا ووالدنيا حر والعرق عامل شغل ومش ناقصة.
بطلت البسها.
انا نضارتي k-actor ايطالي كانت ب 700 جنيه و شيلت عدساتها و اتعمللي ليها عدسات بلاستيك جراي مع انتي ربفلاكشن شكلها تحفه و طبعا كنت بنقي من موديلات محدوده علشان الكيرف بتاع العدسات
الفكره كلها الى اكيد د/احمد عبد الهادي يقصدها ان هى بقت ظاهره جديده فعلان والناس كلها بقت لبسه نظاره شمس مش زى زمان يعنى اكيد هو يقصد كده
والحل بسيط الفكره ان النظاره النهرده بتنزل صينى وفيه مصرى كمان بتتباع بى 10 و 20 جنيه اقصى حاجه فطبيعى ان الناس كلها تلبس نظاره شمس على شان تحمى عينهم من الشمس زى ما الاعضاء بتقول.
والحل التانى ان فيه ناس بيضحك عليهم وبيلبسوها منظره والناس دى بيلاقو ناس بياعين مثلا على الشواطى ماشيه تقول اسماء ماركات محترمه فا بيشربو المقلب وياخدوها.
والحل الثالث ان فيه ناس كتير عندها حساسيه فى عينها من الاشاعه بصفه عامه سواء نور او كمبيوتر او شمس كله زى حالاتى كده فلازم يلبسو نظاره شمس طول النهار وبعد كده بيتعملو مع النظاره الى فيها عاكس للضوء الى هى بيكون عدستها لونها ازرق او بنى او اخضر وطبعا الشمس مش بتكون بى 20 جنيه انا لابس نظاره اسمها سيلوت المانى بى 1500 جنيه مش فشخره لا غصب عنى على شان دى فيها الفلاتر الى انا محتجها والدكتور قالى اشترها بالموديل كمان والنهرده بندم انى ما كونتش بلبس النظاره الى بى 20 جنيه على شان لو كنت لبستها من الاول مكنش حصلى كل ده.
دى الفكره كلها وياريت الناس كلها تلبس نظاره شمس وكمان وهما على الكمبيوتر يلبسو نظارات فيها عاكس للضوء على شان يحافظو على عينيهم وخلو بالكم الحساسيه من الاشاعه الايام دى منتشره اوى حافظم على عينيكم وربنا يحفظكم من اصحاب العمى الى بيركبو فى عربياتهم ضوء الشمس تلاقى الواحد منهم ضرب النور فى عينك تمشى مش شايف قدامك ربع متر منهم لله دول برده سبب من ضمن الاسباب الى عملت فى عينى كده منهم لله واكيد ربنا مش هيسامح حد بيضر غيره
لو حضرتك تقصد العدسات الى هى لونها ازرق او بنى او اخضر الى هى فى النظاره النظر العاديه لا متنفعش فى الشمس نهائى
النظاره الشمس هى الى تنفع لضوء الشمس على شان بيكون فيها فلاتر ومسام للتهويه فى العدسه نفسها احنا مش بنشوفها بالعين كده بس هى بيكون فيها مسام للتهويه وحاجات كتير اوى بس هى الى تنفع فى الشمس انما التانيه دى تنفع للكمبيوتر او للقياده ليلا ومش اوى فى القياده احيانا تلاقى ناس ضربه الكشاف بتاع عربياتها ولا بتعمل حاجه النظاره
طب يا جماعه .. لو واحد نظروا ضعيف -8 .. و حب يعمل نظاره نظر بعدسات ملونه .. فوتو براون .. هل هيبان سمك العدسات ده في النظاره ؟؟
فيه عدسات مضغوطه
مايلبسو نظارات شمس وفيها ايييييييييييه حتي لو منظرة او مضروبة ماهما طول عمرهم بيلبسوووووووووو بالعافية ورسمي فيها ايه لما يلبسو بمزاجهم بقي
تم حصولك على انذار لمخالفة القاعدة 12
تم تفعيل وقف اسبوع و حساب نقاط المخالفة في ملفك
مشرف عام.2
فين المشكله